مجموعه زوربيا وشعارنا حننحف يعني حننحف

السلام عليكم يابنات
طبعا حابه ترحبوا فيني اولا لأنه انا مسجله من زمان في المنتدى بس عمري ماشاركت ونادرا ماأدخل
فاعتبر جديده
شكرا شكرا
لاداعي
مشكورين
دحين انا دورت على قروب اشترك معاهم لقيت الصفحات ماشاء الله وقروبات باديين من قبل رمضان قلت خليني اسوي قروب جديد ونبتدي بعد رمضان
ها مين الحلوه اللي تبغى تنحف و تصير احلى ؟؟؟؟؟؟؟؟؟؟؟؟
انا قبل لاأتزوج كان وزني 105 ونحفت الى 73
وثبت وزني 3 سنين وبعدين اتزوجت وحملت الخ الخ الخ لول
وفي النفاس اطلع على الميزان الا الطامه الكبرى وزني
2
يالهوي كيف وليش
المهم بدات تخفيف انا وزوجي ونزل وزننا ماشاء الله 8 كيلو في شهر ونص بس تخفيف ومشي
ووقفت بعدها ورجعت وو قفت عشروميه مره اوقف وارجع وفي رمضان بدات ووزني كان 89 ومسكت نفسي رياضه ودايت وصل وزني نهاية رمضان 83
وفرحت بال6 كيلو
وجا العيد وماكنت راضيه اكل اول يومين بعدين تالت يوم ورابع يوم واليوم خامس يوم اكلت بكل جوارحي وطاقتي
من جد دحين مره زعلانه على نفسي امنيتي يصير وزني 67 عمري ماأفتكر كان وزني في الستين غير في المتوسط وبدايات المتوسط كمان اهئ اهئ
بس ان شاء الله عاقده العزم باذن الرحمن وجايه بكل طاقاتي وابغى كم بنت معايا يكونوا عازمين وجادين وعندهم هدف محدد يابنات خلي عيد الاضحى يجي او بلاش
خلي السنه الجديده تيجي وكل وحده محققه حلمها بلاش نضيع من عمرنا كمان
أنا بالنسبه لي حابدا ان شاء الرحمن دراستي للماستر ونفسي ابدا وانا شويه واثقه من نفسي
دحين المعلومات
طولي 168
وزني صار 84 زدت كيلو مع تخبيصات العيد
الهدف الاول (بعد نقصان 5 كيلو) 79
الهدف التاني (بعد نقصان 10 كيلو ) 74
الهدف التالت (بعد نقصان 15 كيلو ) 69
وبمجرد اوصل 69 حسوي حفله لول
لأ طبعا وقتها ان شاء الله وباذن الرحمن نشوف اذا محتاجه كمان او لأ
ها مين حابه تشارك بس انتبهي لازم تكوني عازمه على النقص وانا عن نفسي بحاول التزم بريجيم 1000 سعر حراري و ممكن اغيره يعتمد على نتيجة الأسبوع الاول
يالله
أبغى حماس:ق1: