متى اخر مره قدمتي لها هديه

رغد الشرقية

21-06-2022 - 10:55 pm

بصراحه لي اكثر من شهر وناافكر في هاذا الموضوع
ابغى اقدم هديا لأاغلى الحبايب (امي )
لكن من ادخل السوق اشوف اشياء مكرره ومالها اي معنى
ويهمني اكثر شي اسلوب تقديم الهديه ابغى افكار
بجد احس بضيق في صدري لمااتذكر امي وعيوني تدمع
عمري 27سنه وعندي ولدين لكن ماافكر الا في امي مدري ليش خيالها دايم على بالي
اقول يمكن بموت ولا بيصير فيني شي ولله شي موطبيعي من افكر في امي عيوني تدمع
ولما اروح الخميس بيت اهلي على طول اروح لمي واحظنها وكأني من زماان ماشفتها
حتى اهي احسها هاذي الأيام تعاملني زي البزر تهتم فيني كثير حتى خواتي دايم يقولون لي امي فيها شي دايم تتكلم فيك ومن تطبخ شي انتِ تحبينه تذكرك ولما تدخل السوق تذكرك تتصل فيني احيان ماعنده شي تقول بس تطمن علي وتسكر او تستشيرني في بعض الشغلات لخطبة اختي الصغيره
ودي افجر كل اللي في قلبي بهديه ترضني واقدمه لها
لكن مو عارفه كيف علموني

التعليقات (7)

أنوثتي محطمة

22-06-2022 - 01:49 am

انا قدمت للوالدة قبل اقل من اسبوع كانت جاية زيارة لي .. دهن عود من جنيد .. ريحته مرة روعة ..
وبيني وبينك كنت محتارة .. ايه اهدي لها .؟
كل شي بالدنيا هديته لها .. عطور .. ذهب .. خواتم .. سلاسل .. عقد .. اساور.. حلق .. سبحة .. كل انواع الذهب هديتها
الملابس .. كل عيد ومناسبة اهديها ..
فلوس .. ارسل لها معي او مامعي اهم شي اعطيها ..
البيت قلبته لها .. كل جاراتها وخواتها يحسدوونها عالبيت .. موكيت وكنب .. وسجاد.. وزوايا ..
المطبخ كامل مكمل من كل شي .. جهزته من الملعقة للثلاجة ..
احترت وش اهدي لها ؟
جهزت غرفة نووم بسويها لها سبرايز .. وكنت خلاص بشحنها من الشرقية لهم .. واخترت لون الموكيت والسجادة والدعاسة
قلت هدية عيد زواج الوالد والوالدة ..
بس للأسف .. اول ما دفعت الفلوس وموعد التسليم بكره .. مات ابوي ..
يعني الوحيدة اللي ماهديتها لامي وابوي غرفة النوم ..
ولا اظن اني راح اهديها لهم ....

м e я σ

22-06-2022 - 02:50 am

ياعمري لايجيك تفكير زي كذا الحمد لله أنك صرتي تهتمي بأمك ..
وعادي انا اخواتي لما تزوجو يشتاقون لماما ويهدونها وكل شي 000 شي طبيعي لانهم بعدو عنها
وتوهم يعرفون قدرها وعقولهم كبرت ولانهم خلاص راحو مع رجالهم فبيحنون للماما وحنانها ...

دمعـ حرمان ــة

22-06-2022 - 03:51 am

انا قدمت لامي علبه فيها عطر وكريم وبودر وبتااع كولوه من زهور الريف وغلفتها له وكتبت لها كرت كلام ووبس

زهور الشام

22-06-2022 - 04:52 am

انا من فتره قريبه اشتريت لها جهاز جوال

رغد الشرقية

22-06-2022 - 05:53 am

أنوثتي محطمة :الأم صحيح غاليه لكن الأب كذالك الله يخليك لها يارب والله يرحم ابوك ومثواه الجنه
دلوعه كيفي: انا مو بس متزوجه لا انا متغربه عن امي مسافه بعيده بيني وبينها انا بلجبيل وهي بلحسا يعني العاطفه عندي دبل الدبل
دمع حرمان ة: امي عطوراتها كثير ابغى شي مميزانت احيان ادخل غرفتها اشوف شي ناقصها الاقيها مشاء الله عروس كل شي عندها عشان كذا محتاره
زهور الشام: قبل خمس شهور اهديتها جوال
ويهمني كثير كثير اسلوب تقديم الهديه
تحياتي لكم

$butter fly$

22-06-2022 - 06:54 am

انااهديتها بالعيد مخلط اسمه مخلط نوف روعه
انا كنت شاريته لنفسي و كل من شمه يسالني عنه
تلقينه بالدخيل للعود و سعره 250 !!

سراب2006

22-06-2022 - 07:55 am

عطونا افكار بعد انا اخر مرة عطيتها مخلط من الشركة العربية للعود

حركات حلوة لتزيد من محبة الزوج لزوجته←
تصرف زوجه ذكيه→