محتاجة مشورتكم

السلام عليكم ورحمة الله وبركاته
صباح الغلا والورد
لكل فراشات منتدانا الغالي
الموضوع بايجاز اني محتاجة مشورتكم بخصوص
خلاف بيني وبين زوجي
وهو اني طلبت منه الليلة اني اخذ منه اجازة اسبوع
اجلس فيها عند اهلي
لان وجهي بوجهه طول السنة
يمكن ما افترقنا الا ثلاثة ايام متواصلة بالكثير
وانا بصراحة ماحب الروتين
احب اجدد حياتي كل فترة
ودي اشتاق له لا
واحس نفسيتي مرة تعبانه منه
يعني تعرفون ظغوط الحياةمايخلو يوم من مشاجرة بسيطة
وانا انسانة كتومة يعني مو كل زلة لسان ازعل عليها
اصبر اصبر اصبر لين ينفجر البركان
وهذا الي انا ما ابيه ولا ودي اوصل له
عشان كذا طلبته اروح لاهلي اغير جو
بس حضرته رافض
مع العلم اني جربت السنه الي فاتت ووداني بعد البكاء والعويل
وجلست اسبوع ماشفته
والله يابنات اني رجعت مشتاقه له
حتى هو وقت ما اخذني عالبيت
قال والله البيت من دونكم مايسوى
واشتقتلك ومن هالكلام
قلتله وش رايك نخليها بعد كل فترة يعني مثلا كل ستة شهور
ينزلني اسبوع لاني في نفس المدينه الي فيها اهلي
بس ما ابات عندهم
قال والله لوتبغين انزلك كل شهرين
واحس سار تعامله احسن بكثير
والحين يقول مافيه انزلك اسبوع
تبغين خذي عفشك كله معاك واجلسي عند اهلك
قلتله محتاجه اخير جو
قال نغير انا وياك
طيب انا متضايقة منك
يقول اجل خلاص روحي مرة وحدة لاهلك
قلتله انا مابعتك
بس محتاجه ابعد شوي عشان تخف المشاحنان والمشاكل
قالي فكري في كلامي وانا بفكر في كلامك
وبعدين اقولك ايش اقرر
عشان كذا كتبت مشكلتي وش رايكم تصرفي صح والا غلط
وايش المفروض اسوي لاني بجد محتاجة ابعد عنه شوي
وسلامت الي بترد لو بدعوة صاادقة