م يداوي ن ج قلبي راح رواية رومانسية جديدة

1. للكاتبه انا \ ضوء القمر


2. م يداوي ن ج قلبي راح


3. شخصيات القصة


4. أبو فيصل و أبو ماجد اخوان مرام ابنة عم سما ،، شهد ابنة عمة سما


5. الجزء الأول


6. سما\ سووي 2 سندوتش جبنة كاسات و خليه تحت


7. زينب\طيب ان شاء الله


8. سما\ طيب بس انتي اللي تعطيه الجوال و تقوليلو يمسحها


9. شهد\ مافيه لا تحاولي باي راحت شهد على الادبي


10. سما\ طيب لا اعطلك اكثر روح كمل دراستك

كيف حالكم يا فراشات إن شاء الله بخير ... أقدم لكم روايتي الأولى و الرواية حقيقية ليست من الخيال رأيتها في واقعي و عشتُ جزءا كبيرا منها ... أنا لم أكتب فيها سوى جزء واحد لأرى ان كانت أعجبتكم سأكمل كتابتها و لن أتوقف فأنا عانيت من الروايات التي لم تكتمل و لكن القصة جدا رائعة، ارجو ان تنال اعجابكم

للكاتبه انا \ ضوء القمر

م يداوي ن ج قلبي راح

مقدمة بسيطة عن الشخصية الأساسية في الرواية فتاه تدعى "سما" كانت عند بداية أحداث القصة في عمر 16 سنه، من عائلة بسيطة محافظة مستواها جيد ليست من الطبقة الفقيرة و لا الغنية، صفاتها: طيبة القلب جدا و زي مايقولو اللي في قلبها على لسانها، عصبية جدا، لا تختلط بالناس كثيرا فهي ليست اجتماعية، كانت تشعر بالوحدة كثيرا لأن بعدها أولاد و كان الفرق بينها و بين اختها كبير جدا، لديها ابنة عمها "مرام" فهي كانت أكثر من أخت. كانت سما بيضاء متوسطة الطول كانت نحيفة و لكن مو مرره يعني جسمها حلو شعرها بني يوصل لربع ظهرها و كانت بصفه عامة حلوه فيها جمال

شخصيات القصة

عائلة أبو فيصل و أم فيصل مكونة من ( سما 16 سنة، فيصل 13 سنة، ريان 11 سنة، لمى 8 سنوات، وسام 4 سنين، لمار سنتين ) عائلة أبو ماجد و أم ماجد مكونة من ( ماجد 26 سنة، ليان 22 سنة، ندى 20 سنة، أحمد 18 سنة ) عائلة أبو عمر و أم عمر ( عمر 25 سنة، مشعل 18 سنة، إياد 16 سنة )

أبو فيصل و أبو ماجد اخوان مرام ابنة عم سما ،، شهد ابنة عمة سما

الجزء الأول

استيقظت سما مبكرا من نومها فقد كانت جدا متحمسة للتسجيل في معهد اللغة الإنجليزية،، فتحت سما الدولاب وقاعده تنقي، سما : ياربي ايش ألبس ممكن نبدأ اليوم وممكن بس اختبر و ارجع اشوف دا اللبس لا ما ينفع خليني اخد دا اللبس و سحبت بنطلون أسود و بلوزة حمرا و لبستهم و لبست الساعة و سلسلة و حلق و لمت شعرها على ورا بكلبسه بس مو كلو و لبست عبايتها و نزلت على بيت عمتها بدون حتى ما تفطر كانت مستعجلة، سما: ان شاء الله ألاقي شهد صاحية لا نتأخر، دقت جرس بيت عمتها و فتحتلها الخدامة زينب، سما: زينب فين شهد
زينب: فوق، طلعت سما و دقت باب شهد و دخلت ، سما: يوه لسه نايمة قومي اتأخرنا و راحت سما و قفلت المكيف
شهد:طيب دحين أقوم و قامت وقالت لي سما تخلي زينب تجهز الفطور، نادت سما على زينب من فوق الدرج، سما:زينب زينب
زينب: ايوه نعم

