مبقتش احب العلاقه الحميميه بينى وبين زوجى قررت احكى

السلام عليكم
بنات كيفكم . ان شاالله فى احسن حال
والله يااخواتى ضاقت بى الدنيا وقررت افضفض لكم
انا يابنات متزوجه من 6 سنوات والحمد لله عندى بنت عمرها 5 سنوات الله يحفظها ان شااله
اول الزواج كنت اموت على زوجى حببنى بالحياة وعشت معه ال ما كنت متوقعه اعيشه حب ودلال
المهم يابنات بعد الزواج ب2 سنه تقريبا
توفت ام زوجى وسافروا اهلى دوله ثانيه
وكنت انا وزوجى بس هنا وطبعا الاقارب بس انتم تدرون كل واحد لاهى بحياته
تعرف زوجى على اصحاب وحسيت انه تغير على وعاش عيشه اصحابه مكنش بيخونى بس سهر وغموض لاقصى حد لدرجه انى كنت بكرهه فى الفترة دى لكن الحياة الحميمه كانت رائعه بنا وكان يوحشنى وكنا متفاهميين بالعلاقه كثثير
لكن بسبب اصحابه عشت اصعب ايام حياتى الفترة دى يالله الله لايعودها ايام
المهم فكرت كيف اذاى ابعدة عن اصحابه فقررت انى اشجعه انه يسافر عند اهلى لفترة يحاول يعمل بزنس هناك مع اهلى وفترة وياخذنى لانى كنت بدرس وكدا
وكان اخويا معايا بنفس البلد وزوجته فقلت هيهونوا عليا الوحدة لكن طبعا كنت بحلم
المهم سافر وبعد عن اصحابه وحمدت ربى
وكانت الفترة دى اكبر اختبار لمشاعرى ورجعت العشق بنا مرة ثانيه يوم حسينا اننا افترقنا
و حسينا ان كل واحد بالنسبه للطرف الثانى الحياة بمعنى كلمتها
وكان عندى يابنات ذائدة جلديه بالمنطقه الحساسه ومكنتش فاكرة ان كل البنات كدا وكانت مديقانى جدا
فققرت اشيلها بتجميل وانتهزت الفرصه لان زوجى غاب سنه و3 شهور والنتيجه كانت مبهرة الحمد لله
رجع زوجى وكان وحشنى كتير لكن بعد فترة صرت احس ببرود كان بيوحشنى دلوقتى لا والله لو يقعد شهريين ما اروح له على عكس قبل لو يوميين كنت اتمناة
بعد ما رجع زوجى عرفنا انه جاتله مشاكل ودوالى ومبقاناش نقدر نجيب اطفال غير بالحقن المجهرى
ذاد الاحساس عندى بأن العلاقه بنا ملهاش لازمه
وبقيت يابنات مبحبهوش يقرب منى لما احس انه عاوزنى ازهق واقول يارب يوخر او اشغل نفسى بأى حاجه واصعب الاوقات لما يكون معايا .. وبحب يخلص بسرعه وعمرى ما ابدأ انا معااة تغيرت 180 درجه
ومبقتش احس انى انثى معة حتى بالحياة العاديه ولا بقيت احب اتفنن بنفسى مثل قبل
مش عارفه هل دا بسبب الفترة الصعبه ال عشتها بسببه هوا واصحابه
او
بسبب العمليه ال عملتها برغم كنت محتاجتها جدا وكانت ماثرة عليا التهابات وغيرة
او بسبب موضوع الانجاب ال مسيطر على حياتى ومسبب لى اكتئاب
بنات كتبتلكوا معاناتى ارجو افادتى لانى والله العظيم محتاجالكم