كيف تخلي زوجك رومانسي

بنات انا لي سنه ونص من تزوجت ومشكلتي كيف اخليه رومانسي؟؟؟
يعني كيف اخليه يسفرني ويوديني مطاعم يفاجأني فيها او كوفي حق كم ساعه؟؟؟ من غير مااطلبه........
والله اغار واموت غيره اذا شفت اخواتي ازواجهم يسولهم كذا او حتى اخوانه هو ..........
كنا مع بعض عند اهله واحس روحي طلعت اقوله طلعنا نتمشى يمشينا ولازم امه ونجلس كم ساعه ونرجع لان باله مشغول بالرجعه وامه كبيرة سن... واذا قلت بروح معاك اشتري عشا او اي شي بس عشان اطلع معاه لازم ياخذ امه والخدامه بعد.........
ومااشوفه الا بالليل ويرجع تعبان وينام........ ودايم كنا بمشاكل........ حتى مرة طلع هو وامه ولا ادوني خبر وخلوني لوحد ميته قهر...... ولما قلتله قال لي على بالي امي قالتلك........
وذحين انا عند اهلي قلنا تغيير جو.......... امسجله مايرد علي الا يالليل يقول تصبحين على خير........ وادق عليه اكلمه القى عند احد ومايقدر يكلمني ولا يرجع يتصل من جديد...........
وذحين كتبت له رساله انو ناسيني قال انتي على بالي حتى لو مارسلت........... طيب مو المفروض ياخذني ويوديني كوفي او مطعم نجلس مع بعض شوي عشان انا بتركه كم اسبوع؟؟؟؟؟؟ انا اللي اسوي كل شي.؟؟؟؟؟؟؟ حتى زوجه اخوه كانت موجوده وحست اني متضايقه وقالت انا زوجي امس دلعني وشرالي كيك وعصير ماقصر ... قسم بالله قهرتني ورحت ابكي قهر... تغيضني وانا ماضريتها...... بس مو عارفه ايش اقوله اطلبه؟؟؟؟؟؟؟؟؟ ماتطلع حلوه..... مايكون لها طعم........
انا اذكر مرة قلتله اني احب المفاجأات ليه ماتسويلي مفاجأه جلس يضحك......... حتى يوم زواجنا قلت بسوي حفله قال لا تسوين ولا شي مالها داعي....... ولما سويت حفله على مرور سنه من زواجنا عجبته وجاب لي هديه..... كل اخوانه راحو شهر العسل بالخارج الا انا يقول اخاف عليك؟؟؟؟ واذا قلتله انو اخويا يودي زوجته فنادق مرة بالشهر او يحجز شاليه يقول خساير؟؟؟؟ طيب كيف اغير جو؟؟؟؟ عند اهلي؟؟؟؟
طيب ذحين بيجي العيد اذا رجعتله ايش اسوي والله بنقهر اذا ماسوى لي حفله؟؟؟؟؟؟؟؟
راح تستغربون من كلامي..... لاني اشوف الناس كذا ........ اشوف اذا الواحد بعد عن زوجته شوي شرى لها فستان او ............ اي شي انتو ادرى بالمواضيع هذي........
مع انتي والله طيبه معاه ونظيفه وشياكه وهو يشهد بالكلام هذا لانه سمعته يقول لامه......
طيب انا ايش اسوي صبرت كثير لي سنه ونص معاه اخاف يتعود وكأني معاه من سنين........
على ان عمره 28 مو كبير مرة عشان يكون بارد بالطريقه هذي.........
وعنده مشكله ...........
انو طيب بس اذا زعل يخرب كل شي ينسى اني زوجته ويكره مني اي شي ويفهم الكلام غلط وعادي مايبغى اتناقش معاه عشان اصحح تفكيره واذا هدي بعد كم يوم يقول اسلوبه غلط بس مو عارف كيف يغيره............
انا والله تعبانا لاني اشوف اخواتي وزوجات اخواني وزوجات اخوانه غير.........
طولت عليكم وودي افضفض عن اللي بخاطري ,,,,,,, بس ماابغاكم تملون..... كل اللي ابغاه انكم تنصحوني وتطيبون خاطري ولو بدعوه بظهر الغيب...........