لوليات وطبخاتنا اليوم غير

بسم الله الرحمن الرحيم
السلام عليكم ورحمة الله وبركاته
كيفكم أخواتي الحلواات ؟؟ :ق1:
يارب كلكم طيبين وبخير ..
اليوم المنيو تبعنا مختلف جديد و بسيط إن شاء الله
ومتأكده راح يعجبكم بإذن الله
.. بسم الله نبدأ مع بعض ..
.. خفايف البسكوت المالح ..
:: المقادير ::
علبة بسكوت ريتز المالح
صوص أي نوع تحبون رانش أو ثاوزند آيلاند اللي تحبونه وتفضلونه
جبن مدخن Smoked Cheese
روست بيف مدخن Smoked Roast Beef
طماطم و خيار
:: الطريقه ::
نحط بسكوته وحده ونقطع قطعه من كل شي
سبق وقلنا عنه ونحطها ونحط شوي صوص وبس

• ملاحظه .. بإمكانكم تختارون أي حشوه أو شي ثاني

لبنه ,, جبن فرنسي ,, تونه اللي تبون كلن ورغبته
.. سلطتي المميزه ..
:: المقادير ::
خس أمريكي
خيار
صوص ثاوزند آيلاند
جبن مدخن
شريحتين برقر دجاج مقليه
:: الطريقه ::
أقطع جميع المقادير السابقه
وأضيف لهم شوي ملح وليمون
وأحط عليها الصوص
.. تبوله ..
:: المقادير ::
ربطة بقدونس
طماطمتين كبار
بصل أخضر
فنجان برغل منقوع شوي
ليمونتين كبار
ثلاث ملاعق زيت زيتون
:: الطريقه ::
نفرم البقدونس
ونقطع المطاطم قطع صغيره هو والبصل
نضيف لهم عصير الليمون والبرغل وزيت الزيتون ونحركهم
.. سبرينغ رولز ..
:: المقادير ::
سبرينغ رولز
جزر مبشور
ملفوف مقطع شرائح رفيعه
بصل شرائح رفيعه
صوص الصويا
ملح و فلفل أسود
:: الطريقه ::
أحمر البصل بالزيت ومعاه الجزر والملفوف
وأضيف لهم ثلاث ملاعق صوص الصويا ورشة ملح وبهارات
لما تذبل اشيلها من النار
وابدا احشيها والف السبرينغ
وعلى النار لحد ما تتحمر مثل الصوره
.. فطاير + بيتزا ..
:: المقادير ::
كاسين دقيق
فنجان زيت
بيضه وحده
ملعقه كبيره خميره
ملعقه بيكينج باودر
المويه ضيفي بالتدريج لحد ما تنعجن
وخلي ايدك فيها خمس دقايق وانتي تقلبينها لا تتركينها
بعدها خليها ترتاح بمكان دافي غطيها في علبه
بعد نص ساعه اقلبيها على الجهه الثانيه وغطيها
بعد ساعه ابدي عاد شكليها وسوي
واحشي اللي تبين واللي تحبين
وخلي الفرن شغال حامي قبل ما تدخلينهم فيه
وخليها قبل ماتدخليها الفرن تتخمر بالصينيه شوي
عشان النتيجه تكون أفضل وتكون العجينه منفوخه
.. دونات + فطاير مشكله ..
العجين هالمره على طريقة الأخت R M G
:: المقادير ::
فنجان قهوة سكر
ملعقة و نصف كبيرة خميرة
2 ملعقة كبيرة حليب باودر
ملح
2 كأس ماء
2 كأس دقيق
بتكون سائلة غطيها وخليها مدة 10 دقائق بعدها ارجعي اضيفي عليها :
3 كأس دقيق
نصف كأس زيت
خليك 5 دقايق وانتي تعجنين فيها بيدك بعدين غطيها وخليها ترتاح بمكان دافي
لحد ما تتخمر زين
وابدي سويت الاشكال اللي تبين والحشوه اللي تبين
أنا سويت شي دونات
وشي سويته بحشوة السلاتونه الخلطه المكسيكيه
وشي سويته على شكل خبز وحطيت فيه قطع لحم وجبن
ادهني وجهها بصفار البيض وخلي الفرن حامي من قبل
وخليها شوي بالصينيه تتخمر وبعدين دخليها وبالعافيه
بف بيستري الهوت دوق
:: المقادير ::
هوت دوق
عجين بف بيستري انا اختار السنبله دايم
صفار بيض
حبه سوداء
:: الطريقه : :
