مبارك عليكم الشهر صور الشعبنه

السلام عليكم ورحمة الله وبركاته
كيفكم حبايبي ..
ومبارك عليكم الشهر
الله يعينا على صيامه وقيامه
.. اول مره انزل شي في هذا القسم
طبعا جينا للأكلات والحركات .. وانواع الفن صح ..
المهم قبل مانبدا بالسمبوسه والشربه
حبيت اوريكم الشعبنه < وهي عاده عند ا غلب
اهل السعوديه يمكن فيه بالخليج بس مدري ايش اسمها
..
وهي عباره ..
قبل كم يوم من رمضان نعمل سفره طويله كلها اكل
احيان يكون مشاوي واحيان منوع
واحنا عملنا المنوع سوينا يوم مصري على جاوي
ركبوها عاد ههه
..
طبعا الله يخليلي مامتي هي اللي مسويه هالفن هذا
عاد انا مساعدتها شويات
مابي اطول عليكم بوريكم طاولتنا اول وبعدين
افصّل لكم كل اكله وطريقتها بلحالها ..
ان شاءالله تنبسطوا ..
..
شكل الطاوله من فوق
>> متسلقه فوق الكرسي تصور تراها طويله
وهنا من جهه اخرى احترافيه
..
طبعا الحين نفصلهم وحده وحده
اول شي حبيب ألبي
قادو قادو
المقادير:
2 جزر
2 خيار
ربع حبة كروم..ملفوف مسلوق
كاسة خس مقطع شرايح
2 بيضه مسلوقه
ومقطعه شرايح
للزينه ..
كاسه مكرونه انا حطيت
تقريبا كاسه صغيره
وسر الطبخه ..
عجينة الفول السوداني
( قادو قادو )
تنباع في بقالة الاندونسين
الطريقه :
اول شي نحظر طبق التقديم
نضع في الطبقه الاولى
المكرونه
شرائح الخيار
شرائح الجزر
الكروم المسلوق ومقطع صغير
مفروم الخس
اخر شي شرايح البيض يصف
على الوجه
ومن ثم نضع فوقها خلطة
( قادو قادو )
خلطة الفول السوداني
طريقتها .
تخلط عجينة الفول السوداني بالماء
الحار وتهرس بالشوكه
حتى تصبح خليط غليظ
..
الحين نجي للحمام المحشي
المقادير :
8 حبات حمام
4 كاسات فريك
2 بصل مفروم
سمن
4 ماجي
هيل حبات
مستكه
ملح
2 ملعقه قرفه
الطريقه :
ينظف الحمام جيدا بالماء ويدعك بالملح
وينظف ايضا من الدخل
ويغسل حواشي الحما جيدا
( كبد .. قلب .. حويصله )
ويوضع جانبا
يوضع البصل المفروم في قدر على النار
يحمس حتى يذبل
ويوضع عليه ملعقتين القرفه
مكعبين ماجي ويقلب
ويوضع عليه الفريك المغسول
ويسكب عليه ماء مايغطي الفريك
وملح ومستكه ويترك لينضج الفريك
نصف استواء
ويترك ليبرد قليلا
ومن ثم يحشى به الحمام
وتحشى من جهة الرقبه
وتقفل في اعواد الاسنان ومن ثم نضع قدر كبير على النار
به ماء وهيل حبات ومستكه وملح مكعبين ماجي
وحبة بصله صغيره مقطعه ارباع
ويترك الى ان يغلي ..
ثم نضع فيه الحمام المحشي لمدة نص ساعه
ومن ثوم نقوم بتصفية الحمام من الماء المغلي
ونقوم بتسخين الزيت في مقلا كبيره
ونقوم في قليه الى ان يتحمر حسب الرغبه
..
رقائق البطاطا الجاويه
الطريقة :
نقطع البطاطا شرايح رقيقه جدا
وافضل تقطيعها بالمولينكس ماشين
ثم قليها لين ماتحمر
ونجهز مقلا حبة مفرومه بصل
مع ملعقه صغيره ثوم
وفلفل احمر مطحون واجينموتو
ويقلب مثل الكشنه
وبعدها نضع فوقه البطاطا المقليه
ونحركه قليلا الا ان تغطي الكشنه البطاطا
ويقدم
..
يتبع