محتاجه نصيحتكم ابي اكمل دراستي وماني قادره

السلام عليكم ....
ارجوكم تنصحوني ... مره تعبانه ومحتاره وتعبت من التفكير ساعدوني وفكرو معاي ارجوكم ........
انا متخرجه من كلية المجتمع (دبلوم) وكنت توني ولدت بولدي
وكنت اخلي ولدي مره عند اهلي ومره عند اهل زوجي
ومرت الايام وكانت حلوه حيل .. كنت منها ادرس ومنها ارتاح من ولدي ومن مسأوليات الحياه الزوجيه
وكانت امي منزعجه حيل من ولدي لانه كان يصيح كثير .. وكانت كل يوم تقولي طلعي من هالدراسه وفكيني من ولدك
والحمدلله تخرجت من الكليه وبتقدير ممتاز
وانا احب الدراسه كثير ومااحب جلسة البيت فافكرت اكمل دراستي وسجلت بالجامعه (دراسه بفلوس)
ونقبلت والحمدلله
بس المفاجئه حملت مره ثانيه والحمدلله ...وماكنت متوقعه اني احمل ..
وبعد ماكنت متلهفه على الدراسه وميته فرح اني انقبلت
صارت امي تقولولي ماراح امسك عيالك كل يوم يعني راح امسكهم كل يوم ويوم
ولما قلت لزوجي قالي وانا بعد ماراح امسكهم اصلا وما راح ارضى لك تخلينهم عند بيت اهلي (يعني بيت زوجي)
ومن بعد ماكان زوجي اهو اللي يبيني اكمل دراستي وفرحان لي وكان ينتظر اني احمل على احر من الجمر ويقولي إذا حملتي والله لأسويلك كل شي تتمنينه واخليك تكملين دراستك وامسك العيال لك
صار يقولي السلبيات كل مره اكلمه عن الجامعه ويقول ماراح امسك العيال ومارح ادفع للجامعه فلوس
إذا تبين دفعي انتي آآآآآآآآآآآآ آآآآآآآآآآآآآآه من القهر اللي الحين انا حاسته احس الناس كلهم ضدي احس مااحد يحب مصلحتي
من بعد كل التضحيات اللي الوحده تضحيها .. بالاخير ماتنعطى حتى ابسط حقوقها
يعني إذا الوحده تزوجت وجابت عيال يعني تصير اسيره للزوج وللعيال
ليش الزوجه ماتنعطى ابسط حقوقها
الشغاله يعطونها اجازه كل سبوع والمرأه .. حتى ابسط حقوقها (الدراسه) مايعطونها ليش كذا
ليش الناس تظلم بعضها؟؟؟؟؟؟؟؟
ياليت تنصحوني ايش اسوي ؟؟؟؟؟؟؟؟
اكمل دراستي او لا ؟؟؟؟؟؟
ايش تنصحوني ؟؟؟
والله اني تعبت من التفكير