لجلاش بالتفاح هاتكلى صوابعك وراها

لجلاش بالتفاح ... هاتكلى صوابعك وراها
كل سنة وانتوا طيبين... رمضان على الابواب ... والحلويات الشرقية هاتكون هى محور الاهتمام الفترة اللى جاية...
هاعملكو النهاردة جلاش بالتفاح حلو اوى.. محدش بيدوقوا الا لما يسألنى على الوصفة
مش هاطول عليكوا
يلا نبدأ..........
اولا المقادير:
لفة جلاش
نص كيلو تفاح اخضر
3 كوب سكر
كوب ماء
نص ليمونة
زبيب +قرفة
2ملعقة زبدة
(نص كوب لبن+بيضة) حسب الرغبة
معلقة نشا
الطريقة:
اولا فى صينية مربعة نفرد ورقتين جلاش وندهن بفرشة ناعمة مسحة زبدة وعدين ورقتين تانيين وندهنهم زبدة وهاكذا حد مانرص نص كمية الجلاش الى عندنا
نيجى دلوقتى للتفاح:
نقشر التفاح ونشيل منه ابذر وفقطعه مكعبات صغيرة... وفى كسرولة نحط 2كوب سكر وحطى عليهم التفاح ومعاها كوب مية وسيبهم يغلوا كويس لحد ما التفاح يستوى....
وبعدين انشلى التفاح من العسل وحطيه فى طبق وحطى علية وهو سخن معلقة نشا وقلبيه بسرعة........
اما العسل اللى سلقتى فيه التفاح حطى باقى السكر اللى عندك عليه وسيبه يتقل شويه وحطى كام نقطة عصير ليمون وده بيكون الشربات بتاعنا..
حطى التفاح اللى سلقتيه على الجلاش وساوييه كويس ووزعى عليه بالتساوى القرفة المطحونة والزبيبب.... ورصى باقى الجلاش اللى عندك على التفاح وبرضه كل ورقتين جلاش امسحيهم بزبدة...لحد ماتخلصى كل لفة الجلاش.....
قطعى الجلاش اللى حشيتيه تفاح بسكينة حادة مشرشرة مربعات متوسطة وهو فى الصينية... يعنى قسميه بالتساوى...
لو بتحبى الجلاش طرى حطى نص كوب اللبن المخلوط بالبيضة على الوجه..... ولو بتحبى الجلاش مقرمش يبقى بلاش تحطيه ورشى الوجه بس بشوية سمن سخنة.. حطيه فى الفرن لحد مالجلاش يتحمر..
وبعدين اسقيه بالعسل ويكون الجلاش سخن والعسل كمان سخن بس مش اوى لكن مش بارد.. .