كيكة التفاح لذيذه بشكل بس جربوها

1. مقادير الكيك/

هذي أول مشاركه لي في هذا القسم وجبت لكم كيكه التفاح ايش طعامه فيها ما تتصوروا قد ايش لذيذه وسهله واشيائها متوفره في كل بيت لا تكسفوني وجربوها ماراح تندموا.............ياساتر كل هذي المقدمه عشان اقنعكم خ وعلى فكره لما اسويها أهلي كلهم ما يقاوموها ويقولوا كل مره ألذ من اللي قبلها
اليكم عزيزاتي المقادير /
بالمضرب الكهربائي <( 1كأس زيت _1كأس سكر )
يخلط قليلاً ثم يوضع / 1م ص فانيلا +1كأس جبنه سائله ثم يخلط قليلاً + بيضتين ثم توضع الخلطه جانباً.

مقادير الكيك/

1كأس دقيق + 1م ص بيكنج باودر يخلط سوياً على الناشف ثم يصب على الخليط السابق ويضرب جيداً حتى يتجانس ثم يصب في صينيه مدهونه ثم يفرد عليها : 1علبه قشطه لا تخافوا الخطوه سهله لأنه القشطه راح تمشي معاك تمام وما تتداخل مع الكيك بعد ذلك يرش عليها سكر ناعم ثم يبشر 2 تفاح ويرش على الوجه ثم يرش أخيراً قرفه مطحونه وتوضع في الفرن ان شاء الله تعجبكم واللي تجربها تبلغني كيف طلعت معاها وبالعافيه عزيزاتي.
ملا حظه: بالنسبه للجبنه السائله الحجم الوسط الطويله اللي بعد الصغيره مره وممكن ماتحطيها كلها ثلاث ارباعهابس يعني تشيلي الربع الأول من باب التقليل من السعرات الحراريه وتبقى ناجحه / التفاح تقدري تزيدي العدد على حسب صينيتك المهم يوزع على كامل الصينيه والقرفه كثيريها شويه مو رش خفيف لانه تعطيها لذذه . وسلامتكم.