كيكتي المحشيه بالصور

غنــــــــــــــوه

14-11-2022 - 04:38 am

مرحبا بنات شلونكم
اليوم سويت كيكه وحبيت انزللكم الصور
المقادير نفس مقادير الكيكه اللي سويتهه ونزلت صورتهه
هذه الكيكه القديمه
المقادير
3 كوب طحين
ملعقه اكل ونص بيكنك باودر
ملعقه كوب فانيلا
المواد السائله
بيضتين
كوب زيت
هيل حسب الرغبه
حليب حسب المتوفر سائل او باودر
كوب ونص سكر
الطريقه
يخفق البيض مع السكر والزيت وتضاف اليه المكوّنات الجافه
توضع العجينه في قالب مدهون ومرشوش بالطحين وتخبز بالفرن لمدة الى دقيقة تقريباً على درجة حرارة فرن الى فهرنهايت
بنات اليوم حبيت اسوي تغيير فقسمت الخلطه 3 اقسام ووضعتهه بصحون القصدير مثل الصوره
ودخلتهه الفرن وبعد مااستوت حضرت الحشوة
طبعا الحشوة حسب الرغبه وحسب الموجود
انا حشيتهه بالنستله وغلفتهه بالنستله
اول صحن كيك دهنته بالنستله ووضعته الطبقه الثانيه وايضا ضفت عليهه نستله ووضعت الثالثه وبالاخير غلفتهه بالكامل
وبعدهه حطيتهه بالثلاجه حتى تتماسك
هذه صورتهه النهائيه
وهذه صورتهه لما قطعتهه
ان شاء الله تعجبكم
وهذه قطعه كيك لاول وحده ترد
انتظر ردودكم وتعليقاتكم

التعليقات (7)