ليش كل زوجه ضد زواج زوجها من إمراءه ثانيه

ملكة الصبايا

10-12-2022 - 11:53 am

السلام عليكم ورحمة الله وبركاتة..
موضوعي عن التعدد.. اللي لفت انتباهي وخلاني اكتبه هو موضوع كان رد لموضوع انتي مع اوضد التعدد..
ادري كثير من الحريم بيتضايقون ..ومايحبون هالموضوع ..
ولايبون أزواجهم يتزوجون عليهم ..وفيه كثير من البنات مايحبون يكونون زوجه ثانيه وانا اولهم ماابي ولااحب أكون زوجه ثانيه والله لايقوله ..
بس خلونا واقعين ..لو كل زوجه رفضت وكانت ضد التعدد..
تتوقعون وش ممكن يصير بحال البنات اللي اعمارهم فوق الخمس والثلاثين ..
تتوقعون كيف بيتزوجون وكل الشباب اللي بأعمارهم متزوجين..
يعني تأخذ واحد أصغر منها ..تتوقعون هالشاب يرضى يأخذ وحده اكبر منه بكم سنه حتى لو رضى كم واحد بيرضى ؟!!!!
تخيلي ان هالبنت اختك ..ترضين تجلس طول عمرها محرومه من الزواج والأولاد.. عشان مافيه وحده من الزوجات راضيه تكون هي ضرتها..
كلنا نعرف ان في أخر الزمان يكون عدد النساء أضعاف عدد الرجال ..تتوقعون وش الحل ؟؟العنوسه مثلاً
طيب لمتى راح تبقى هالبنت المسكينه محرومه من الزوج والأولاد والسعاده..
متى تحس بأنوثتها وامومتها ؟؟؟
متى تعيش بالضبط؟؟
تبقى طول عمرها في بيت اهلها..
إن شاء الله كل البنات مرتاحين في بيوت اهاليهم ..
بس تتوقعون كلام الناس يرحم ؟؟
الناس ماتخلي أحد !!
تقدر ..تتحمل نظراتهم ..كلماتهم ...نغزاتهم...
إلى متى راح نبقى احنا أنانين !!..
إلى متى راح يكون همنا انفسنا وبس!!..
اتمن من كل وحد ه متزوجه تحط نفسها مكان كل بنت فاتها قطار الزواج ومالها حل إلا رجل متزوج..
وبعد ماتتخيل ترد على موضوعي!!
اتمنى مايكون كلامي ثقيل على قلب أحد ..
واتمنى ماتفهمون قصدي غلط ..
كثير أتئمل حال البنات اللي تجاوز عمرهم 35 سنه وش ذنبهم ؟؟
ليش ير فضهم المجتمع ؟؟
تتوقعون هم اللي أختاروا قدرهم ؟؟ليش نحاسبهم على شي مالهم ذني فيه..
ا
تمنى مايكون فيه تجريح بالرد..
هذي وجهة نظري وأتمنى تحترمونها..
دمتم بود

التعليقات (8)

أطباق أم عبدالرحمن

10-12-2022 - 04:16 pm

السلام عليكم:
الرجال خليه يعدل بين اولاده قبل
الله يوفق الجميع ان شاءالله والزواج قسمة ونصيب
والله كاتب لنا نصيبنا ورزقنا وحنا ببطون أمهاتنا
الله ماينسى عبده هذا ليس الحل الوحيد أختي في حلول كثيرة غير زواج الرجل على زوجته والكل وظروفة
لايكلف الله نفسا الا وسعها.

متجر سومي للشنط

10-12-2022 - 05:17 pm

الله سبحانه وتعالى ما حلل تعدد الزواج من فراغ

الغ ــلا

10-12-2022 - 06:18 pm

لو هالبنت مكاني ماراح ترضى بهالشيء لي
ومحد يقدر يبني سعادة غيره ع تعاسته
والزواج قسمه ونصيب
ربي يزوج لك اعزب : )
سلمتِ

عيون سوزي

10-12-2022 - 07:19 pm

والله يا اختي الموضوع مو انانية بالمرة بس انت تتحملين تشوفي زوجك مع وحده غيرك اذا تتحملين انا ما اقدر بالنسبة لي اتطلق ولا اشوفة مع وحده غيري لانه لو شفته مع غيري والله اني اموت قهر والزواج قسمة ونصيب الموضوع مو اناية بس بصراحة والله لو يتزوج عليه لاموت قهر لاني مستحيل اتحمل اشوفه مع غيري لا سمح الله بهيك حالي طلاقي ارحملي على القليلة اتطلق مو اموت قهر

ملكة الصبايا

10-12-2022 - 08:20 pm

أطباق أم عبدالرحمن
هلابك أختي أم عبد الرحمن ..
أبي أعرف وش الحلول الأخرى غير التعدد؟؟

ملكة الصبايا

10-12-2022 - 09:21 pm

سومي7007
سلمت يمينك ..
كلمت حق. .

ملكة الصبايا

10-12-2022 - 10:22 pm

الغ لا
ليش مانحاول نكون كلنا سعداء..ومافيه سعاده على تعاسة أحد..كل واحد نصيبه من هالحياة ..
ان كام شقي أو سعيد.
(ربي يزوج لك اعزب : )
آآآآآآآآآآآآآآآآآمين ...

ملكة الصبايا

10-12-2022 - 11:23 pm

عيون سوزي
أ دري حبيبتي ..أنه صعب على كل زوجه تشوف زوجها مع غيرها.. والغيره غريزه فطرت عليها بنات حواء جميعاً..
بس لوتخيلنا هالبنت اللي تجاوزت 35 سنه اختي هل سأرضى بحالها؟!!!!!

لماذا فترة الخطوبه أجمل من الزواج و كيف نجعل زواجنا احلى خطوبه←
كيف نبدأ الحوار→