لاول مره 3 حلويات من مطبخي لااحلى فراشات

السلام عليكم ورحمه الله ..
صبحكم الله بالخير ..
كيفكم حبايبي ؟
حبيت اشارك بمشاركه بسيطه
في هذا القسم الرائع
واول مرره انزل صور حلويات من مطبخي
فشجعوني بردود حلوة عشان اتشجع وانزل باقي
الصور عندي بجهازي
اول شي اذكروا الله وصلوا على النبي سوا
اعجبتكم اولا ..
( ماشاءالله لاقوة الا بالله )
اي استفسار انا حااضره
حلى حلاوة طحينيه ( اخذت طريقته من النت الله يجزاها بالخير صاحبته )
سويته اول مرره لزوجي بالعمل واعجب اصحابه
ورجعت سويته لاهل زوجي وماتوا عنده اخووه يقول
ماشاءالله عليك حتى حلاوة طحينيه سويتي بها حلى
مرره يابنات لذيذ وسهل
المقادير
1 كاس حليب بودره محمس (كاسه الجبن السائل الكبيره )
1 كاس مويه
1 كاس زيت
3 بيضات
فانيلا ..\ملعقه بكم بودر
الحشوة
حلاوة طحينيه نص العلبه الصغيره ( حوالي 6 ملاعق مذوبه بمكرويف )
الطريقه
تخلط المقادير وتوضع في صينيه بايركس مدهونه بزيت
ومرشوشه بدقيق وتوضع في فرن لمده ربع ساعه ثم تترك على جنب لمده نص ساعه
ونكمل زي طريقه السويسرول نفرد قصدير
ونقلب الكيكه عليها ونحط الحلاوة المذوبه ونلفها
ونحطها بالفريزر لمده ساعه او ساعتين او بالثلاجه
ليله كامله وتقطع وتقدم وبالعافيه
وهذا كمان سويته لزوجي للعمل صاحبه يقوله من مذاق الملكه ؟؟
حلى قلوب الشوفان
1 كاس حليب بودره محموس
1 كاس سكر بودره
1 كاس شوفان
علبه قشطه
نوتيلا مذوبه
الطريقه
تخلط ( الحليب والشوفان والسكر)
بعلبه قشطه ثم تصف بالصينيه ويوضع عليها نوتيلا
مذوبه او جالكسي سااده وتوضع بالثلاجه
ثم تقطع بقطاعه الحلويات
واخر حلى معشووق الجماهير
(سينابون )
المقادير:
(عجينه العشر دقايق) يابنات اعجز واتعب وانا
اقول قد ايش روعه هالعجينه انصحكم لوجه الله
جربوها من جد لذيذه وهشه
5كاس دقيق ابيض منخول
2 كاس مويه دافيه مائله للحراره
3 ملاعق حليب بودره
2 ملاعق خميره
فنجان قهوة سكر
ذره ملح
نص كاسه زيت
قرفه مطحونه وكاكاو وسكر مطحون
حليب مركز
هيرشي شوكولاته
الطريقه
توضع بالعجانه
2 كاس دقيق والمويه والخميره والسكر والحليب والملح وتخلط ثم تترك لمده 10 دقايق
ثم تضاف اليها 3 كاسات دقيق + نص كاسه زيت
وتعجن وتترك لتخمر ربع ساعه
ثم نكمل نفس طريقه السينابون
بنات اذا تبون اي عجينه تضبط معاك
ولعي الفرن وانتي تعجنين لانه كلما كان حاار كلما
نضجت العجينه بسرعه وبقيت لينه
اتمنى حلوياتي اعجبتكم
دعواتكم لي بالذريه الصالحه