للمتزوجه اللي ماتبي زوجها يتزوج عليها وللبنوته

السلام عليكم ورحمه الله
اهلين ببنات الأسريه
كيفكم
يعلم الله اني استفدت من هالمنتدى كثير وحبيت افيد اخواتي
والله الكلام اللي بقوله والله انه كلام يقرقع بقلبي من زمان
ندخل في الموزوع
مره كنت اتكلم انا وزوجي قال فيه نسبه كبيره من زملائي يقولون حريمهم مايتزينون ولايلبسون
الا اول سنه فقط
ولا اذا جابت عيال خلاص تنسى نفسها مع العيال والبيت
ولاتلبس الاقمصان قطن(جلابيه)
ويقول ماتغيرها الا اذا توسخت
والشعر الله يرحم حاله
ولا ما تغيرها عشان تتجمل لزوجها
تقول خلاص انا كبرت وعندي عيال وماني فاضيه البس
على الاقل البسي شي مقبول
واذا بغت تروح لعزيمه ولا زواج تعالو شوفوا الزين اللي طاقته
المكياج والشعر واللبس وزوجها ما يشوف ولا نص هالزين
وعند الفراش تلاقونها تتشكى منه ولا تلبس له وتتهرب منه
وتحقر زوجها انت فيك وفيك
ولا تشكره ابد
(كفاره عشير)
والله اعرف حريم كثير كذا وتنصحينها ولا ماتنصحينها هي كذا ماتتقبل النصيحه
احس انها حمقاء فعلا تقهرني
واذا تزوج شوفوها وش تسوي
تكلم على زوجته تسبها وتهينها
وهي اللي مفرطه في زوجها من قبل
وتلاقين الزوج تطير عيونه خاصه اذا كان متزوج من بلد ثانيه
الحرمه عندهم تلبس وتتزين والكلام ماشاء الله ينقط عسل
وتتدلع عليه ويصير هو السي سيد عندها
وخلاص الرجال يروح فيها مع هالانوثه
وتصير زوجته الثانيه ساحره وسارقه الرجل
وهي ماتدري ان السبب فيها هي
هي اللي قصرت في حقوقه
وفيه بعضهم تقول لاتلبسين عنده البنلطلون او القصير
عند زوجك الا في المناسبات ولا كل كم يوم عشان زوجك يشتاق لهاللبس
اقول الزمن تغير والرجال الى مالبستي له يشوف اللي في الشارع او اللي في المسلسلات او حتى المذيعات الحين يلبسون بناطيل وقصير
البسي عند زوجك اللي يخطر على بالك
تنوره قصيره بلوزه سيور بنطلون ضيق
حطي مكياج
غيري في شكلك كل فتره اصبغي قصي
طولي شعرك
عشان ماتحسين بالملل في حياتك
حتى لو ماتكلم ولا علق مو لازم يعلق
بعضهم اذا ماعلق تقول ايه فلان ماهمه البس ولا ما البس
عشانه ما يعلق
العين تعتاد
على اللي تشوفه اذا صارت تلبس بتصير في عينه حلوه وكل يوم يشتاق يرجع لبيته يشوف وش هي لابسه له
عشانها تصير دائما واثقه من نفسها متزينه مو مهمله نفسها
وحتى انتي تصير نفسيتك زينه اذا لبستي وتحسين انك شباب ماكبرتي مع هاللبس وهو بيحس هالاحساس
واذا صار عندك عيال كبار البسي له تنوره وبلوزه انيقات واذا جاء الليل ونامواعيالك البسي له لبس حلو
ولازم تصيرين مبتسمه اذا جاء وتستقبلينه وريحه عطرك تسبقك
مو لاهيه في الطبخ وريحتها طبخ
و الشوشه طايره
الحين الرجال صارو كل شي يشوفونه
مو مثل اول الشلحه تفتنهم
خ
وبعضهم واذا رفض لها طلب جن جنونها
طيب بالسياسه مو بالقوه
الرجال ما يجون بالقوه
قولي له الشي اللي تبينه وقولي اذا تبي ولا خلاص مايحتاج
هو بينتفخ راسه مع هالكلام ويلبي طلبك على طول
يعني انتي اهتمي فيه ودلعيه
وهو طبيعي بيهتم فيك
مو تقولين انا اهتم فيه وادلله
وهو ولا على باله
الحياه يبي لها صبر وتضحيه
واوجه كلامي للمقبلات على الزواج خاصه **************منقول**************