لكاسات تبرق وصحون براقه من تجارب ست الحبايب

منقول
السلام عليكم ورحمة الله وبركاته
اليوم .... جبت لكم من تجارب ست الحبايب امي وهي بشهاده العايله وكل من عرفها او استضافته انها ست بيت من الدرجه الرفيعه والعاليه ...
الله يخليها لي طباخه ماهرة وتعشق النظافه مثلكم وشرواكم ....
اذكر بمرة قلت لها يمه الكاسات اذا غسلتها ونشفتها لازم انشفها بورق كلينكس عشان ماتترك اثر الماي بالمرة وتلمع ... قالت عندي لك طريقه تخليهم مثل كاسات المطاعم اللي بمستوى وتنفع هالطريقه للصحون ...ولانها تستهلك الماده خليتها لصحون الضيافه وكاساتها الكشخه والغاليه والطريقه هي :
1- تغسلينهم عادي بالماي والصابون اللي ترتاحين له .
2- بعد الغسيل تجيبين معجون اسنان اي نوع كرست او سجنال انا احب كريست وتدهنينهم وعقبها اخذي السفنجه وافركيهم بطريقه الطف من استعمال الصابون .
3- اخيرا بعد الشطف تماما اتركيهم ينشفون بالمقلوب وشوفي اللمعه والريحه بعد 0
4- جربي وعطيني رايك بكل صراحه 0
الطريقه هذي سويتها بعد للمجلى الستيل روعه وسويتها لمغاسل الضيوف وهذا من عندي لما شفت المعجون فعال على الصحون الصينيه هم بعد طلعت بمنتهى الروعه واللمعه كانك حاطه كلوركس بس بريحه احلا واحلا وحتى الحنفيات وخلطات الماي هم بعد طلعت روعه جربي وعطيني رايك .
وبس