للشيفات أبي طريقة عصير الطبقات

الكنز الأخر

06-10-2022 - 10:53 pm

السلام عليكم
الكتاب واضح من عنوانه أبي طريقة سهله لعصير الطبقات ماتكون فيها طلبات غريبه ههه
أنتظركم

التعليقات (8)

عجاج السنين

07-10-2022 - 01:33 am

ابشري انا بقولك على عصير الطبقات اللي غالبا مااسويه وسهل
مانجو مثلج
فراوله مثلجه
موز
حليب سايل
توت مركز
الطريقه
تخلطين المانجو مع حليب سايل بلحاله
وتخلطين الفراوله مع حليب سايل بلحاله
وتخلطين الموز مع حليب سايل بلحاله
بعدين تجيبين الاكواب وتصبين اول شي قطرات من التوت بعدين تصبين شوي من عصير الموز بعدين تصبين الفراوله بدايه بالملعقه افضل عشان تبان الطبقه بعدين تصبين المانجو وتحطينها بالثلاجه
وبعد تقدرين تضيفين للعصير جوافه لان نكهتها مرره حلوه بالعصير وكيوي مع الحليب والموز
وكمان طريقه سهله اذا كنتي مستعجله تخلطين مانجو وفرواله مثلجه وتقدرين تستغنين عن الموز وتحطين معاهم حليب سايل بارد مع توت وتخلطينهم بالخلاط يعنيي كوكتيل والسكر حسب الرغبه بس بصراحه لذيذ واهلي دايما يطلبونه اسويه
وبالهنا والعافيه اتنمى اني افدتك

هام السحب

07-10-2022 - 02:34 am

أنا أبغاه بعد

أزهار مبعثره

07-10-2022 - 03:35 am

فيه طريقه اسهل
وهي
تجيبين ثلاثة انواع جاهزه من العصير
وهي
عصير مانجو
عصير فراوله
عصير جوافه
وتاخذين الكاسات واذا ودك تحطين نقطتين من الفيمتو او الشوكولاته للزينه مافيه مشكله
جيبي الكاسات
وحطي كل طبقه بالراحه
يعني
صبي عصير الفراوله
بعدها جيبي ملعقه وصبي بشويش على الملعقه عصير الجوافه وطبعا الملعقه تكون وسط الكاس علشان ماتتلخبط الطبقات
بعدها بنفس الطريقه صبي عصير المانجو
وبالعافيه

دلع طفوله

07-10-2022 - 04:36 am

تسلمون ياحلوات

زمن عارم

07-10-2022 - 05:37 am

طريقه حلوه عجاج السنين الله يعطيكي العافيه بس ممكن المقادير مضبوط يعني اشكثرحليب ومشكوره اختي الكنز الاخر على طرحك للموضوع

الكنز الأخر

07-10-2022 - 06:38 am

الله يعطيك العافيه عجاج وازهار وتسلمون لغاليكم يارب
ومشكورين على المرور

ررشه عطرر

07-10-2022 - 07:39 am

في برضو يا حبيباتي طريقه تجنن اخترعتها اختكم في الله>>>>>>>>>>>ثقه
بس بصراحه خطيره
وهي انك تحطي قشطه بس بكميه بسيطه مع الكوكتيل الطبقات يطلع روعه
كالتالي
عصير فراوله علبه صغيره
عصير منجه علبه صغيره
عصير برتقال
موزه صغيره او نص الكبيره
لو حبيتو جوافه(بس انا بصراحه ما احب الجوافه)
وعلبه صغيره حليب السعوديه
علبه قشطه التاج او نستله
طبعا كل العصاير تكون لازم بارده مره وكمان الحليب
الطريقه:
تضيفي ملعقه صغيره قشطه و نص الحليب مع المانجو وملعقه كمان ونص الحليب مع الفراوله كلا على حده
حطي الموزه مع البرتقال في الخلاط وكمان على جنب لحالها
بعدين صبي شويه من كل نوع في الكاسه لين تنتهي الكميه
ويا ريت لو تحطي قطع صغيره من المانجو الطازج والفراوله كمان
يم
وبارد على قلبك وصحه وعافيه
قا لمو كثير

ام احلى خالد

07-10-2022 - 08:40 am

مشكرين على الطر يقه الحلوه

عصير التين بالبرتقال←
الميلك شيك بالتوفي روعه→