سما\ سووي 2 سندوتش جبنة كاسات و خليه تحت

زينب\طيب ان شاء الله

رجعت سما للغرفة لقت شهد على النهاية، سما\ شهد فين العودة حقتك شهد\ في الدرج، اخدت سما من العوده اللي تحب ريحتها وحطت خفيف مرة على رقبتها، سما\يللا خلينا نفطر و نروح نسلم على ستو/ شهد\ يللا انزلي اجيب عبايتي و الحقك، نزلت سما وكانت زينب حاطة الفطور على الطاولة سمت بالله و بدأت تاكل، لحقتها شهد و فطروا و قامو ؤ صلو بيت ستهم سمعت سما من عند الباب صوت عمها ابو ماجد،سما\لا ما ابغى ادخل مافيني اسلم عليه
شهد\ ايش نسوي خلاص وصلنا نسلم ونطلع ،، و شالو البنتين الطرح من على راسهم ودخلو،، سما انصدمت ماكان الموجود بس عمها ابو ماجد كان فيه ولدو أحمد، سما\ياربي ايش دا احط الطرحه على راسي و لا أخليها مع انو سما كانت محجبة و دخلت و هي تحط في الطرحة و تشيلها مو عارفه ايش تسوي كان قلبها يدق بقوه من وجود أحمد لأن دايما كانو يعلقو على أحمد و سما لمن كانو صغار كانو دايما مع بعض الى المتوسط فكان في قلبهم شوية حب، اخيرا قررت سما تنزل الطرحة، سلمت على ستها باست يدها و راسها و راحت سلمت على عمها، العم ابو ماجد: على فين من الصبح يا بنات شهد\رايحين نسجل في معهد
ابو ماجد\ مع مين رايحين
سما\ مع السواق
ابو ماجد\ خلاص أنا أوديكم أنا عندي مشوار هناك مع أحمد انزلكم و لمن أخلص ارجعلكم
شهد\ اوكي،، سما دقت شهد بكتفها وقالت ما ابغى اروح معاه حاولي ، حاولت شهد مافي فايدة
الجدة\ يا بنات تعالو افطرو معايا، البنات\ الحمدلله يا ستو فطرنا الجدة\ طيب تعالو خدو شابورة ،، قامو البنات اخدو منها لأنهم عارفين انها ما حتسكت و قال ابو ماجد\مشينا
قامو البنات و راحو السيارة جلست سما ورا ابو ماجد و شهد ورا أحمد، ابو ماجد\ دحين عارفين الواحد لازم يتعلم و شهادة الانجليزي مرره مهمة انا سفرت أولادي بره عشان يدرسوها و قاعد يعطي نصايح وقفت السيارة عند باب المعهد ، ابو ماجد\ معاكم جوال لمن تخلصو تكلموني
شهد\لا
ابو ماجد\خدو جوال احمد لمن تخلصو كلموني اجيكم
اخدت شهد جوال احمد و دخلو المعهد و راحو عند قسم التسجيل و عملو الاختبار ،، شهد\ ايش رأيك في احمد سما\عادي
شهد\علينا يعني ماتبغيه
سما\ما ادري الموضوع دا قديم
شهد\ عندي فكره تعالي اصورك و احطك في جوالو
سما\ لا أخاف ما اعرف ردة فعلو
شهد\ ما يبغالها الطريق كلو و هو يضحكلك

