لدغة الأفعى وقلب من حجر رواية جداوية روعة

سميرة موظفة بالبنك تعيش في جدة
واتزوجت شاب وسيم أسمر و عيونه زرقاوتين اسمه ياسر
أتزوجو بعض عن حب جنوني وكان حبهم يضرب بيه المثل عنتر وعبلة ..
لكن طبعا اتغيرت الاحوال من زوجين يحبو بعضهم من عيون الناس عليهم
سارو كل يوم يتضاربو و يتناقرو وسميرة كل ماتزعل تقولو وديني عند اهلي
وياسر بكل برود جالس يلعب بلاي ستيشن و يغيظها بكلامه إنها دبة وسمينة
وكان أهل سميرة يعيشو معاها في جدة لكنهم نقلو الشرقية وما في أحد تخرج وتنبسط و تضيع وقتها وطفشها معاه إلا صاحباتها أماني وناهد صاحبات الجامعة .
سميرة : ياسر وديني عند أهلي خلاص طفشت وقرفت العيشة دي
ياسر: بدري يا ماما طفشتي لسه تول ناس
سميرة : أحسللك لا تتريق عليا طفشانة قوم وديني المطار أبغى أسافر
ياسر: مافي فلوس سفر تبغي تروحي مع السلامة حطي من جيبك.
سميرة : الله لايحوجني ليك عندي فلوس أبوية
ياسر : طبعا أبوكي كده على قلبو كده
سميرة: الله أكبر الله أكبر يا حسودي موكفاية جالس نايم و مقرفني
ياسر : عجبك عجبك مو عاجبك الباب قدامك مفتوح
سميرة : لا ياحبيبي الباب مفتوح دا تقولو لنفسك دا بيتي مو بيتك.
ياسر: آآآه صح توني اتزكرت اني جالس بيت مو بيتي
سميرة: تبغى تسفرني ولا لأ
ياسر: كلام الوزراء ما ينعاد و روحي يادبة غرفتك انطقي فيها.
سميرة : اوف
راحت سميرة غرفتها وصقعت الباب بقوة ....طاخ
سميرة اتصلت على أمها : ألو أمي كيف حالك
أم سميرة : الحمدلله يبنتي كيف حالك وكيف جوزك على حسك
سميرة تبكي : أمي طفشت أبغى أجي عندكم مرة طفشت مني عارفة ايش اعمل
مو راضي يخرجني لاسوق ولا شي من الوظيفة للبيت بس
أم سميرة : ليش يبنتي ايش الكلام هادا من متى
سميرة: يا أمي ما أبغى أقولكم من شهرين وهوا منكد عليا وأنا أقول يمكن
يحس على نفسه ويتحرك يتوظف ويشوفلو شغله
أم سميرة: طب عشتي اسكتي على السيرة دي ولاتقولي الكلام دا لأخوكي لايروح يتضارب معا جوزك
سميرة : طب إيش اعمل يا أمي طفشت خلاص وفلوسي بس ياخدها مني
أم سميرة : اسكتي وروحي اخرجي مع صاحبتك و غيري جو
ولاتقعدي قدامو لأنهم دول ناس حقين شر مننا ناقصين مشاكل
بعدين فين تبغي تجي عندنا بالشرقية كل البيت غرفتين وصالة وفين
حتنامي مع بزورتك أقعدي في بيتك أسترلك بدل تضاربي كمان مع مرت أخوكي
سميرة: خلاص طيب هوا دا جوزتوني ورميتوني مع ناس غجر
أم سميرة: برضو احنا ولا انتي اللي مجننك ياسر من زمان ها ناسية
سميرة :خلاص مع السلامة
سميرة اتصلت على السواق وخرجت من البيت بدون ما تاخد رأي جوزها
وراحت بيت صاحبتها أماني
سميرة :كيف حالك أماني صديقتي
أماني : لا ياهو مو معقول اظغرط لولولولولي
إيش صار اليوم مات يهودي أخيرا زرتينا يا سميرة.
سميرة: دحين أجي أزورك تقوليلي مات يهودي مالت عليكي.
أماني : طيب ايش أعمللك دحين ليا عشرين مرة أزورك بالسنة
وماتزوريني الا بالسنة مرة ,, انتي بتسمعي كلام فيروز ولا إيش
سميرة: بالله ومين اللي جاتك بولادة أختك قبل شهرين بالمستشفى
أماني : ههه نسيت خلاص طاح الحطب لاتزعلي , ياهلا ويامرحبا فيكي ,,
يا سيتي هي جيبي عصير حق ضيوف سرعة سرعة
الخادمة : أ أ أ مدام إيش في ؟
أماني : انتي فينك مقلووعة مو شايفة قدامك ضيوف روحي ساوي عصير
الخادمة :مدام أنا في غير حفاظ حق بيبي تيب تيب مدام ؟
سميرة : لا ياأماني لا تساوو عصير ولا شي نفسي مسدودة
أماني : نعم نعم جية بيت أمونه وماتبغيني أسويلك كوزي
بس قوليلي نفسك مسدودة ليه أكيد عندك هرجة طويلة
سميرة : آآآآه وآآآآه على دي الهرجة
أماني : وي وي وي أكيد بينك وبين جوزك ولا أهلو مو كده ولا أنا غلطانة
سميرة : طبعا و هوا في أحد منكد عليا عيشتي غيرهم.
