لصحاب الذوق والخبرة فقط

الكحل السايل من لانكوم ما فيه كلام و الجاف على اللي تعودت عليه
اما المكياج فروحي لدبن هامز او باريس قاليري النسائي، و دوري على ماركة ماركة و جربي مكياجاتهم (هم يحطونه لك) و شوفي ايش افضل شي يناسبك، بس لازم تكونين معتنية ببشرتك قبل عشان ما يأثر تعب بشرتك على قرارك، اما بالنسبة للبلشر انا اشوف بلشر شانيل حلو، بس ممكن تجربين و تشوفين، و الارواج اختاري اشياء هادية للبيت بس ماركة او اي شي يكون ريحته و طعمه حلو و لبرى البيت اي شي يعجبك لونه خذيه، بس لاتكثرين كثير، للبيت خذي ثلاثة او اربعة الوان و لبرى البيت نفس الشي
مخفي العيوب و الكونسيلر اذا تعرفين تستخدمينه اشتريه، و اذا ما تعرفين او ما تعودت قبل الزواج لا تشترينه لانك بتستخدمينه مرتين و ترمينه، بالنسبة للمعة اريح لك خذي البودرة بلمعة، و اذا ما تستخدمين بودرة اطلبي من البياعات لمعة سهرة للوجه، و للبيت روحي لأي محل عنده لمعة وجه رخيصة و اشتريها لجسمك. و اذا شايفة ان اسعارهم غالية خذي ارقام الصنف اللي يعجبك و اشتريه من مكان ثاني، خاصة في العطورات يفرق في الاسعار، لكن المكياج الفرق مب كبير.
ادعي ان الله ييسر امري

مشكورة يا توته المخطوبة ويوفقك ويسهل امرك ويسعدك دنيا واخرة يارب
لكن وش المكياج الي مفروض يكون عند العروس
وين باقي الفراشات ترى بازعل

وانا محتااره مثلكنشووف البنوتاات ويش يقولوونوالله يوفقك ياارب

تحطين مكياج قبل الزواج؟
اذا كنت تحطين لا تزيدين شي غير البودرة اللمعة او اللمعة و علبة شدو فيها الوان حلوة.

ما اقدر اساعدك لاني احب اكون طبيعيه
بكل حالاتي حتى المكياج راح اخذ اشياء
الوانها فاتح
وكريم اساس والبودره من ماكس فاكتور
والماسكر من ديور الجديده

اذا تبين نصيحتي المكياج لاتشترينه الا من السويلم لان اللي عنده ماركات لكن بسعر ارخص حتى الكريمات حقات الجسم والاستشوار..وكل شي..تحتاجينه حتى المناكير
بنبداء بالاساس ..افضل شي ميك اب فور ايفير وبودي شوب..بدي شوب مره حلو لانه خفيفعلى البشره وطبيعي..
اما البلاشرات عندك بورجوا وبعض الوان شانيل الخوخي والبنك الفاتح..
وبعد عندك لانكوم عنده درجة بنك روعه
والارواج بالنسبه للارواج الاصبع العادي احلى شي ماك..والجلوسات سلوران
والمسكره حقت مكياجي الابيض بالسود صايره جهتين.واتذكر ان برجوا حلوه بس مادري هل الى الان ولا لا..
والكحل الداخلي جيفنشي وايضا مكياجي صاير لونه موف على فضي..ويمدحون ماك بس ماجربته بصراحه..اما الملون الحلو ميك اب فور ايفر.
والكحل السايل عندك لانكوم روعه وحلو للدمج..
اما الكحل الخارجي اللي يجي تحت العين عند ماك سواده روعه وثابت بس يبيله وحده تعرف لانه بسرعه ينشف..وتقدرين تجربينه في المحل تشوفين درجة السواد والثبات اللي يتميز فيها..
والاي شدو لاتحرصين انك تشترين من الغالي لان الغالي والرخيص واحد واحيان بعض الغالي جودته احلى من الرخيص,,, وفيه شدو تقدرين تستخدمينه بلاشر بعد اللي هو ماركة كاراجا..
اما الكونسيلير الحلو سان لوران اللي راسه فرشه صاير زي القلم..لونه ذهبي..
واذا تذكرت شي رجعت لك..
والله يوفقك ويسخر زوجك ويرزقك بالذريه الصالحه.

اهم شي غلاي ماتشتري الا الشي اللي تعرفي استخدامه
بالبيت اشتري مكياج ناعم من مكياجي الوان فاتحه ورايقه
اما السهرات عندك الارواج من ماك مافيها كلام
والاضاءت اللي فوق العين وتحت الحاجب من فور ايفر كمان كريم الاساس مره حلو بس شوفي الدرجة المناسبة لك
والبلاشر من سان لوران مره حلوه اما للبيت خذي من بودي شوب او مكياجي
بالتوفيق

السويلم حلوة اسعارهم بس لا تشترون من عندهم أساسات و الكريمات و الارواج لانه التكييف مب دائم، اذا انتهى وقت الدوام طفوا التكييف و طلعوا، و يأثر هذا على عليها و يقصر من عمرها
و باقي الاشياء حلو، زي العطورات و المناكير و الكحل و غيرها

مشكورين حبيباتي ما قصرتوا الله يوفقكم ويسعدكم يارب دنيا واخرة ويسخر لكم
(white)يعيك العافيه نبهتيني باشياء ما كنت اعرفها
طيب بنات وش رايكم بكحل جيرلاند يقولون مرة حلو