لارحلتي ودعي قلبي شوي شوي أجمل قصة حب أحداثها وقعت على أرض النت

.
.
.
.
مدخل
علم الاجتماع //هو دراسة الحياة الاجتماعية للبشرِ، سواء بشكل مجموعات، أو مجتمعات ، وقد عرّفَ أحياناً كدراسة التفاعلات الاجتماعية. وهو توجه أكاديمي جديد نسبياً تطور في أوائل القرن التاسع عشرِ ويهتم بالقواعد والعمليات الاجتماعية التي تربط وتفصل الناس ليسوا فقط كأفراد، لكن كأعضاء جمعيات ومجموعات ومؤسسات...
أولا المجتمع جماعات من البشر تعيش على قطعة محددة من الأرض لفترة طويلة من الزمن تسمح بإقامة علاقات مستمرة ومستقرة مع تحقيق درجة من الاكتفاء الذاتي مقومات المجتمع
1- الأرض محددة : وهي المنتدى..
2- البشر اى السكان: وهم الأعضاء..
3- الاستمرار في الزمن اى علاقات تاريخية: أي تاريخ التسجيل أوممكن عدد المشاركات والمواضيع..
يعتبر أوغست كونت من أهم الباحثين في علم الاجتماع و يعتبر المؤسس الغربي له إلا أن الكثير من العرب يعتبرون عبد الرحمن بن خلدون بملاحظاته الذكيةالتي دونها في مقدمته الشهيرة المؤسس الفعلي لعلم الاجتماع..
أما مؤسسة علم الإجتماع النتي الفعليه هي انا <------
.
.
--------------------------------------
في اي مكان وفي اي تجمع إنساني تنشأ علاقات إنسانيه صح ..
ام طيب فوق شرحت لكم وش قصدي من التجمع الإنساني بشكل نظري وتطبيقي ..
كل الي ذكرته فوق ماهوالا تمهيد لوقائع قصه حقيقيه وإن كان أبطالها يتخفون تحت أسماء وهميه !!
قصه من خنبقات الحياة ومن حياة الواقع ومن واقع الكواليس ومن كواليس النت !!
لقد حان لي كعالمة علم إجتماع نتيه أن أميط اللثام والقناع والبرقع واللطام عن وقائع حقيقيه خفيه وخاصه جداً جداً جداً
.
.
.
.
.
يتبع

*** الفصل الأول ***
.
في علم الإجتماع تسمى المرأه الآخرفكيف وصل الحال بالمرأة إلى ماهو عليه اليوم (أي أن تكون "الاخر"او البنت اوالهيش ...
.
.
.
الآخر في قصتنا او البطله //هي رغد ومعرفها النتي ((رورو..))
.
.
عمرها // خلصت الثنويه وجابت مجموع زي وجهها يفشل ومادخلت الجامعه ولاتزوجت لإن وجهها مثل مجموعها والحين قاعده عند أهلها لاشغله ولامشغله عندهم نص درزن شغالات..
.
.
يعني بطاله X بطاله
.
.
.
.
حالتهم الإجتماعيه // فوق المتوسطه يعني أغنياء بس مايوصلون للطبقه المخمليه..
الأب // يعمل عند أمير ويرافقه كظله في حله وترحاله..مشغول دايم مسافر ولزماته سم وأبشر وطال عمرك..
.
.
.
.
الأم // ربة بيت أخذت على نفسهاعهد وهو الحفاظ على الجنس البشري من الإنقراض..
فكل سنه حامل ...ومشغوله مع هالبزارين ..أما عيالها الكبارفشعارهامعهم الي يكبر يشيل نفسه ناقصه هم أنا
.
.
.
.
.
الجده // أم والدهم ومسويه في البيت أكشن تراقبهم ومسوية لهم عسه ومسويه فاقستهم
موعاجبها ولاشي وأكثر شي مو عاجبها حال بنات ولدها العذارى !!تشك فيهم !! ...تعاني من صراع الأجيال والثقافات ...!
.
.
.
كانت دايم تعصب عليهم وتخاصمهم لإن بناتهم مايعرفون يطبخون ولايقدحون ولا ينفخون وحتى القهوه مايعرفون يصلحونها ..وتقول من بيتزوج بناتكم الرفلات إذا كان أبوكم ربي موسع عليه ترى مو ضروري ازواجكم يجيبون لكم شغالات ترى حنا كنا نطبخ لحمايل تزوجناوحنا أصغر منكم
وكانت الجده تربط دلعهم وترفهم بالمدرسه
وتسميهم بنات المدارس !
.
.
.
.
!
أماقهوة رغد الي تصلحها للجده فتكبها في وجه رغد وتقول لها هذي قهوه ولا ب...
حتى القهوه ماتصلحونها يابنات النت <<---- قلبت الكاتبه لشخصية الجده خ
.
.
.
شخصية رغد // رومانسيه من الطراز الاول ..تعصب بسرعه ..ترضى بسرعه ..مزاجيه المود لاعب في حسبتهاجداً حساسه أحلامها كثير وتشعر بالدونيه لإن أهلها مهمشينها فاضيين لها هم!!..وتحس بالفشل وبالفراغ... والشباب والفراغ والجده مفسدة للمرء والمراة أي مفسده....
.
.
.
القصه يتبع وأحب أقول شي مهم للبنات إن الي مارح تتابع القصه للنهايه بيفوتها نص عمرها
.
.
.
.
يتبع

