ماالذي فعلتيه لزوجك موضوع مهم جدا

اخواتي ليه مااحد تفاعل مع موضوعي والله باابكي من جد تهئ تهئ تهئ تهئ
يعني فيه احراج ولا ايه
انا اقصد الافكار اللي سويتيها لزوجك والهدايا اللي قدمتيها لشريك حياتك
عشان الكل يستفيد ونتعاون على البر والتقوى ارجوكم ابي تفاعل والله الف وحده محتاجه للموضوع وحيكون لك الاجر ان اسعدتي بيت مسلم بحركه بسيطه

هلا حبيبتي موضوعج حلو مره...أنا ببدأ وبخبرج ...
مره سويت جو بالصاله كان زوجي برا البيت يوم كامل وأنا كنت أخطط...
عندي صاله صغيرة لفيت جدران الصاله بشيفون أحمر وقصيت من الشيفون الاحمر ورود بيض..
وجبت دوشك صغير(بعني المفرش) ولبسته ساتان أحمر وحطيته بالصاله
ونثرت عليه ورود طبيعية حمراء وجبت أبجوره حمراء شكل قلب ...
وطاوله صغيره فيها شمعتين صغار وحطي كيكه وعصير تفاح
ومسجل ألحان كلاسك هادي يعني ما ينسمع وايد
وجبت فوانيس وحطيت فيها شموع وعلقتهم من الباب العمومي لحد داخل عند الصاله وعند باب الصاله الصغيرة سوت سهم من الشموع تدل أنه لازم يدخل الغرفة وطبعا كانت الغرفة معطرة ومبخره وكنت لابسه أحمر (عنابي ع الاحمر) وروج أحمر ....
والمناسبه تعرفون شو ؟؟
عيد ميلادي لأني كنت واثقه أن ريلي رااح ينسى لأنه ما يحب هالسوالف ؟؟
لكن أنبسط واايد وكان يوم ما راح ينسااه..

اختي الغرام شكرا لمرورك الرائع
لكن عني ملاحظتين عيوني اذا ماتزعلين
الاغاني كلنا نعرف انها حرام ومايجوز للمسلم انه يسمعها لو وضعتي اناشيد اسلاميه هادئه تطلع اروع من الاغاني
وعيد الميلاد انت تعرفي انه نحن كمسلمين لا يجوز انا نحتفل بغير الفطر والاضحى وانه من احدث في امرنا هذا ما ليس منه فهو رد او كما قال عليه الصلاة والسلام والاعياد هذي تبع الكفار ارجو انك تتقبلين نصيحتي لانها من قلب يحبك في الله
اما باقي الحفله ياسلام عليك وعلى افكارك الحلوه وان شاء الله اجربها وادعيلك ياعمري

مشكوره حبيبتي ع ملاحظتج....
بس تدرين زوجي أصلا مايحب الاغاني واعياد الميلاد..
وما كانت أساس المناسبة أحتفال بعيد ميلادي أكثر من كوني كنت متولهه عليه وسويتله جو لأنه كان بشغل بدبي
وعبرت عن شوقي بها الحركة ...
جزاج الله خير ..
وأنا أيضا أحبك في الله ...