للي عندهم خبره بالحنا

انا قصتي مثل قصتك بس ماحنيت شعري الا لما تخلصت من الصبغه نهائيا قصيته بلأول وبعدين حنيته صرت احنيه كل شهر وبعض الاحيان بالشهر مرتين والله العظيم تغير صار يلمع وتحسين فيه حيويه بس ماكثر لكن الشعر تحسينه صحي وذ\ا ماتبغين لون الحنا يصير احمر اعجني الحنا بمغلي الليمون الاسود اللي يسمونه ليمون عمان وخليه يخمر ساعتين قبل ماتحطينه بشعرك وخليه على شعرك ساعتين ولغسلتيه ثاني يوم زيتيه بزيت جوز الهند وبتشوفين الفرق والله يوفقك

حبيبتي انا سامعه ان الي صابغه شعرها ما تستعمل الحنه لا لما تروح الصبغه
مع العلم اني صبغته مره وحده وتوبه اصبغه مره ثانيه لأنه خله شعري متقصع صح الون حلو والكل قال روعه بس انا عانيت منه تساقط وصار باهت وجاف ومتقصف بس الحمد لله انا ما خليته رديته مثل اول واحسن ......... واستخدمت الحنه على طول والحمد لله ما صار شئ وللحين باقي شوي اثار صبغه بس انا مستمره على الحنه
الحنه تفيد بس لازم تستمرين وانتي تستخدمينها .......
اذا تبين هذي خلطتي اللي دايم استخدمها ::::::::---
احط حنه على حسب طول الشعر .. مع اكليل الجبل ،، وسدر،، وريحان ( تليقينهم عند العطار))
وبيضه وحده ،، مع روب وانا احط معاه شوي من مغلي كركديه و بابونج ((مع ان الكركديه يعطي لون احمر والبابونج يعطي لون اشقر بس انا اخلطهم يطلع لون روعه ...)) ومعروف ان والحنه شوي تجفف الشعر احط معاها زيت زيتون
وتعرفين النواه مالت التمر اجمعيها واحمسيها مثل القهوه وبعدين اذا بردت اطحنيها واستخدميها مع الشعر روعه انا ما اعرف شنو تسوي بالظيط نواه التمر بس لما اخلط هالخلطه كلها يصير شعري روعه
ملاحظه :-
الحنه لا تعجنينها بماي بس اعجنيها بماي الكركديه وماي البابونج وزيت الزيتون او اي زيت عندك
واتمنى اكون افدتك

لما شفت موضوعك قلت لازم ارد عليكي لاني اكثر وحده اعرف فوايده انا جلست تقريبا خمس سنين استعمله والله والله ما اكذب كنت لما اظفر شعري يفشل يمكن عرض الاصبع بدون مبالغه وقلت لازم اسوي شي استعملت الحنه ورب الكعبه اني بعد فتره مافي احد ماسالني عن شعري والله البكله العاديه ما تكفيه خالاتي يقولولي تكذبين مو معقوله الحنه يسوي كذا لمعه وحيويه احس شعري مبسوط طاير من الفرحه ههه
وسار طويل بس المشكله اللي فيه اذا تركتيه يخف شعرك لازم تداومي عليه انا ذحين من سنه تركته بصبغ شعري
بس ما اكذب عليكم قام يتساقط حتى اني اشتهيت ارجع للحنه واي استفسار جاهزه من عنوني

شوفي انا اعرف وحده هي وبناتها مايفكوون الحنا نهائيا
من يوم كانوا صغار مع انه جاتهم فتره صبغوا وقصوا فيها
وبعدين رجعوا للحنااء
والله شعورهم تجنن وكثييفه
وهاذا الييميز الحنا يكثثف الشعر
خالتي قبل فتره قرعت ههه من جدج خف شعرها لدرجه اني اشوف فروه راسها
وقامت تحني من رابع او خامس مره حسينا شعرهاا كثثر وصار يلمع
الريم.. حبيت اعرف ايش يسوي اكليل الجبل والريحان والسدر

انا كنت استعمله وانا صغيره وربي كان شعري يجنن كل البنات اللي في المدرسه والجيران يسالوا امي عن سر لونه ولمعته وكثافته ونع بس بعدين تركته لما كبرت ومره تغير النتاس يقولون لي شكله جاتك عين وربي اللحين شعري ولا كانه هو الي اول مدري ليه تغير مع اني ماصبغت

الحنه مفيده اعجز واقول مفيده وتكثف وتطول وتعطي لمعه بس اهم شي فيها الاستمرار انا احطها مره بالاسبوع وشعري حلو عليها
لاعادي اللي صابغه تحط حنا لان بنت خالت امي تصبغ وتحني شعرها وشعرها يجنن لي الركب

اشكر كل اللي ردوا علي
صح كلامكم 100% الحنا مفيده للشعر وانا سامعه وشايفه بنات شعورهم ماشاالله طول ونعومه وكثافه
من الحنا بس اللي خلاني اتردد لاني عمري ماحنيت شعري من قبل ودايما اصبغه فقلت يمكن مايفيدني
او يمكن يبيله وقت وانا حاطه صبغه قبل شهرين يعني انطر لين تروح الصبغه عقب احنيه ولا عادي؟؟
وكم يبيله عشان تبان التيجه؟؟
مشكورين ويعطيكم العافيه على تفاعلكم مع موظوعي بجد فرحتووني

مساء الخير وأنا بعد وياكم .ههه......
اقصد مثل حالتكم بس قلت لأ لازم اجرب الحنا وهذي 4 مرة احنية وحسيت بلمعة والنتايج مع التكرار انشالله تبين ووفقك الله ...... وتقبلي مروري..(بدور الروح...)