كيكة زواجها كرة من النار مهم اقرأها للاخير

فلانة/ هي بطلة هالقصه كان مقرر زواجها ب 29 /1 / 2010 لكن قدر الله وماشاء فعل
فلانة بنت طيبه بكل معنى الكلمه ومحبوبه حييل من كل اللي حواليها
من الاهل والاصدقاء وفوق هذا جميله لكنها ماتتبهى بهالجمال بالمره
وماشيه ع النيه ..
فلانة تعشق شي اسمه ( نت ) وتقريبا يومها كله يروح بالقعده ورى هالكومبيوتر
وماشاءالله عليها بكل موقع تدخله تتميز وتاخذ رتبه
تقريبا كل الرتب اخذتها مشرفه مراقبة اقسام مراقبه عامه وحتى الاداره باللي باللون ( الاحمر )
وهي ماشاءالله شعلة نشاط بكل هالمواقع ( لكن ) فيه واحد من هالمنتديات تحبه بشكل
جنوني وناقعه فيه ليل مع نهار ومحبوبه من الكل فيه
ولانها متميزه بشغله بهالمنتدى محد تميز فيها الا هي .....؟؟
المهم مستمره هالبنت ومدهره بتلبية طلبات الاعضاء اللي ماتنتهي وتفرح لما يثنون عليها
بهالشغله اللي تسويها وع هالحال لمدة سنتين لاتكل ولا تمل
وطبعا ادارة هالمنتدى ماتقصر بمنحها الاوسمه والتشجيع المستمر
اللي يخليها تناقز من الفرحه وتعطي اكثر ..
المهم هالبنت تقرر زواجها بالتاريخ المذكور اعلاه ..
وبدت تحضر لزواجها وهي فرحانه لان اللي بيتزوجها ولد خالتها وهو شاب كل الصفاة الحلوه
فيه وهي معجبه فيه حييل
المهم حضرت كل شي وفي كل روحه لها للتسوق تاخذ اعز صديقاتها وهم ......؟
مع امها واختها
خلصت كل تجهيزاتها للزواج وحتى فستان الزواج اصبح عندها بالبيت لانه كان تصميم خاص
لها وغالي وايد
وكل يوم لازم تطل ع هالفستان >> وصرعت صديقاتها فيه دوختهم لدرجة
وحده من صديقاتها قالت لها ليش تحسسيني انك عانس
وماصدقتي تتزوجين ع العموم قرب زواجها وقبل الزواج بإسبوع فقط ..؟؟
اقعدت من النوم وهي تصارخ وتبكي بشكل هستيري وكانت الساعه (2) الصبح
وكان اصراخها عالي وعلى وصف اختها كان اصراخ مرعب وكأنها ( ملبوسه )
استمرت ب الصراخ وامها وابوها واختها وزوجة اخوها يحاولون يسكتونها ويهدونها
لكنها مستمره بشكل مخيف
وكان ابوها يقول يابنت اهدي واقصري الصوت العالم الفجر لاتفضحينا
وهي مستمره راحت اختها وكلمت اخوها اللي كان مداوم وقالت له السالفه
وطبعا ترك شغله وجاء وهو خايف من الوضع
لما وصل اخوها وشاف شكلها الغريب بسرعه طلع من البيت وراح لإمام المسجد
اللي كان يقيم بغرفه بالمسجد وجابه للبيت دخل الامام وشاف منظر البيت
فقرب منها وبدأ يقرأ القرأن وكانت امها ماسكتها وترش عليها من الماء اللي مقري فيه
وتغسل وجها
بعد فتره هدت البنت وبدت تبكي بحرقه وتقول خلاص معاد ابي اتزوج خلاص
هالزواج مافيه خير لي ولكم
ف استغرب الجميع من كلامها وقالت اختها زواجك بعد اسبوع بس
قالت ولو ماراح اتزوج سألها الامام ليه يابنتي استهدي بالله وقولي لنا ايش حصل تقولين هالكلام وتتخذين هالقرار المفاجىء للجميع ...
قالت
شفت شي بمنامي خلاني التخذ هالقرار
شفت اني لابسه ثوب زواجي وكنت بصالة الافراح وامشي بين الحضور
وكنت فرحانه بس كنت احس الارض اللي تحتي مو مستويه وبغيت اطيح اكثر من مره
بس كنت اتماسك قدام الناس علشان الفشله ..
وصلت الكوشه وجلست بإنتظار العريس ولما وصل وبدأ يسلم ع خواته وامه
وجاء وجلس جنبي وكنت منبهره فيه واتباهى بوجوده جنبي لانه امنية كثير من بنات الاقارب
المهم جاء وقت تقطيع الكيكه ووقفنا ننتظر الكيكه ولما جابوها العاملين عليها
كانت مغطاه بغطاء حلو ومبهر فقلت لاقرب الناس لي اختي وصديقاتي المقربات
انتوا بالذات بذوقكم منها تعالو جنبي
وهنيه اكشفوا عن الكيكه ولا هي كوره من نار حرارت لهبها يصلي الوجه ونور
اضاءتها يعمي العيون صرخوا الناس وانا استغربت وكنت راح ابتعد عنها لكن امسكتني صديقتي
وقالت تعالي قصيها يافلانة ليش خايفه قلت لها بس هذي نار قالت عادي
الكيك متعدد الاشكال بس طعمه حلو ولاتنسين انك انتي اللي طلبتيها بهالشكل
قلت لها متى فلانة وربي ماطلبتها تكون جذي
قالت صديقتي انتي طلبتيها وانا حذرتك من هالشكل وانتي صممتي استغربت من كلام صديقتي واخذت السكين وانا احس اني مغصوبه قطعة اول قطعه
واخذتها بإيدي وكنت راح اعطيها زوجي لكن مالقيته التفت ادوره مالقيته ف عطيتها
صديقتي قالت شكرا ماابيها ف مديتها ل ----؟ ف امسكتها لكنها احرقتها بإيدها ورمتها
وهي تتألم ولما نظرت للي وراها لقيت طابور من الناس كلهم مادين
ايديهم ف فرحت قلت غريبه حبوها رغم انها تحرق وبديت اقطع لهم وياخذونها وهم يتألمون
من حرارتها بعدها تعبت وانا اقطع والكيكه كل مانقصت زادت مره ثانيه والطوابير
تزيد واللي يبون منها يزيدون وضليت ع هالحال ساعات طويله ومن التعب كنت ابكي
انهكت ع الاخر وكل ماجات عيني بعين صديقتي بكيت اكثر وهي كانت تمسح دموعها
صرخت وقلت فلانة تعبت متى تخلص هالكيكه قالت صديقتي باقي كثيروبدت حرارت النار تسيل مكياجي وتوسخ الفستان وكنت اعاني من التعب الشديد
وفجأه علقت النار بإيديني وبديت اصارخ واصارخ
مثل ماشفتوني .. وانا خايفه خايفه ياشيخ
قال الشيخ استغفري ربك يابنتي وقومي توضئي وصلي ركعتين وان شاءالله خير
اختها حست ان فيه شي هالحلم ومن الصبح ارسلت ايميل ع احد مفسرين الاحلام
وحلفته بالله انه يفسره لها بخيره وشره للضروره
وبعد فتره ارسل لها المفسر وقال خلي اختك هي اللي تروي لي ع التلفون
كلمته صاحبة الحلم وروت له اللي شافته وسألها عن شاللي تسويه وقالت له كل شي عنها
قال لها فيه شي انتي تخفينه او تسوينه بالخفاء شنو هو فلانة قالت فيه شي ياشيخ انا اسويه في احد المنتديات وبصراحه كانت وحده من صديقاتي
دايما تنصحني منه بس انا احب هالشغله واحس اني ماهره فيها
قال الشيخ شنو هالشغله
قالت انا مشرفه ع قسم بأحد المواقع وهالقسم يختص بتلبية طلبات الاعضاء
الخاصه بالاغاني وكنت ابدع فيه احول لهم الصيغ واسوي لهم مقاطع ومكسات وسوالف كثيرة
قاطعها الشيخ وقالت استغفري وتوبي هذا كان تنبيه من الله لك
الكيكه كانت عملك الغير صالح والقطع اللي ارهقتك هي صدقاتك بالذنب المشترك مع من
قطعتي لهم هالمقاطع وشجعتيهم عليه واسعدتيهم في توفيره لهم وطول الطوابير وتجدد الكيكه
هو الذنب الجاري وكبره ف شوفي كم شخص اعطيتيه طلبه وكم شخص سمعه معه وكم شخص
نقله من منتداك الى منتدياتهم وكل هذا بسببك انتي
تقول البنت انهرت وقلت شسوي ياشيخ قال توبي لله توبه نصوحه وتبرئي عن كل
مافعلتيه بهذه المنتديات
خصوصا مايخص الاغاني والمنكرات وسأل الله لي ولك الثبات
وتوبي فلانة توبي لانك ماتدرين متى الله ياخذ امانته والله يحسن خاتمتنا جميعا
ولاتنسين يبعث المرء على مامات عليه يا بنتي ___________
طبعا البنت الحين تابت لكن تعاني من حاله نفسيه سيئه وتعالج
وتأجل زواجها الى اشعار اخر ( وادعوا لها الشفاء مما هي فيه ) وادعوا لها بالثبات
ملاحظه :-
هذه صديقتي المقربه وفلانة صديقتنا الاقرب واحب الناس لنا
ودايما تنصحنا لكن الشيطان الملعون لاسيطر ع الواحد
وع فكره الصديقه المقصوده اللي اعطتها فلانة القطعه واحرقتها ورمتها هي )
ومن يومها حرمت اشياء واايد ع نفسي وانتوا تعرفوا اصعب جهاد جهاد النفس
انا كتبت لكم قصة صديقتي علشان العبره ولاني حابه الخير لكم
والله يكفينا شر انفسنا والشيطان
واللهم إنا نستغفر ونستهديك ونتوب إليك !!
يا غفار الذنوب ويا ستار العيوب !!
إغفر ذنوبنا وإستر عيوبنا وأدخلنا الجنة يا رب العالمين
الهم اجرنا من النار
اللهم اجرنا من النار
اللهم اجرنا من النار
القصه حقيقيه
للامانه منقول