لكل اخت لي في الرياض لم تقبلها الجامعه فرصه جديده لكي

السلام عليكم ورحمة الله
جمعه مباركه
اخواتي في هذا الشهر الفضيل وفي هذا اليوم المبارك مابغى منكم غير الدعوات لي
حابه ابشركم لكل وحده مثلي مانقبلت في الرياض
اسمعوا اخواتي في شي في جامعة الأمام في الرياض اسمه دورة تأهيليه هذي الدوره عبادره عن مواد دين وعربي ( العربي فيها جدا سهل )
تأهلك لدراسه في الجامعه بس انتساب ( بس تقدري تحولي انتظام ) اقولكم كيف
الدوره هذي يبداء التسجيل فيها في 15 _ 9 من شهر رمضان هذا ان شاءالله تدفعين فيها 3000 الف ريال بس تكون انتساب تقليدي
التسجيل حيكون الكتروني تدرسينها ترم
وبعدين تختارين التخصص اللي تبينه وتدرسينه ب 2500 ريال ماعداء تخصصين بدون رسوم اللي هم ( اصول دين .. وعربي )
الدوره هذي انتساب والمستوى الاول حيكون انتساب بس في حالة جبتي في المستوى الاول 2,75
يحولونك انتظام هذا بس في اصول الدين والعربي اما الاقسام الثانيه ماعندي علم اذا تقدرين تحولين او لا
بس لازم يكون انتساب تقليدي يعني مو مطور لو مطور انسي تنتظمين
تابعوا موقع جامعة الامام التعليم عن بعد
انا بحكيكم عن نفسي راح ادرسها باذن ربي وفي السنه هذي راح اتفرغ لحفظ القران ان شاءالله
بما ان رسومها قليله بامكانك اختي انك تاخذين دورات وانتي جالسه في البيت او تتفرغين لحفظ القران بس لا تجلسين كذا بدون شي
اختكم : شخابيط هاويه