ليله من الف ليله

بسم الله الرحمن الرحيم
السلام عليكم ورحمة الله وبركاته
قصة صديقتي وزوجها وليلتهم اللي كانت من ألف ليله وليله
قبل أقولكم السالفه
قولو مشاء الله تباك الله
قلتو ؟؟؟
طيب
أتصلت فيني صديقتي الغاليه وقالت لي أبيج في موضوع قالقني لازم تجيني الحين
حاولت أفهم منها على الأقل نبذه عن الموضوع
عصبت علي وقالت لوكنتي صديقتي صج تعالي الحين
خفت عليها لأن وااضح أن الموضوع كبير
رحت لها...
قالت لي يوم الأربعاء اللي طاف دخل زوجي العصر وكان حالق ومنتظبط ..
وأول ما شافني ركض علي وضمني بقوه وقالي مشتاق لج حيل ...
وباسني على راسي وقال فديتج ياأحلى بنيه بلعالم ..
(وهو مو من عوايده يسوي جذي أول مايدخل )
سألته وش عندك متضبط اليوم ومبسوط حدك ؟؟
قال متظبط عشان أعجبج ومبسوط لأنج زوجتي
وراح أخذ شور ساعتين وهو بلحمام
الله يعزكم
وبعد ماطلع تسبح بلعطر ودهن العود والبخور
وساعه قدام المرايا يتضبط
ولابس ملابس جديده
سألته وش عندك
سألته وش هذا الأهتمام المفاجئ؟؟
قالها ..قلتلج أبي أكشخ لج ياروحي
والحين أنا بطلع مشوار وراجع لج يا عسل على طول
وبعد المغرب دش البيت وهو مبسوط
ومعاه أكياس وايد
قالت له مشاء الله مو قلت ماراح تطول
قالها يا قلبي كان ودي ماأتأخر عليج بس شسوي الشوارع زحمه
(بعد مو من عوايده هذا الأسلوب)
سألته شنو هذي الأكياس قالها هدايا لج ؟
لما فتحتها لقتها ملابس جديده وكشخه وعطورات وكريمات
قالها الحين روحي ألبسي أنا عازمج
قالت له وين؟
قالها بعدين تعرفين بس برسعه
تقول أخذت شور سريع ولبست من الهدوم الجديده وحطيت ميك أب خفيف وتبخرت وطلعت له
قالها بسم الله ماشاء الله عيني عليج بارده
وأخذ يدها وباسها وقال أخاف عليج من عيون الناس
( مو من عوايده يقول جذي)
قالت له أنت وش فيك اليوم
قالها أحب ج
ويا الله خلينا نطلع عاد
أخذت عيالها والخدامه لبيت أهل زوجها
وراحو لمطعم رومنسي حيل
( مو من عوايده يطلعها لمطعم )
تقول قلت أنا مو مرتاحه أنت فيك شي قلي وش فيك؟
قالها ماكو بس مشتاق لج حيل
وأخذ الملعقه وقام يأكلها
( مو من عوايده يأكلها بأيده حتى لما كانت عروس)
تقول قلت لا انت فيك بلّى قلي وش فيك؟
قالها حبيبتي ماكو شي بس حبيت أغير جو وياج
ويا الله أبيج تأكليني بيدينج
تقول أكلته بيدي وهو يأكلني بأيده ويا اله على المغازل اللي غازلني فيه
والله ولا يحي ولميس ومهند ونور
كانت بعالم ثاني
تقول لما خلصنا العشاء قالها يا الله عازمج بمكان ثاني
وطلعو لحديقه ماكان فيها أحد كثير وكانت حيل رومنسيه وهاديه
تقول ركضنا وضحكنا ولعبنا مثل العشاق الأجانب
تقول كنت حدي مستانسه
بعدين قالها يا الله الحين عندي لج مفاجأه
قالت له شنو ؟
قال ياروحي لو قلت لج ما راح تكون مفاجأه
ولما ركبت السياره
تقول جاء ومعاه ربطه قالها بربطها على عيونج
