كيكة دخن بالتمر تمريه وبالصور

ام حاتم.~

09-11-2022 - 02:40 pm

السلام عليكم ورحمة الله وبركااته ...~
كيفكم يافراشات ؟؟؟!
اليوم جايبه لكم طريقتي في كيكة الدخن بالتمر من مطبخي وششغل يدي
طبعاُ هي كيكه ششتويه بقوه لان الدخن حار شوي <<< شطه على غفله بسس مدري شقولكم
اكيد كلكم عارفين الدخن وعارفين وش اقصد ياويلها الي تقول مدري .... >>
يلا نبدأ بالطريقه ..
المقادير
1 كوب دخن مطحون
1كوب دقيق ابيض
نص كوب سكر
ملعقه بيكنج بودر
نص كوب زيت
كوب حليب سائل { حليب بودره مذوب بالماء }
الحشوه
تمر مطحون .........
وبامكانكم تضيفوو شوية مكسرات مطحونه بسس انا مااحط << وحده اذا جابت المكسرات تقضي عليها على طول
هاذي المقادير ونبدأ بالطرييقه < حسيت نفسي حورية المطبخ ههه ما كأن الوصفه قديمه ؟
اول حاجه تنخلي المقادير الجافه للحرص لاني لقيت في دقيقي كور ولو جات في الخليط ممكن تخرب وماتستوي !!
وبعدين نضيف الزيت والحليب ونخلط باتجاه واحد
بالمناسسبة انتو عاملوها معاملة الكيك >> يعني الخلط والفرن ؛؛؛؛
وهاذا شكل الخليط بعد مااجتمع مع بعض
ثم تجيبي صينيه مدهونه بزيت
وتضعي نص الخليط يعني تقريبا تخلي الي تحت اكثر من الي فوق عشان التمر ماينزل
بعد كدا تجيبي التمر المطحون وهاذي صورته .
وتبدأي تقطعي بيدك وتفردي وتحطيه على الخليط .. واذا يلزق بيدك امسحي يدك بماء
يسير شكلها زي كذا
بعدين اضيفي باقي الخليط
ودخليها الفرن من تحت وثم من فوق .... ولا تفتحي الفرن بسسرعه لانها زي الكيك تهههبط
وهاذا شكلها بعد ماخرجت من الفررن
وهذا صحن التقديم ...ْ
جربوها ترى والله لذيذه خصوصاا مع الشتاء لانها ماتصلح في الصيف مره..
وخصوصا الرجال يحبوهاا مره <<< ماكانها تسسوي تسسويق
يلا ابغى اشوف الردود والتقييم << ركزو على التقييم
والي جربتها قبل كذا تقول رايها وطريقتها
دمتن بخير { }
تحياتي ام حاتم
لااحلل النقل بدون ذكر المصدر

التعليقات (8)