سما\ طيب بس انتي اللي تعطيه الجوال و تقوليلو يمسحها

شهد اوكي ،، صورت سما صور حلوه و خلتها في الاستديو و اتصلت على عمها يجي ياخدها
نزل أحمد عند باب المعهد لأنو السيارة كانت بعيدة اعطتو شهد الجوال و قالت بصوت واطي افتح الاستديو و راحو للسيارة المره هدي قعدت سما ورا أحمد، فتح أحمد الصور و شاف الصورة و صار يطالع في سما في المراية و يبتسم سما في نفسها الله يقطع ابليسك ياشهد ايش الاحراج دا وصارت تبتسم لا شعوريا وصلو البيت نزلت سما على بيتها و سلمت على اهلها، ابو فيصل\ ها سجلتي سما ايوه و الدوره تبدأ بكره بس ابغى المبلغ/ ابو فيصل\ ان شاء الله و لا يهمك
دخلت سما الغرفة وقعدت تفكر في أحمد ياربي اكلمو و لا لأ حاسه بشي تجاهو بس ما اعرف ايش و كمان هو مسافر بعد اسبوعين بريطانيا يدرس لغة و حيقعد شهرين ايش اسوي و من فين اكلمو ما عندي جوال وصلت في بالها فكرة انها تاخد جوال امها و اخدت جوال امها و دخلت غرفتها و اتصلت على الرقم كانت حافظتو ما يحتاج اتصلت و كان قلبها يدق بقوه، احمد\الو
سما\السلام عليكم
احمد\ هلا و عليكم السلام
سما\كيف حالك
احمد\الحمدلله، يابنت ايش الصوره الحلو هدي
سما\ مالي دخل انا شهد قالت اعمل كدا
احمد\ ماشاء الله طالعه حلوه
سما\ حتسافر بعد اسبوعين من جد
احمد\ ايوه ان شاء الله
سما\ لازم مايحتاج ادرس هنا اشفيها المعاهد
احمد\ هناك الدراسة احسن بكتير
سما\ طيب، قالتها و هيا مضايقة ما تبغاه يروح تفكيرها انو بريطانيا و لوحدو حياخد راحتو مع البنات
اتطورت العلاقة خلال الاسبوعين دي و اتعلقت سما في احمد لدرجة كبيره و كانت شايلة هم السفر لدرجة قبل السفر بيومين ما قدرت تنام ، يوم السفر،، احمد\ حبيبتي توصي على شي
سما\سلامتك انتبه على نفسك و طمني اول ما توصل و اعطيني رقمك هناك
احمد\ ان شاء الله يللا انا لازم اقفل ابويه حيوصلني المطار
قعدت سما تبكي و تبكي كانت مرره مضايقة من السفر لأنو كانت تفكر شهرين اكيد يبعد عنها
مر اسبوع و ما عرفت أي شي عن احمد نفسيتها تعبت و صحتها ادهورت و صار عندها هبوط في الضغط
اتصلت سما على ليان اخت احمد
ليان\ الو اهلين سما
سما\ كيفك ليان ايش اخبارك و كيف بنتك
ليان \ كلنا بخير الحمد لله
سما\ ليان ممكن طلب بس ماتفهميني غلط
ليان\ خير ا نشاء الله
سما\ ابغى رقم احمد في لندن بس ابغى اطمن عليه
ليان\ سكوت بعدين طيب اوكي خدي الرقم ......../
سما\ شكرا ليان مرره شكرا
ليان\ العفو لا تشيلي هم اكيد هو بس انشغل في الدراسة
سما\ ان شاء الله
كانت سما تتصل تتطمن على احمد كان مرره يرد و10 مرات لأ رجع احمد من السفر و شويه شويه بدأت العلاقة ترجع بينو و بين سما في اخر شهر من اجازة الصيف
كانت كل يوم تكلمو
احمد\ هلا حبيبتي كيفك
سما\ طيبه انت كيفك
احمد\ بخير تقدري تيجي عند ستو على الغدا حكون هناك من زمان ماشفتك وحشتيني
سما\ طيب اوكي
كانو دايما يتقابلو في مناسبات العائلة كان يكتبلها رسايل و يخليها على شباك غرفة الصالون و تنزل تاخدها
اتفقو انو اول ما يخلص أحمد من المدرسة يتقدم و يخطبها ،، و يملك عليها بعدها بسنه و يتزوجها بعده بسنة
،، بدأت الدراسة كانت سما 2 ثانوي و أحمد 3ثانوي
في الصباح راحو شهد و سما المدرسة متحمسين
سما\ انا حدخل علمي و انتي
شهد\ ادبي
سما\ طيب جربي العلمي هو احسن
شهد\ ما احب اذاكر
في الطابور نادت المديره على بنات 2ث و قالتلهم اللي تبغى علمي تدخل فصل أ و اللي ادبي تدخل ب شهد\ حدخل معاكي و اشوف لو عجبني قعدت
سما \ اوكي دخلو الفصل و دخلت عليهم ابلة الفيزياء ابلة كريمة\ السلام عليكم عليكم ازيكو يا بنات البنات\ الحمد لله
ابلة كريمة\ حنراجع اللي اخدناه في الفيزياء السنه اللي فاتت و بدأت تراجع و تسأل من اول يوم شهد\ و الله ما اقعد من اول يوم و انتو كرف و انا مو فاهمه شي برجع للأدبي
سما\ طيب جربي اليوم كلو