.
.
((البطل))
.
.
إسمه // فيصل ..ومعرفه النتي ((برويز مشرف))
عمره // شاب مثل أي شاب تخرج من الجامعه ويكدح براتب يعتبرزين نوعاً ماء يبغى له أقل شي خمس سنين يجمع المهرإذا فكر أخونا في الله بالزواج!!
شكله // وسيم جداً ودنجوان
.
.
.
.
والرجال مايعيبه شكله مثل المرأه وفي النهايه الرجل هو الي بيلقط يعني هو الي بيختار!
.
.
طباعه // كريم ...سخي.. لسانه يقوطر عسل وهذا البلى !! يعني شاب من شباب النت المتخرج من التشات بتقدير ممتاز مع شهادة تقدير ! بالعربي الولد مقطع السمكه وديلها وزعانفها وخياشيمها
.
.
.
.
اضف الى هذا وذاك هو يكتب شعر..وأهم من هذا وذاك رغد توجته البطل يعني لوماكان فيه ولا صفه من الصفات الآنفة الذكر راح تشوفه رغد البطل,,
والبطل في عين رغد غزال
.
.
.
هذي المقدمة ..
تعالونشوف أحداث القصه الواضحة الملامح ..
كيف تعرفت رغد على برويز مشرف ؟؟
وكيف نشأت علاقة الحب ؟؟ كيف تطورت ؟؟ والى أي مدى
قصة حب سعيده ولا تعيسه كالعاده..؟؟؟
فيها خرابيط ولا لأ
وش بتستفيدون منها هذا إذا مامريتو في قصص مشابهه في أي تجمع إنساني هنا أوهناك...!
ربما لكم نهايات سعيده ..من يعلم<------اشك في ذلك وأطرز
هل مجتمعنا يعتبر الحب أسمى عاطفه؟؟
هل الأسماء في النت مستعاره والعواطف كذلك..
خلونا نشوف
.
.
.
------------------------------
((هذي قهوة...بنات..نت)) <<------عيارة الجده لرورو
ماجبنا لأحد سيرة ولا خنا الأمانة ...إذاً كيف عرفوا الناس عن قصة هوانا !!<< الهكر شغال
.
.
.

