لولو دايت ومعاناة 115 كيلو وحياة جديدة بتجربة جديدة

1. ونزلت الحمد الله لل91 كيلو و واخيرا نزلت تحت المية


2. واعطتني كمان دوا اسمه نوبونتيا 500


3. والحمد الله الاسبوع الاول نزلت 4 كيلو يعني هلا انا 96كيلو

السلام عليكم
كيفكم ؟؟انا كنيحة كتير الحمد الله ..انا حبيت احكييلكم تجربتي ..واللي بدو يكمل ويشاركني فيها ..يا هلا فيه
انا طول عمري بعاني من الوزن الزائد ..من أيام الدراسة كل البنات بلبسو وبتشيكو ..وانا لبسي كله عشان ما يبان تخني فيه وعشان هاد اللون اغمق فببين انحف ..يعني والله العظيم شي بوجع القلب
المهم ما عرفت مصلحتي الا بعد فوات الاوان ..او بالاحرى ما صار عندي عزيمة الا بوقت متاخر ..بس أن تصل متأخر خيرا من ان لا تصل ابدا
قبل سنتين ..قررت اعمل رجيم قاسي وكنت حاطة ببالي انه اسبوع وراح اوقف هالرجيم ..المهم بدات رجيم كميائي والحلو بالموضوع وتوفيق من ربنا انه نزل وزني 4 كيلو في الاسبوع وانا كان وزني 115 كيلو اف كتير والله
وبدات الاسبوع التاني ..ومشاء الله برضو نزل وزني 4 كيلو تانين ..يمكن لانه كنت بشرب شاي أخضر مر كمان وكنت متقيدة بكل شي بالرجيم ..
وبعدين اشتركت بقروب هون على الفراشة وكنت كتتير متحمسة
وسبحان الله ليالي عشت فيها وانا كتتير جوعانة ومكتئبة وغير هيك خلص بوصل لمرحلة راح افرط فيها الرجيم حتى لو خبصت بروح اشرب على طول شاي اخضر او شاي الرشاقة عشان لا يضل الاكل بجسمي

ونزلت الحمد الله لل91 كيلو و واخيرا نزلت تحت المية

والمشكلة اللي واجهتني انه الي خوات تنتين تزوجوا وانا ضليت لحالي تقريبا فسرت اتفشش بالاكل ورجع وزني بعد افراحهم تقريبا لل100 مرة تانية يا ويلي ما سدقت انا انه نزلت
ورجعت محاولاتي البائسة مرة تانيى عشان انزل وزني ..وكل مرة صرت افشل من اول وجديد ...المهم اختصار للوقت وانه عمري عماله بجري وغير هيك لسة ما وصلت للوزن اللي بدي اياه ...رحت على دكتورة تغذية ..وحكتلها انه لازم انزل لانه خلص والله طفشت
اعطتني رجيم كتتيرحلو ومتوازن وحكتلي انه امشي عليه بالتمام ..طبعا انا بعد الرجيمات القاسية ..كنت اشوف هالرجيم كتتير سهل بالنسبة الي

واعطتني كمان دوا اسمه نوبونتيا 500

والحمد الله الاسبوع الاول نزلت 4 كيلو يعني هلا انا 96كيلو

يعني الحمد الله بدا ينزل وزني ومن غير اي تعصيب ولا توتر ولا شي وراح اروح بكرة ان شاء الله عندها عشان تغيرلي الرجيم للاسبوع التاني وراح اكتب شو راح يصير معي هون ...واللي حابة تشاركني الرجيم والدوا والمشي كل يوم تقريبا ساعة راح يكون جروب رائع لانه انا كتتير عانيت وصرت تقريبا اعرف الطريق الحلو عشان اشجع صحباتي ..وبالفعل عندي صديقة بالجامعة اعطيتها دافع لأول مرة تمشي برجيم لمدة شهر ومبسوطة كتتير هي للنتائج
يالله يا حلوين مين راح يكون بجروب لولو دايت .........
راح نبلش بكرة ان شاء الله ازا شفت في بنات معي وما راح تندمو انتو جربو ....لازم نتغير شوي عشان نعيش حياة احسن