شهد\ مافيه لا تحاولي باي راحت شهد على الادبي

كانت سما بنت ممتازة من الأوائل دايما و مؤدبة ما تقدر ترد على ابلاتها و لا على اللي اكبر منها
مرت الأيام و ابلاتها عرفوها و عرفو مستواها و كانت تستنى متى ترجع من المدرسة عشان تحكي احمد ايش يصير لها و كانت دايما تتعلق فيه اكثر بحكم انو اول واحد في حياتها و انو ولد عمها و متفقين على الزواج رجعت سما من المدرسة اتغدت و اتصلت على احمد سما\ اشفيه مايرد من امس و اتصلت مرتين و 3 و 4 و مايرد،، ممكن يكون رجع ؤ نام خلاص انام و اصحى اكلمو
نامت سما و لمن صحيت استغربت انو احمد ما اتصل ياربي لايكون فيه شي خليني اتصل رد احمد\الو هلا سما
سما\هلا احمد فينك قلقت عليك
احمد\ و لاشي بذاكر تعرفي اني لازم اجيب نسبه

سما\ طيب لا اعطلك اكثر روح كمل دراستك

قفلت سما و هي مستغربه من احمد،، مرت الأيام طويله و احمد ما اتغير يادوب كلمتين و رد غطاها لدرجة انو سما كانت تروح المدرسة و طول الوقت سرحانة من التغيير المفاجئ و قالت يمكن مع الدراسة
و في يوم صحيت سما من النوم و هيا ما نامت يمكن الا ساعتين مره مضايقة و بالقوه ماسكه نفسها راحت المدرسة و دخلت الفصل على طول مو قادرة توقف في الطابور و قعدت تبكي بقوه مو مستوعبة الكلام اللي احمد قالو ليها امس خلصت الطوابير و دخلو البنات الفصول مسحت سما وجهها ياربي لا احد ينتبه ما اعرف ايش اقلهم اتجمعو البنات عندها سلامات سما لي ما حضرتي الطوابير، سما\ بس تعبانه شويه بطني توجعني، البنات\ الف سلامة
جات عندها نوره وحده من البنات، نوره\ سما حبيبتي اشفيكي
سما\ ولاشي بس مضايقه نوره\ من ايش
سما\ نوره و لا شي
نوره\ تعالي نروح مكان فاضي ما حسيبك الا لمن تتكلمي و تطلعي اللي في نفسك شوفي كيف و جهك
راحو الساحة
نوره\ اشبك
سما\ ما اعرف من فين ابدا
نوره\ من أي مكان بس قولي اشفيكي؟؟؟
حتوقف عند دا الجزء ،، تتوقعو ايش احمد قال لي سما؟؟؟؟ و هدي لسه بداية القصة و لا نهايتها !!!!!
و ايش ممكن يصير من احداث
ابغى توقعاتكم ؤ ردودكم و لو لقيت تفاعل وعد مني اني اكملها ليكم