كيكة الجزر العجيبه حياكم

1. السلام عليكم ورحمة الله وبركاته


2. واخيرا وقت التزين والتقديم

السلام عليكم ورحمة الله وبركاته

حبيت اقدم لكم كيكة الجزر واللى طعمها يجنن آنا الصراحه كمن مره سويتها .....وكل ما أقول بسوي كيك يطلبون مني ها الكيكه هي جدا سهله وخاصة اللى يحب الجزر آنا عن نفسي وفي حياتي ما فكرة أكل كيكة الجزر بس يوم سويتها طلع طعما روعه والحمد لله
بسم الله نبدأ بالمقادير:-
اولا مقادير الكيكه
2 كوب طحين ذاتي التخمر( وآنا الصراحه أحب ازيد عليه نص ملعقه بيكنج باودر والافضل يتم نخل الطين مع البيكنج باودر للتخلص من الكتل)
2 كوب سكر
1 كوب زيت
1 كوب حليب بودره اي ماركه عندكم
4 بيضات
فانيليا ملعقه صغيره
رشه جوزه الطيب وملعقه قرفه مطحونه
ربع كوب عصير أما برتقال او اناناس او تفاح
كوب جزر مبشور فنجان جوز مقطع قطع صغيره
مقادير التغليفه:-
التغليفه الاولى:-
4 ملاعق سكر بودره
علبه قشطه نستله
0حبات كيري
نص بكيت الزبدة المتوسطه الحجم
التغليفه الثانيه:-
جزره مبشوره-2 ملعقه سكر-رشة قرفه-زبده
الطريقه:- الكيك
في خلاط الكيك نضع الزيت والبيض والفانيليا والسكر ونخلط الى ان يصير الخليط كريمي ومتجانس القوام
بعده نضيف القرفه وجوزه الطيب طبعا مع استمرار الخلط
نضيف بعدها الجزر والجوز ويكون الخلاط شغال
وبالتدريج نضيف الدقيق واذا لاحظتي انه الطحين صار وايد سميك يمكن تزيدين العصير شوي شوي لين ما اتحسين انه صار قوامه عادي
صبي الخليط في قالب مدهون ومرشوش بالطحين او ممكن اتبطنين القالب بورق الزبده(وهذا أفضل)
دخلي الكيكك الفرن مده 45 دقيقه لين ما تستوي وطلعيها وخليها تبرد تماما
اللحين بوصل لطريقه التغليفه واللى هي أحلى شي في الكيك
اخلطي الجبن مع السكر البودره مع الزبده مع القشطه لين ما اتحسين انه الجبنه ذابت مع الخليط(علشان جيه من الافضل ما اتكون الجبنه بارده يعني طلعيها قبل بوقت من الثلاجه حتى اتصير طريه)
بعد ما تخلطين حطي الكريمه في الثلاجه لين ما تبرد الكيكه
طريقه التغليفه الثانيه
في ها الوقت جيبي الزبده وخليها اتذوب في المقلاه على نار هاديه وحطي الجزره المبشوره عليها و 2 ملعقة سكر ورشه قرفه وحركي المزيج لين يذبل الجزر ويصير لونه شوي غامق وخليه على صوب لين يبرد

واخيرا وقت التزين والتقديم

جيبي الكيكه وحصي عليها الكريمه ودخليها 5 دقايق في الفريز عشان بس تجمد شوي الكريمه وعقب ما اطلعينها حطي عليها الجزر الى سويتيه(التغليفه الثانيه)......وتقدم مع القهوه خاصة وقت العصر وبالعافيه .....جربو واريد رايكم ودعواتكم لي بالزوج الصالح
ودمتم سالمين ومع الشكر الجزيل على المرور