محتاجة رايكم هل غلطت فى اجابتى على سؤال خطيبى

1. السلام عليكم ورحمة الله

السلام عليكم ورحمة الله

اخواتى الغاليات...انا مملكة وخطيبى خجول ولا يعرف شىء عن عالم الانثى...ودائما كنت اشعر فى كلامه بفضول نحو معرفة هل ارغب به جنسيا مثله ام اكثر منه وبالفعل سألنى مباشرة عن الرغبة الجنسية و مدى شدتها ودرجتها عند الانثى..وبصراحة تفاجأت بسؤاله ومعلوماته المسبقة ان المراة شهوتها اكثر من الرجل وانها هى من تلاحقه من اجل الجنس وليس هو فقط وانه متاكد من ذلك وبصراحة انكرت بشدة وقلت له ( لا الرجل اشد جنسيا والمراة اشد عاطفيا الا فى حالات نادرة يكون العكس ) وهو شك بنفسه وقال
(يمكن معلوماتى غلط لانى فعلا معرفش اوى عن عالم النساءوانتى بقى عرفينى)
وسؤالى هو ..فى رايكم هل انا اخطات فى اجابتى؟وان كنت خاطئة ما هى الاجابة فى هذا الموقف بصراحة خجلت ابين له انى ممكن اكون اشد شهوة منه او حتى مثله ؟
انتظر ارائكم لانه لسة قايل لى الكلام ده دلوقتى على التليفون وقفلت معاه وانا حاسة بضيق
نسيت اذكر موقف قبل كدة كنا بنتكلم عن خوفى من ليلة الدخلة وكان بيهزر معايا فقالى (يا حبيبتى متخافيش وبعدين بكرة انتى اللى تجرى ورايا ولازم تحطى فى دماغك ان انتى كمان عاوزة الجنس مش انا بس ويمكن انتم الستات تكونوا اكتر) بصراحة انا اتغظت رغم انى عارفة انه طيب وميقصدش يزعلنى هو بيهزر بس رحت رديت عليه قلت له (انا مبجريش ابدا وراء حد)قلتها بهزار برضه