لو كنت مكاني

بدي اول اسال قديه الكم متزوجين ؟
لانه الزوج بأول الزواج بيكون غامض

أنا لي 10 سنوات متزوجة بس هو ما كان كذا بس في السنتين الأخيرة

ترا طبيعه الريال تختلف عن المرأه ....اغلب الاوقات الريال ما يعبر عن مشاعره او الامور الخاصه ، لكن لو كنت انا في مكانج احاول كثر ما اقدر ان تنزال الحواجز الي بينا و اخليه يفضفض او يتكلم بالي قاعد يفكر فيه خصوصا انا شريكة حياته ، يمكن هو ما يتكلم معاج لانج ما تشاركينه نفس اهتماماته ...يعني مثلا لو كان هو من محبي البورصه و الاستثمار و شاف انج في هذه الناحيه مو مهتمه او ما تعرفين عنها شيء ...فيقول في نفسه مافي فايده ان اتكلم معاها في هذه الامور ....فهمتي قصدي ؟
فأهم شيء انج تحاولين تثقفين نفسج بالامور الي تشده لان الحوار و مستواه مهم جدا علشان يحس بالوناسه لما يقعد معاج و يسولف و ياخذ نصايحج و خلافه .
يمكن ما تكون هذه النقطه الي تخليه ما يتكلم ....يمكن يكون طبع فيه ...فياريت لو تقولين اكثر عن شخصيته علشان نقدر نساعدج ^_^

عزيزتي من اي ناحيه هو غامض معك ؟
من ناحيه اموره الشخصيه ولا الماديه ولا الشغل؟
الله يوفقك

افضل انك تجلسي معه على رواق وهدوء وتفهميه بشو بتحسي وانك متضايقه من اسلوبه معك وانك حتتغيري معه اذا بضل غامض معك
بس باسلوب هادي حتى ما يفهمك خطأ ويزعل

هلا حبيبتي ...
بما أنك تقولين أنه تغير في السنتين الأخيره ....
ف يمكن كان فيه سبب ... !!!
أنا أشوف أحسن حل .....
أنك إذا صادف مثلاً أنك بتروحين لأهلك و بتنامين عندهم يوم أو يومين ...
>>>>> يعني مو كثير ...
أكتبي له رسالة حب مع شوية عتب ....
بس أهم شي ....
لا تحسسينه أنك أنتِ تبين تدرين وش وراه ...
أو أنك تشكين أنه لقى احد غيرك يفضفض له .....
لا أبدآآآآآآ ....
بس أكتبي له وش كثر أنتِ تحبينه ....
و تثقين فيه و تفتخرين أنك زوجته ......
و من هالكلام اللي ينفخه ....
بعدين أكتبي في النهايه ....
أنك تحسين بالشووق له و أنك فاقدته لأنه ماصار يسولف معك ....
و أختميها ب أحبك
و فيه حركه حلوه بعد ...
أنك في آخر الرساله تكتبين له .... ::
الجواب اللي أبي أسمعه منك .. :::
حتى أنا اشتقت إني أسولف معك ياحبيبتي ....
و أوعدك من اليوم إني راح أخصص من وقتي ساعه نسولف فيها مع بعض ...
.
.
وبس
أتمنى إني أفدتك و لو بالقليل ....
و مهما كانت شخصية زوجك ...... ترى بستانس و بيتغير إن شاء الله ...
لو مو من اول يوم ....
بس بتشوفين النتايج بعد فتره .....
دعواتك حبيبتي

عزيزتي دام انه بس بالفتره الاخيره معناه ان مضايق من شي معين لان اول ماكان جذيه
قعدي معاه بساعة صفا وحاولي تسالينه شالي مضايقك ياحبيبي ومن هالكلام المعسول
وان شاء الله تلقين تجاوب وترتاحين الله يسعدج يارب