لو كان زوجك يمزح باليد يعني يضربايش بتسوين

شوفي لوكان يمزح وانانفسيتي زينه عادي بضحك
بس لوكان يمزح وانامعصبة يعني بنكون النفس شينة
وخاصة لوكب علي الموية ههه

انا مع الحبوبة توتي الصغيرة
لاني بطبيعتي خلقي ضيق وعصبية

انا اصيح فورا واقعد ابكي
لان مافيه ولا شي من اللي ذكرتيه يعتبر مزح<<<<الا العنف بعينه
والومه ان حركاته ثقيله وماابي هالجنان مره ثانيه

بصراحه
فيه حركات عاديه وممكن تضحكني بعد
وفيه حركات ماقدر عليها بتضايق
وبقول له بعدين انها ماتعجبني...
هذا من وجهة نظري...

شوفي يضربني على ظهري على وجهي بس مزح عادي
لكن ابغى اروح مشوار وقربعلي شعري شياطيني تطلع والله يعينه على المقاطعه يلين يعتذرههه

انا برجع له الضربه عشان يحرم يعيدها

احيانا تكون مزح مهضوم
واحيانا يصير مو مزح الا عنف وغباء
انا اذا ضربني بعنف وعربجه اقوله بدلع
جسمي الناعم مايحتمل عربجتك انا ماني واحد من ربعك
قسم بالله ينحرج ويناظرني باعجاب
ههه جربوها شوفو ردة الفعل .......

شوفي انا بطبعي ما احب العنف بس زوجي العنف كله عنده من اول ما تزوجت امه قالتلي الله يعينج غشمرته بايخه
قالت انا امه يدش المطبخ يقرصني لين يورم جسمي وطبعا عادي انه يشيلج ويحذفج على السرير او الغنفه
كنت اتوقع انها تبالغ المهم تدرين اول يوم ملجه بعد الحفله طلعت اتعشى معاه وكنت كاشخه على سنغه عشره
تدرين شسوى عنده حركه يتل الخشم يخليه يصير احمر وازرق اسبوع يلا تروح البقعه
انا طبعا من الصدمه بجيت واهو قعد يضحك علي يقول شوفي خشمج صرتي جنج اركوز
والحين تعودت بس يقرب يمي انا اتل خشمه قبل
وطبعا التقرص الله لا يراويج والله لمن اطلع معاه لازم ارد وفخذي وارم من التغرص والطق طبعا لازم مره بالسبوع طبعا انا لمن انطق صالح يدافع عني بس لمن انا الي اطقه حسون معه ابوه وصالح يساعدي
بس طبعا كله غشمره

والله احيانا يسويها بس مو كثير زي كذا
والله لحقتي الصعايدي اللى جا بيمزح مع زوجته قرصها بالزراديه خ