لاهي مصابيب و لا فطاير سموها فطابيب

مساء الخير لكل الفراشات والزائرات
أحب المصابيب ...... أكلها أحياناً مع التمر والقهوة
وأحياناً مع الجبن السايل و الشاي
وأحياناً أخليها وجبة رئيسية مع الكشنه اللي هي (بصل + فلفل أخضر + جزر مبشور + سمن بلدي + معجون طماطم )
أحب الفطاير ........ بس شغلها كثير ومتعب ولازم تخمير وعجن من قلب وبعدين تشكيلها
فخطرت في بالي هذي الفكرة وطبقتها على طول
سويت مصابيب وطريقتي هي ( 3 كوب دقيق + 3 كوب لبن + 2 بيضة + ملعقة كبيرة مليانه بكنج بودر + ملح + 3 فنجان سكر + بيالة زيت ) وتكون عجينه سايلة
بعدين نصبها على شكل أقراص متوسطة على صاج محمى من قبل من 3- 2 دقيقة
وبعدين تحطين عليها الحشوة اللي تبين ..... أنا حطيت 3 حشوات
1-سبانخ+ بصل + معجون طماطم + ليمون على النار 5 دقايق
2- تونة + مايونيز + ليمون + شطة سومطرة
3- جبن مبشور + زبدة
وبعدين بالفرن من فوق علشان تتماسك الحشوة بس
أخليكم مع الصور ....... و ما يحتاج أوصيكم على الردود السنعه