لا تفوتكم بسبوسه اخت lotus flowers

1. * الطريقه:

صباح الورد والمسك والعنبر ...
كيفكن صبايا....؟
اليوم جايبه لكم وصفة بسبوسه لذيذه من اختى الله لايحرمني منها <<< هذا المستخدم مو وجه مطبخ هع هع
بنات لا تتريقون علي كتب الوصفه بالعامي زي ما شفتها تسويها....
ملاحظه: لازم تكون كل المقادير بنفس الكاسه.

• المقادير:

كاسه حليب بودرة كاسه سميد نص كاسه سكر نص كاسه زيت ملعقة كبيره بيكنج بودر علبتين صغيره قشطه ( يفضل قشطه لونا ) علبتين كبيره قشطه طازجة.

* الطريقه:

نخلط المقادير كلها مع بعض ونعجنها ب قشطه لونا، نقسم الخليط إلى قسمين الأول نحطه في الصينية بايركس ( قزاز تتحمل حرارة الفرن ) نفرغ القشطه الطازجة في صحن ونقلبها مزبوط عشان يسهل دهنها على الطبقة الاولى من الخليط، نأخذ القسم الثاني من الخليط ونخففه بشويه مويه ونصبه على القشطه في الصينيه ( صار في الصينيه 3 طبقات اول طبقه الخليط ثاني طبقه القشطة الطازجه ثالث طبقه الخليط المخفف ) ، ونحطها في الفرن ونولع النار من تحت بس لين تصير ذهبيه من الاطراف بعدها نطفي من تحت ونولع من فوق مارح تاخذ وقت من فوق، وبعدها نخرجها من الفرن ونصب عليها شيره بارده.

• * الشيره:

كاسه مويه كاسه سكر
نحطها على النار لين تغلي وبعدها نبردها.
وبالعافيه
واي سؤال انا حاضره عيوني لكم
ادعوا لاختي انه ربي يرزقها بالولد الصالح ***
وانا كمان ادعولي نقلت لكم الوصفه ههه
اختكم: لوتس