ماقدر اتحمل خلاص تعبت

1. السلام عليكم ورحمة الله وبركاته


2. طبعا انا هذا اول موضوع لي فاتمنى انكم تجاوبوني وتتفاعلوا معي

السلام عليكم ورحمة الله وبركاته

طبعا انا هذا اول موضوع لي فاتمنى انكم تجاوبوني وتتفاعلوا معي

مشكلتي هي ان زوجي مهما نظفت ومهما رتبت يرجع بيوم واحد ويعفس الشقه فوق تحت يعني انا اجلس من الصبح واغسل وارتب كل شي لين ينهد حيلي واتعب وبعدين اقوم اطبخ الغدا وارتب نفسي يعني مايظل شي ماسويه وبس يرجع من الدوام تعالوا شوفوا الحفلة الالي تصير اول شئ يدخل بنعاله اكرمكم الله الى الصالون ولايفصخة وثانيا الجزدان بجهه ومفتاح السيارة بجهه ثانيا ويفصخ الجوتي بجهه والشربات بجهه ثانيا ونفس الحال لبدلة العمل يفصخة ومايكلف خاطرة يحطها بسلة الغسيل الايرميها على الكنب ونفس الحال للاورق العمل واجي انا واقوله ياحبيبي توني منظفه ماتشوف الشقة نظيفة يرد وهو يضحك معليه يؤ نسيت ومن هالكلام واحيانا اذا عصبت اقوله حبيبي باقي غرفة النوم ماعفستها يرد وهو يضحك يقول جايها الدور ويضحك وانا اتنرفز واذا جلس من النوم الصبح واتروش تعالوا شوفوا المصخرة الي يسويها طبعا ملابسه الوصخين الالي كانوا عليه البياجاما يفصخها بالصالوون ويدخل يسبح بعدين يلبس والفوطه يرميها بالصالون والله حتى المناديل الي يستخدمها يرميها على التسريحه اوعلى مكتبة التلفزيون وحتى دولاب ملابسة يفتحه ياخذ منه الي يبقاه ويتركه مفتوح وطبعا اذا جاء ياخذ الي يبقاه يعفس لالملابس ولاكنها امس اوقبل شوي مرتبه حتى غرشه العطر ماتسلم منه مالقاها الابالصالون المطبخ هذا بالاضافه الى كتبه لانه يحب القرأة كثير وعنده مكتبه وكل مارتبتها ارجع بعد ساعه القاها معفوسه واذا قلت له رتب الكتب يقول بعدين بعدين واحيانا اطنش اخلي اغراضه على الارض وكتبه ومارتبهم اقول يمكن يحس شوي وهو ولاعلى باله عادي عنده الايجي اليوم الثاني ونفس الحال وملابسة واغراضة الي عفسهم امس لسه على حطتهم ولايتحركون لين اجي انا واشيل واحط وارتب والله حتى كوب الشاي اذا سويته له وعطيته اياه يشربه ويخلي الكوب بالصاله المشكله يابنات اني حامل وفي السابع وتعبانه حيل وهو لسه على حالته ماتغير واذا قلت له انا حامل وتعبانه ووارتب علشانك وانت تعفس حرام عليك حس فيني يقول ياحبيتي عفستي ماعليكك منها انا متعود كذا واحيانا من حملت صرت مارتب الشقة يوميا من التعب واخليها يومين بحكم ان بس انا وهو لكن اجي بعد يومين كنه عندنا درزن عيال ماظل اسلوب ماتبعته معه التطنيش وترك الاغراض على الارض ..او..اشيل الاغراض واقول هذا حبيبي يطلع من الصبح علشاني... او...اعصب واطلب منه يشيل الاغراض وياريته يشيلهم ...تفاهمت معه ان المكان اذا صار نظيف ترتاح النفس ومن هالكلام وهذي مملكة حبنا ومادري ايش لكن على نفس الحال ...مرات امسكه بالغصب ينظف معي لكن طول ماهو ينظف يصارخخ ومدري ايش والله تعبت معه ابي حل يخليه يتعود على النظام حتى اوراق حطيت له بالصاله للتذكير وباسلوب حلو احد العبارات الي كتبتها له علةى الورق انا ادري ياعمري انك راح ترجع الفوطه مكانها لكن حبيت اذكرك ومن هالكلام لكن لاحياة لمن تنادي والحين لنا 3 سنوات متزوجين وانا احاول اغيرة موجاي يتغبير تعبت والله تعبت وحتى امه تقول هو من قبل لايتزوج كذا ومرة فشلني في بيت اهله راح يتروش هناك لان الماء مقطوع وعفس غرفة اخوانه والدولاب ونادتني امه تقول شوفي شسوه احس وجهي انقص انا اقول يمكن السبب لان تعود على ان ببيت اهله يسوي كذا وهم مشاء الله عندهم خدامتين يعني عادي والله تعبت وتكفون لااحد يقول جيبي خدامه وارتاحي لاني ماواطن الخدم وزوجي عصبي يعني اخاف بعد الخدامه تسوي له شئ انا ابي منكم حل تكفون تكففون شوروا علي والله تعبت
لاتنسوني من الدعاء ا ن الله يسهل ولادتي ويهدي زووجي