ما اعرف اعمل كيك

حتى انا زيك مو بس انتى
نفسي اعمل كيك ويضبط

يالله ولا احد يساعدنا طيب؟؟؟
معقول 18 وحده مافيهم احد يعرف يسوي كيك؟؟
وفي قسم الطبخ!!
والله ماهقيتها منكم،، يعني الي حتعطينا الطريقه وربي راح تاخد اجر بس مشكورين ويعطيكم الف عافيه !!

سلام
جيتكم صاروخ
ههه
اجل ماتعرفون هاه وليش مجوزينكم ههه
اسمعوا
تفقدي الفرن منا والا منا لايكون فيه فتحات تسرب هوا ينشف الكيكه ويهبطها
وتعالي مو تستعجلين وتفتحي الفرن تشوفي استوت والا لا ع طول الكيكه تهبط
وعاشرا : اي كيكه لازم تنخلي الدقيق مو شرط مكتوب بالطريقه او لا
ولازم قبل تحطي الكيكه يكون ساخن الفرن
البيض مع السكر اضربي فيه اضربي فيه لما تطلعي جلده بقوه خ
عشان يدخل هوا هو اللي يرفع الكيكه
ولما تجي تحطي الدقيق عالمواد السايله حطي بالتدريج واخلطي بالملعقه بالراحه بالراحه نص دائره بشويش لين ينام <<<امزح ههه
والطرق ياكثرها تلاقيها عند عمي ..
اقصد قوقل ..
تحياتي

*
*
سسبححآنگ آللهم بححمدگ أششهد إن لآ إلہ إلآ أن . . أسس غفرگ أ ب إليگ . . م فقہ =) ~
*
*

اول شي شيكي الفرن وثانيا لاتخلين الكيكة نازلة تحت في الفرن خليها في الوسط
والفرن لازم يكون ساخن والدقيق والبكنج بودر اخر شي حطيه واخلطيه بس لاتكثررين خلط ولا بتطلع لك قاسيه يعني اخلطي المكونات كلهم عدل وبس تحطين الدقيق والبكنج بودر اخلطيه زين بس لاتكثرين خلط
الكيكه لازم تتأكدين مقاديرها مضبوطة والبكنج بودر مو منتهي تاريخه
وموفقه

شوفي ياقمر زي ماقالو لك البنات اهم شي الفرن يكون ساخن يعني قبل ماتبدأي تسوي الكيك تشغلي الفرن وتحطي الشبك في النص
بعد كذا جهزي مقاديرك بقولك طريقتي وان شاء الله تزبط معاك :
في الخلاط : 3 بيض - نص كاس زيت - كاس سكر - شوية فانيلا
خليها تخط كويس يعني من 3- 5 دقايق
2 كاس دقيق مع ملعقة كبيرة باكينج باورد - ا كاس حليب سايل
صبي خليط البيض في زبدية كبيرة و ضيفي الدقيق والحليب على الخليط بالتدريج يعني شوية دقيق وحركي وشوية حليب و حركي لين تخلص الكمية
بعد كذا اذا حابة تضيفي اي نكهة كاكاو بودرة او نسكافيه اي شي تحبي ودخليها الفرن في النص تكوني مولعة من تحت
لاتفتحي الفرن قبل نص ساعة ابداً
المقادير بنفس حجم الكاس
وان شاء الله اكون افدتك واي اسئلة انا حاضرة

انا كنت زيكم اكثر من مرة اسوي ومايضبط ووحده قاللتلي هالطريقه وماشاء الله من الفرحة صرت اسويه كل يوم ادعولها تولد بالسلامه
با الخلاط
علبه زبادي.
ملى علبه الزبادي زيت.
ملى علبه الزبادي سكر.
وثلاث بيضات
وفانيليا
ثم نضيف الخليط الى واحد ونص من علبه الزبادي طحين
ملعقه بكنج بودر. واحركهم
وتدخلينه الفرن من تحت. وبعدين من فوق
حطيه فالرف الوسط وخفضي النار انا خليته خمسة واربعين دقيقه من تحت ومن دون افتح الفرن شغلت اللي فوق الين يحمر
وبالعافيه
وعلموني ادا ضبط
والخليط حركوه باتجاه عقارب الساعه وبالراحه

الله يسعدكم يارب ويفرج همكم وانا باذن الله راح اجرب الطرقتين وربي يكتبلكم الاجر
ااحبكم في الله فرحتوني والله

وعليكم السلاام ..حتى أنا مثلك الكيكه تجيني تقولين سفنجه مبلوله ماء ههه ..
إن شاء الله أسوي زي ماقالوا الصبايا ويجي تمام
ربي يجزاهم خير
وموفقه في صنع كيكتك ^_^