لية حبيتة

لية لية انا حبيتة وهو عمرة ماحبنى لية ضحيت علشانة بحياتى عملت كل شئ علشان اسعدة عملت كل حاجة اقدر
اعملها علشان احافظ علية جنبي ويوم ماطلبت منة حمايتة ووقوفة جنبي سابنى سابنى وقالي ماقدرش طلبت
منة يدافع عنى طلبن منة مايتخلاش عنى يفضل معايا يحبنى ويحمينى من كل اللى انا فية دلوقتي وهو اتخلي
عنى بكل بساطة والسبب كرامتة اللى اتهانت وانا كرامتى اللى اتهانت منة الاف المرات جيت عليها علشانة
علشان سعادتة وعلشان مايسيبنيش لوحدى علشان يفضل جنبي وبرضة فضل هو كرامتة اللى انا مش متاكدة
انها فعلا اتهانت عليا يوم مااتحط فى اختيار باع ارخص حاجة عندة باعني سابنى ومشى سابنى وانا فى اشد
احتياجى لية شافني بتعذب علشانة سمع عذابي وسابنى اتعذب كان عارف اد اية المى من بعدة عنى كان عارف
انى ماقدرش اعيش من غيرة وماتحركش قلبة فضل علي قسوتة قلبة اللى المفروض انى كنت ساكنتة الوحيدة
بس الظاهر انى ماكنتش كفاية الظاهر انى كنت ارخص حاجة عندة مش الاغلي زى ماكان مفهمنى كنت
متخيلة انة ممكن يقوم الدنيا ويقعدها علشانى علشان ياخدنى علشان يبقى معايا لكن للاسف انا مجرد حدث ومر
فى حياتة وهايكمل من بعدة وهاينسى انى كنت موجودة في حياتة اصلا هاينسي حبي هاينسى كل حاجة
حلوة عملتها بس علشان اسعدة المشكلة انى بحبة اوى وانى مش قادرة اعيش من غيرة المشكلة انة هاينسانى
وافضل انا فاكراة لية حبيتة علشان افرح بحبى لية ولا علشان اتعذب بية لية حبيتة علشان اعيش مع حبة فوق السحاب ولا علشان اعيش معاة فى الحزن