اقطعي شريحة البف قسمين وحطي النقانق فيها واطويها وافتحي فتحات بسيطه بالسكين
من فوق وبعدها ادهنيها بصفار البيض ورشي الحبه السوداء
وعلى الفرن على طول وبالعافيه
.. باستا على طريقتي ..
:: المقادير ::
كيس مكرونه
جزر مبشور
طماطم مقطعه قطع صغيره
بصل مفروم
علبه صغيره كريمة خفق
ملح وفلفل أسود
صلصه
:: الطريقه ::
نسلق المكرونه نص سلقه بعدها نصفيها
على النار نحمر البصل والطماطم والجزر مع الزيت
ونضيف لهم كريمة الخفق بعد مايذيلون شوي
ونحط المكرونه عليهم والملح والفل الأسود وشوي صلصه
ونرش عليها عند التقديم بارميجان تشيز
وبالعافيه على قلووبكم
.. أرز على الطريقه الصينيه ..
:: المقادير ::
أرز أمريكي
بصل أخضر مقطع
بيض
ملح وفلفل أسود
:: الطريقه ::
نسلق الرز نص استواء
ونصفيه من المويه ونخليه
بعدها بالمقلى نضيف البصل مع شوي زيت ونحركها ونحط عليه البيض
مع شوي ملح وفلفل أسود
بعدها نرجع الرز على النار ونضيف لهم مويه نغمره يعني لحد مستواه ونحط عليه
شوي ملح وزيت لما يقرب يستوي نضيف له البيض ونقلبه
وبالعافيه على قلووبكم
.. دجاج محمر ..
:: المقادير ::
قطع دجاج اللي تحبون
بصل مفروم
طماطم مقطع صغير
صلصه
لون احمر للطعام
شبت
:: الطريقه ::
نحمر البصل والطماطم على النار
نضيف عليهم الدجاج وشوي ملح وبهارات واللون الاحمر والصلصه
لما تقرب تستوي نحطها بصينيه ونرش عليها الشبت
وندخلها الفرن تتحمر
وبالعافيه على قلووبكم
.. مكرونة الخضار على الطريقه الصينيه ..
:: المقادير ::
مكرونه سباجيتي
بصل
فرنبيط
كوسا
ملفوف
جزر
فطر
بروكلي
فاصوليا
صوص الصويا
صوص ريح المحار
بهارات وملح
:: الطريقه ::
نسلق المكرونه نص استواء
على النار نحمر البصل والخضروات سوا شوي بس مانخليها تذبل نبيها مقرمه شوي
ونضيف عليها الصوص والملح والبهارات
بعدها نرجع المكرونه للنار وفيها شوي مويه ونضيف عليها الخضار ونقلبهم سوا لما تستوي ونقدمهم
وبالعاافيه
.. فاصوليا بيضاء ..
:: المقادير ::
لحم مفروم
بصل وثوم
علبة فاصوليا بيضاء
صلصه
ملح وبهارات
:: الطريقه ::
نحمر البصل والثوم على النار
ونضيف لهم اللحم المفروم وشوي صلصه ونحركهم
ونضيف البهارات والملح بعدها نضيف لهم الفاصوليا وشوي مويه ونتركها شوي عالنار
وبالعاافيه على قلووبكم
.. كنافه ..
:: المقادير ::
كنافه خام أنا اخترت السنبله
علبة جبن فيلاديلفيا
علبتين قشطه
شيره
الوان صفار الزعفران
فستق مطحون
:: الطريقه ::
قطعي الكنافه وفتتيها بالصينيه وسوي طبقه
بالخلاط حطي علبة الجبن والقشطه سوا
وصبيه بعدها عليها ارجعي مره ثانيه وسوي طبقه غطيها بالكنافه
طبعا نكون خالطين اللون بالكنافه قبل ما نحطه بالصينيه
وبعدها ندخلها بالفرن تتحمر من تحت بعدين من فوق
ونطلعها ونسقيها بالشيره ونرش فستق عليها
وبالعاافيه على قلووبكم
.. كب كيك ..
الطريقه سبق ونزلتها في الرابط التالي
http://alfrasha.maktoob.com/alfrasha31/thread1080060/
وبالنهايه
أتمنى تكون مواضيعي أعجبتكم ونالت رضاكم
لا تنسون إذا استفدتوا تدعون لي ولوالدي هذا اللي ابيه بس
أشوفكم على خير إن شاء الله
:ق1: