ليش مايهمه سلامتي وصحتي

1. يعني أنت ما همك إلا نظرة الناس لك؟؟؟

ودي أفضفض ليكم يابنات
أبي أحد يسمعني ويحس فيني
زوجي ليش كذا؟؟
في المغرب كنت عند اهلي وطلبت منه يجيب لي مناديل إزالة المكياج من الصيدلية لأن عندنا زواج<< ولاحظوا طلبتها من المغرب ، ودعمت الموضوع برسالة عشان ماينسى
بالأخير يتصل لي بالليل الساعة 12 وشوي وكان الجوال عند اخوي اللي ينتظرنا بالسيارة أمام صالة الفرح وقاله إنه ما شرى << يعني الدنيا خلت من المناديل
لما رجعت كلمته قال إنه لما راح ياخذ أمه وخواته مر على صيدلية وماكان عندها... فمافيه مناديل
قلت له خلت الدنيا من الصيدليات إلا ذي << لأنها صيدليه معروف أنها دائماً فاضية ما تلاقي فيها شي وهو لازق فيها وفي المستشفى اللي تبعها << راح أقول لكم قصت هذا المستشفى بعد شوي
فقلت له طيب طيب وسكرت الكلام
شوي إلا راسل لي رسالة: " كيف تكلمني كذا قدام أهلك"

يعني أنت ما همك إلا نظرة الناس لك؟؟؟

المهم طنشت ولما جا أخذني من بيت هلي ورجعنا البيت ، سألته ليش ما شريت، فعاد السالفة من جديد
قلت له طيب فيه صيدليات كثيرة قريبة وتمر عليها بعد ، ليش ما وقفت عندها ، قلب الموضوع علي وقال لي ليش ما قلتي لأخوك يمر بصيديلية ويشتري لك ، قلت له الرجال مستعجل ويبي يروح الجامعة ما يمديه واحنا تعبناه من كثر مشاويرنا الليلة
أنا هنا انقهرت ... مب عشان موضوع تافه زي المناديل بس السبب موضوع ثاني
وهو المستشفى
الله يسلمكم أنا قبل شهور صار عندي حمل خارج الرحم ، وكان أول حمل لي بعد سنة من زواجنا
وهذا الحمل ممكن يسبب عقم ثانوي إضافة إلى إنه يصير نتيجة إلتهابات والتصاقات بالحوض و الأنابيب
و أنا الحين الله يسلمكم ما عندي إلا انبوب واحد ، الأنبوب الثاني شالوه من العملية
يعني لو يصير فيه التصاقات في الأنبوب الثاني ويصير حمل ، راح ترجع سالفة الحمل القديم
وبعدها ما راح أقدر أحمل مرة ثانية
أنا لما اطلعت على معلومات من النت عرفت أنه لازم أروح أسوي بعض التحاليل عشان أطمن من هذا الجانب
وكل يوم أقول له خلنا نروح خلنا نروح وهو مو جايب خبر
صحيح ما أظلمه هو عمله لوقت متأخر و كثير السفر و زحمته زحمة في العمل ، حتى أحياناً يجيب شغله في البيت و أنا جالسة بس أناظر كيف يشتغل و أسلي حالي بالتلفزيون
نرجع للموضوع ، ناقشت معه متى نروح واتفقنا أن نروح الأسبوع ذا بالذات
لأن الأسبوع الجاي وراه سفرات وأشغال << يعني بالمخصر ما يمديه إذا هذا الأسبوع
ولما كلمته يوم وقلت له خلنا نروح كان طفشان تالي سكتني وقال أوكيه
ولما رجع من العمل <<و لاحظو على غير عادته>> وصل البيت ونام على طول ولا جلس إلا 12 وشوي بالليل
وقلت له طيب نروح الخميس يعني اليوم
ولما كلمته اليوم قال لي المستشفى بعيد خلني أوديك المستشفى اللي جنبنا أقرب لي
قلت له اللي هنا مع عندها إمكانيات متطورة يعني على قدهم
بس المستشفى اللي بتوديني له يعرف و مسوية عمليتي عندهم
صار يلف ويدور وبالأخير قال لي أنا طفشان خليها لمرة ثانية
أنا بطيبتي مشيتها له وقلت إذا الله مو رايد فهو خير لي إن شاء الله
بس اللي صار هالحين ضايقني كثير
يعني لمتى اسكت عن نفسي وما ادري شو مصيري
اسكت لين يطيح الفاس في الراس وما أقدر أحمل
<< وهذا الموضوع يأرقني كثير وهو مب مهتم
يا بنات عذراً إذا طولت عليكم بس ساعدوني
شسوي له خايفة على نفسي وهو ماهمه<< مع إنه لو يصير له جرح بسيط ركض المستشفى
ساعدوني يابنات وادعوا لي بالذرية الصالحة