أماني : وليش مو كان الحب والحنان و الدلع فين دا كللو
سميرة: والله متهيألك حب وحنان مافي وحدة بدا الزمن تحب مرت ولدها
هيا اللي ملت مخ جوزي عليا صار يكرهني وبس ماعندو شغله غير هاتي فلوس
أماني : صادقة والله زي أم جوز حنان و سهيلة قواياة قواياة ترى كلهم كده
سميرة : ايوة يا أختي قبل الجواز تقول دي حبيبة قلبي زي بنتي وبعد الجواز صرت عدوتها
أماني: طيب بس مشي حالك معاها لا تحطيها في بالك بكرة تكبر وتعقل.
سميرة : صح صادقة أم جوزي كبرت ولا عقلت.
سميرة: آآآخ بس لو أسافر مصر يومين بس أشمللي هوا على النيل
أماني : ياواد إنتا ايش معنى مصر بالذات ها أكيد فيها إن وأخواتها
سميرة : بسخرية .. إيوة نفسي أشوف تامر حسني وعمرو دياب ههه يادمك التقيل
أماني : وانا كمان أطلع أروح الإهرامات وأصقع فرعون كف بجزمتي القديمة
سميرة :طب شوفي كيف من قهر قلبي شوفي قلبي كيف سار يتكلم قصايد
أماني : هاتي نسمع كدة ولا كدة أنا طفشانة و حأعتبرك راديو إف إم
سميرة : أما رأيتي يوماً الأفعى وقفت على ذيلها وتلغ جسدي كل يوم بسموم لسانها
إنها قتلت فيني صرختي وجنوني بزوجي
انها طفت بتسلطها كل شموع ليلي واحترقت أنا مكان شموعي
لقد طغت بعنادها على شعوري و دموعي مسحت فيني شواطئ الإنتقام
لم أقدر على الصمت و لا ضم ألمي بحضن وسادتي
جمعت لها كل معاني الكره لقوتها وتسلطها
كتبت بدماء يدي بخط الإنتقام أنني لن أتركها ولن تعيش
في سبيلها منعمة مكرمة
ما لم تعطيني قلمي و أوراق زمني
أماني : هههاي حلوة
أماني بتصفق و تقول .. إيوة إيوة من متة الشعر وتكسي الغرام والإنتقام
سميرة : من زمان لكني صاكة فمي وساكته وماكلة فصي.
أماني : انتي مزودتها حبتين ما يحوج القهر والعذاب اللي تسويه بنفسك
ياأمي الدنيا فيها ناس ماتسوى خليكي كول و تعالي نطلع جدة مول.
سميرة : ههه دمك خفيف مرة أقولك الحرمة دي فقعتلي قلبي
كيف أساوي معاها؟؟
أماني : أوف منك
أماني :ياحبيبة قلبي قومي بس فكيها سيرة دحين الساعة 10 ومن أول بنستنى
جناب سواق جوز أمي و دحين الشباب الحلوين مليانين بالسوق خلينا نطلع ونهيص وخليني
أشوفلك شي تاني وسيبيكي من الهم وأهله
سميرة : انتي كده دايما تاخدي الأمور تريقة وبهلله .
أماني : وهوا في أحلى من التريقة والبهلله أنا مروقة راسي كده
سميرة : صدق اللي قال جيتك ياعبدالمعين تعينني لقيتك ياعبدالمعين تنعان
أماني : بصوت عالي لاه يعني أنا خبلة ولا مخبطة بنظرك
سميرة : طبعا الاتنين .
أماني : طب شوفي راح تدعيلي لو عملتي الحركة دي لأنو ماحد بحياتو سواها
سميرة: حركة ايش
أماني : إنتي مو الآدمية دي فقعتلك قلبك وحرقت أعصابك و طفشتك بعمرك
ونفسك تطلعي حرك فيها بطريقة غير مباشرة ,,
سميرة : آآآآآه نفسي بس كيف
أماني : روحي اتصلي على جريدة عكاظ و حطي اسم قريبتك دي في صفحة الوفيات
سميرة: انعن أبو إبليسك ههه والله ما أتوقعك مجرمة أفكار.
أماني : أسمعيني وقولي للجريدة لازم يستعجلو بالإعلان وحطي بيت قريبتك وإن سبب
الوفاة ارتجاج بالمخ.
سميرة : من الضحك سارت تبكي
ههه فهمت عليكي تبغيها تحس شوية إنها لو ماتت مين راح
يوقف يخدم قدام الناس في عزاها ..
بس يا حرام تبغي الناس والعالم يروحو بيت الحرمة
لا طب وجوزي راح ينفجع لا يصدق بعدين
الناس يعزوها و لو بتطلع تفتح لهم الباب..وا
أماني : لا ولسه
.
تابعوا الرواية