له داعي ولا ماله داعي

1. السلام عليكم. الله يسعدها اللي تساعدني

السلام عليكم. الله يسعدها اللي تساعدني

اخواتي الحبيبات اريد كل واحده تحط نفسها بمكاني قبل لا ترد علشان تتفهم الموضووع تماما. انا صار لي متزوجه سنه واربعه اشهر. الحمدلله انا وزوجي متفاهمين في كل شي وهو مو مقصر معي في شغلات كثيره. بس في شي دائما احسه مقصر فيه. احنا طبعا نعيش في امريكا. انا ادرس وزوجي يشتغل. الحمدلله راتب زوجي متواضع بس يغطي متطلباتنا الاساسيه. المشكله انه زوجي ما يعطيني مصرووف شهري زي اي زوج. في البدايه ما كنت اهتم لاني والحمدلله من اسره مرتاحه و كمان اشتغل في مدرسه عربيه يومين في الاسبوع. لكن مع مرور الوقت حسيت ان زوجي اخذها عاده وصار يعطيني فلوس اذا انا طلبت منه يعني بالقطاره. انا اقلكم ليش مايريد يعطيني مصروف لانه شايف انه معي دخل من المدرسه وكمان في الجامعه اللي ادرس فيها يعطو الطالب مساعده بسيطه والله ماتغطي قيمه الكتب والمواصلات و . فلما اطلب منه فلوس علشان شي يتعلق بدراستي احس انه يتضاايق ويتهرب.
فهل انتم شايفين انه المفروض عليه يساعدني في تكاليف دراستي حتى ولو كنت قادره امشي حالي. والا ماله داعي مادام ماهو مقصر معي في الجوانب الثانيه؟
ترى والله يابنات انا ما ارتاح لمن اي حاجه احتاجها اروح اطلب منه فلوس. يعجبني انه يعطيني مصروف وانا اتصرف فيه بقدر ما احتاج. طبعا حاولت افاتحه بهذا الموضوع فكان رده انه اذا انا احتاج شي رح يعطيني فلوس. بس مل وطفش حاسه اني مقيده.