.
.
.
.
***الفصل الثاني ***
.
.
مدري كيف أوصف لكم الأحلام الورديه التي تعيشها ((رورو))...
كيف أعطيكم فكره عن طريقة تفكيرالبنات أجزم بإن اي بنت في عمر رغد أو أصغر أو أكبر تحلم وتتخيل وتعيش نفسها في أحلام اليقظه وهي تلبس الفستان الوردي المنفوش ....:ق1:
.
.
كتلة مشاعر البنت ..ذلك المخلوق الذي ربمايكون أضعف مخلوق وأقواه..
تحتاج الى من يسمعها يقدرها يؤنسها..يحسسها برقتها بأنوثتها ..
وكثيره هي اللحظات التي تحتاج تتكلم فيها مع احد أي أحد وتقول كلام ربمايكون اي كلام..
.
.
تقول رورو : كل يوم افضفض لنفسي .. كأنني أُكلم روحي ، و اُصبرها حتى يطلع الفجر في احلامي أعانق الورود وتشدو البلابل على الأشجاروأتمرجح على أكاليل الزهور
.
.
أعيش مع نفسي أجمل شعور ..
.
.
.
.
تقطع حبل أفكارها جدتها..بح صوت الجده وهي تهزأ ((رورو))
يابنت يكفي نوم وتسدح قومي نظفي البيت ؟؟
رورو: أنظف البيت انا أجل وش وظيفة الشغالات؟؟
.
.
الجده : اعوذ بالله من السنتكن الرد جاهز يمشي مليون!
انا أقول تعلمي ...تعلمي يكفي كسل ونوم ..
رورو: ياجده مايبي له تعلم خلي العريس يجي أول يوه..أيه صح جده موبكره زوارة لمى بنت عمي صالح!!
.
.
الجده : لمى يالبى قلبها ليتك تصيرين ربعها بس !!! إيه عندهم أم ياذيك الأم أم وهي أم...الا أمتس وأبوتس وينهم فيه!!!!!!
.
.
.
رورو: راحو يشترون أغراض ...عن إذنك جده شوي ..
وراحت رورو بكل برآءه تجيب الحلوى بتشيل الشعر الي في سيقانها..
جابت الحلوى وقعدت تعجن فيها ..وسط لقافة الجده!!!
وصارت رورو تفرد الحلوى على رجولها وتشيل الشعر ..وهي تتألم
.
.
الجده:خير وش تسوين!!
رورو: ياجده بلبس فستان قصير وقاعده أنظف رجولي ...
الجده إنطمت وإنتظرت الأم والأب لين رجعو ...
.
.
--------------------------
ويوم رجعو الأب والأم إستقبلتهم الجده بالساطور
الجده : تعالوا شوفوا بنتكم المؤدبه ..هذي نهاية قل التربيه هه شوفوا بنتكم رغد الزفت وش تسوي!!
.
.
الأم:وش سوت رغد ياخالتي !
الاب : رغد يارغد وصمخ تعالي!
رغد: نعم يمه هاه وش فيكم خرعتوني!
الأم : رغدوش سويتي ؟؟
رغد: والله ماسويت شي يمه وشفيكم؟؟!!!
الجده وهي كلها نظرات شك ووسواس وحنق ...
الجده : بنتكم يالشيخ قاعده تشيل الشعر من سيقانها !!!تقول بتدخل على رجل !!
رغد: وش فيها هذي كل صديقاتي يلبسون قصير وينظفون أنفسهم !!ياجده ترى بنات عمي صالح الي قاعده تمجدين فيهم يشيلون شعر جسمهم كله ..
الجده : هذابعد ماأعرسو
رغد: نوره ونوف ماأعرسو ..والله من زمان وهم مهتمين في أنفسهم ولاأحد قال شي..!!
.
.
الأم بصوت منخفض: رغد بنات عمك مايسوون هالشي قدام جدتك وإنتِ غلطانه بكره الزواره وجدتك مارح تخلي أحد الا وتعلمه وش سويتي...
.
.
.
الأب : رغد شيلي هالبلى وبكره ممنوع تلبسين قصير فاهمه<<-الأب على اساس يرضي الجده..
.
.
.
رغد تصيح وهي تطلع الدرج وتقول:إنتم ماتحبوني ولا شي وجدتي دايم تفتن علي وتصدقونها ياليتني أموت وترتاحون مني وبكره مابروح معكم الزواره مابروح مابروح ...تهيء تهيء تهيء
.
.

الراقية
الساقية للقلوب نقاء
ولسماء الحرف إرتقاء
|! سماخير !|
دائما تشعلين قناديل الفرح
لأنكِ تلك التي تحمل الشموع
لتضيئ دروب الأقلام
وكم يحب قلمي نور قلبكِ
قبل شموع قلمكِ يا سمسومة
***
الجده : بنتكم يالشيخ قاعده تشيل الشعر من سيقانها !!!تقول بتدخل على رجل !!
^
^
خير وين عايشين ايش هذي الجدة؟؟؟!!
***
شكلها قصة مختلفة...ورائعة
ننتظركِ
جِنَانٌ من الوردِ .. مَمْزُوجَةٌ بِعِطْرِ النَدَى.. لِ قَلْبِكِ
.
.

واو مبسوطة
دائما في آخر الركب
واليوم أول وحده أرد
*
*

عند مقطع رورو ونسبتها اللي تفشل وأحلآمها بالعريس اللي مو راضي يجي مت ضحك ذكرتني بوحده ههه
‏*‏
‏*‏
رواية باين عليها مختلفة عن ما عودنا عليه قلمك
متابعة وبشغف وإعذريني إن قلت ردودي لإنشغالي بهالفتره

ههه
بانتظار البقيه

وين الباقي