لقي الجنون داير زي الأهبل

هدا مره كانت المشاعر و الأحاسيس(الحب،الكذب،الجنون،و الجمال و الخيانة) كانو مجتمعين مع الانسان،و زهقانين،فاقترح عليهم الانسان انهم يلعبو غماية، فقالهم الانسان:أنا راح أعد للمية،و انتو كل واحد فيكم يتخبا و أنا لازم الاقيه..
فانبسطوا انهم راح يغيرو جو و يلعبو،و فعلا بلش الانسان يعد،و صار كل واحد من المشاعر يفتش على مكان يتخبا فيه....
الجمال،راح تخبا بين أحلى مزرعة ورد.
الكزب صار يصيح انو يسمع الباقين و قال(أنا بدي أتخبا تحت الشجرة) و فعليا اتخبا عند النهر.
الخيانة،قالت انها راح تتخبا ورا ظهر الانسان و تضلها لاحقاه وين ما يروح.
الحب احتار وين بدو يتخبا، كل ما يلاقي مكان بلاقيه مكشوف،و كان كتير صحبة مع الجنون،فراح يسأل الجنون انو يساعدو،فراح الجنون ضربو على عيونو و عماه،و قالو:هيك ما بتحتار وين تتخبا(ما هوه جنون،شو بدو يطلع منو غير الهبل).
بعد ما صار أعمى الحب، اتخبا فوق شجرة.
المهم،خلص الانسان عد،و بلش يفتش عليهم،لقي الجمال بكل سهولة،و لقي الجنون داير زي الأهبل بضحك،و تغلب شوية لحد ما لقي الكزب،بس لقيه في الأخر....
ضلو محتار و هوه بدور عل حب و الخيانة،و ضلو يمشي،مشي مسافة طويلة ومش قادر يلاقي الحب، فصارت الخيانه ترمي حجار صغيرة جهت الشجرة الي متخبي فوقها الحب،لحد ما لقيه، و ضلت الخيانة متخبية ورا ظهر الانسان...
و من يومها و الحب داير و أعمى،و الخيانة دايما هية الي بتخرب عليه.