لاحد يضحك على مشكلتي من جد مسببه لي ازمه

1. كل رمضان وانتو بخير والله يعيننا على صيامه وقيامه ويجعلنا من عتقائه

السلام عليكم ورحمة اله وبركاته

كل رمضان وانتو بخير والله يعيننا على صيامه وقيامه ويجعلنا من عتقائه

كيفكم حبيباتي انا حابه اطرح لكم موضوعي وابي منكم مشورتكم واقترااحاتكم والله لايحرمني من دعواتكم
بس لاحد يضحك على مشكلتي من جد هي مسببه لي ازمه زوجي ياحبيباتي من النوع اللي نومه ثقيل جدا جدا واذا نام ماعرف اصحيه وازودكم من الشعر بيت اذا بغيت اصحيه يصارخ علي ويهزاني ويغطي وجهه ويعصب ويقول كلام يزعل جدا وخري مني يامزعجه يا ...يا...والمصيبه اذا صحى وصحصح انكر كل شي صار ويستغرب انا قلت كذا مستحيل اكيد تتبلي علي ويبدا يهاوشني ليش ما صحيتيني حرام عليكي فاتتني الصلاه او فاتني موعدي وانا صار لي ساعه اصحيه يعني اذا قال بنام انا تصير عندي ازمه لاني متهزاه متهزاه سواء وهو نايم او اذا صحى حاولت بكل الطرق احصل طريقه اصحيه فيها بأقل اضرار ممكنه ما حصلت حتى المنبه يدق ويتقطع قلبه مايفيد حاولت اقرب منه واناديه مانفع تهورت حاولت بالمويه وانا ارتجف منه صارخ علي شوي ويطيرني من الغرفه وكل الطرق حاولت مانفع والحين انا حامل مالي صبر عليه وعلى كلامه واخاف اقرب منه وتلحق بي اضرار وبالجنين وبعدين رح ينكر اللي صار والغريب انه يوم كان عنده موعد مهم جدا قال صحيني سكت لاني عارفه نفس الموال كل يوم قام اخذ مخدته وبطانيته وقال بروح انام في الصاله عند امي تصحيني احسن منك ماتصحيني الا اذا فاتني الموعد انا انقهرت بس قلت خليني اشوف النهايه جاء الموعد بس وقفت امه عنده كلمتين بس قالتها قام مباشره الله يرحم وين التهزيءوين السب وين الشتم انا شوي واصيح كل هذا لي انا بس وامه لها الاحترام والتقدير وفي مره قلت خليني استفيد من خالتي فقلت لها ياخاله ولدك عذبني مايصحى وكل يوم مشكله على هذا الموضوع قامت ابتسمت وقالت زوجته ولاتعرفي تصحيه
حسيت وقتها اني زوجه فاشله الحقوني شو اعمل معه من جد انسان متعب وعصبي وشديد جدا ولايحب التفاهم والنقاش ممكن تسعفوني بطرق حلوه اصحيه بدون مايعصب او يصرخ فزعتكم .....ياخواتي الله يجزكم كل خير يارب ....