قالت لا ليه شنو اللي ماتبيني أشوفه
قال ياروحي مفاجأه
وبعد طلعت الروح وافقت وربط على عيونها
تقول فجأه
أسمع أصوات ناس
وتقول ونزل ومسك أيدي عشاني ماأشوف
تقول بعدين حسيت نفسي في مكان معزول وحسيت أني أطي ي ر
تقول خفت
وقلت بشيل الربطه تقول حلف على وترجاني ماأشيلها وقالها خلاص هانت وقربنا
تقول بعدين مسك ايدي ومشينا وسمعت صوت باب يفتح ومشيت شوي
وبعدين شال الربطه
وين أنا
قالها أحنا في فندق الفيصليه
وهذي سويت حجزته عشان نقضي فيه الليله
(مو من عوايده يطلعها لفنادق )
قالت أنت شفيك قلي وش عندك
أنت بحياتك ما فكرت تطلعني لفندق حتى لما كنّا عرسان طلعت للبيت على طول
تقول ضمني وقال عادي أعتبري الليله عرسنا واحنا الحين معاريس
تقول وأشّر لي على صندوق لونه أحمر وكشخه باين عليه وقال روحي أفتحيه
تقول يوم فتحته لقيت وسطه علبة هديه
قالها أفتحيها
لما فتحتها لقت فيها طقم ذهب مرصع بلألماس
قالت شنو هذا ؟
قال طقم هديه لج
(مو من عوايده يهديها ذهب والماس )
تقول قلت له تكفى قلي وش فيه ؟
قال أحبج
تقول قلت أنا أتكلم صج وش فيه؟
قال مشتاق لج
تقول حلفت بلله العظيم يقولي وش فيه
وليه مسوي كل هذا
تقول حلف أن مافي شي وأنه بس مشتاق لها وحب يغير جو معاها
وطلبها أنها ماتعكر ليلتهم الحلوه بأسألتها
تقول قلت طيب الحين كيف أبدل
قالها تعالي معاي وفتح الكبت وطلع قميص نوم جديد
تقول مو ساتر شي كلش
حتى القميص ما نساه
تقول رحت أغسل جسمي بلحمام وأتعدل وأكشخ
وألبس قميص النوم
وطول ماأنا بلحمام أفكر في فعل زوجي ليه سوي كذا
وما يطلع معي اي جواب
قالت في خاطرها خلاص ماراح افكر بشي عشان ما اخرب اللي انا فيه
تقول طلعت من الحمام تقول جاني يركض وشالني
تقول وشغل المسجل وجلس يرقص لي
( تقول أول مره أدري انه يعرف يرقص)
ورقصها معاه
تقول قضيت أحلى ليليه في عمري تحلف أنها حتى أحلى من ليلة دخلتها
تقول شالني لغرفة النوم
وصار اللي يصير مع كل أثنين متزوجين
بس هي تقول صارت شغلات أحلى وأحلى وأحلى
وأول مره يسوي الحركات هذي معها
تقول أحلى من الأفلام
وتقول لما جيت بنام وأنا على السرير وزوجي نايم عندي
رجع بذاكرتي شريط اليوم كيف مّر
تقول ناظرت زوجي وهو نايم وقلت الله يستر منك مدري وش عندك
ومع هذا كانت مبسوطه حيل
الصبح
تقول زوجي يصارخ فوق راسي
قومي يا ست الحسن والدلال
نايمه انتي وجهك ما كأن عندك زوج عنده دوام
تقول فتحت عيوني وجلست على السرير
وش فيه تغير وش صا ر
تقول وهو يخانق ومعصب تقول طالعت قميصي تقول صرخت وين قميصي الجديد
تقول طالعت الغرفه وين السويت
تقول قالي قميصج الجديد ماني خابر انج رايحه السوق واي سويت اللي تتكلمين عنه اتركي عنج الجنون وقومي سوي لي فطور
وترى ماني متغدي معاج انتي وعيالج بطلع مع الشباب للبر احسن لي
تقول تحطمت طلع حلم
للأمانه منقول
وش رايكم