محتارة بيوم الحنة بليز ساعدوني

والله الحين ماعندي صور بس بحاول ادور لك بالنت واجيب هم والله يوفقك يارب ويسعدك
اختك / دموع

ماعندي صور للاسف
بس ليش ماتلبسين الزي البحريني القديم يعني ثوب نشل ومشمر مطرز والله حلو صديقتي في حناها لبست جذي وكانت ألوان الثوب روعه وحلوه
ان شاءالله باقي البنات يساعدونج وبحط لج صور للثوب اذا كنتي تبين

حبيبتي انا ما عندي صوره لزي العماني بس انا اقولك على فكره فستان اختى في ليلة الحنا
سوت فستنان كلوش فيه صورة زوجها على كل الفستان كبيره وحولها قلوب وحركات والله طلعت تجنن
ولكل انهبل على الحركه
وبا التوفق اختيgirlsqueen1

والله فكرة حلوه عيني وأن شاء الله العمانيات يفيدونا ويفرجونا زيهم ...

ألف ألف مبروك حبيبتي
و أنا شفت عروس لابسه في ليلة الحنا لبس خليجي على مغربي كان روعه
يعني كأنه ثوب بس قطعه وحده حتى يكون عملي لليله هاذي و فيه غطاء أو كبووس مادري شو اسمه مثل اللبس المغربي و كان روعه.. و تدرين شو الحلو فيه.. انه ما يحتاي تسوين تسريحه لأنه امغطي الشعر شوي و مايظهر منه الا شي بسيط .. حتى تكونين غير في العرس..
و الحمدلله اني لقيت صوره مقاربه للفكره بس مش راظيه تظبط معاي
و السبب من الموقع بس برسلج إياها على الخاص

أولا حبيبتي ألف الف مبروك الله يسعدك ويهنيك
ثانياً : ادعي لي بالزوج الصالح واسوي مثلك يارب ليلة حنا
ثالثاً : من خلال مشاهداتي بقولك فكرتين :
- في ليلة حنا حضرتها كانت كلها طابع خليجي بحريني ( العروس لابسة جلابية حمراء فخمة مطرزة بالذهبي مسويتها في محلات الرندة المغربية بس على شكل أقرب للجلابية الخليجية يعني من غير حزام) ولابسه ذهب كثير على راسها ورقبتها ويدينها وخلاخيل ....الخ بس كان روعة
- زفوها خواتها وزوجات اخوانها على الموسيقى بالمشموم ( الريحان المقطع ) وبعد كانوا لابسين ثياب نشل وطاسات على الراس ( ذهبية تقليد ) بس وقت الزفة..
- التوزيعات للضيوف كانت معاصير حناء وجابوا 3 هنديات يحنون الموجودين ..
- بعد فترة قعدوا العروس وسط الحضور على كرسي وجابوا قطعة حمراء وكل البنات المعزومات مسكوا أطراف القطعة الحمراوقعدوا يرفعونها وينزلونها عليها ( مثل أوبريتات الكويت زمان ) ويغنون أغاني تقليدية يدعون للعروس.
- الوجبات اللي وزعوها على الناس قبل العشا كانت أكلات تقليدية في أوعية بلاستيكية صغيرة جداً ( نخي - حلوى عمانية - رهش - متّاي البحرين ...الخ )
- المشروبات ( شاي بماء الورد - حليب بالزنجبيل - حليب بالزعفران - كرك ....)
يعني مثل ما لاحظتي ...شعبيات × شعبيات
- كانت كوشتها صغيرة من قماش هندي أحمر مطرز بالذهبي، وجنبها طاولة عليها مفرش كشخة قريب من تشكيلة الكوشة ، وعلى الطاولة صورها ( صورة حلوة لها بقبعة ، صورتها بفستان ، أيام التخرج ، أيام الخطوبة ، ...الخ ) يعني صور للمحطات المهمة بحياتها ....
- وبعد على الكوشة صندوق خشب كبير فخم فيه هدايا ملفوفة من خواتها وقريباتها ,,,
- هذا غير الورد المجفف والشموع على الطاولة ...!
- يعني باختصار كانت ليلة خليجية ....وقيسي عليها ليلة مصرية ، مغربية ، عمانية ، يمنية ، هندية ، صينية ...الخ ..
بعد حضرت العام الماضي ليلة حنا مصرية ..
- كل صديقات وقريبات واخوات العروس كانوا لابسين جلابيات نانسي عجرم في اغنيتها المشهورة ، ولابسين مناديل ، وشباشب .. بس ها
الجلابيات صحيح نفس الشكل بس كل واحدة لون ( يعني وحدة لابسة نفسها بس مقلمة بتركواز والشبشب كشخة فيه كرستال لونه تركواز ، والمنديل تركواز وفيه لمعة فضية ، وكامل اكسسواراتهم ملونة على فضة بس ناعمة ...
وهكذا اللي لابسه مقلم بأحمر ، مقلم بأخضر ...الخ وكله طقم مع المنديل والشبشب ...
والعروس كانت لابسه نفس الموديل مع المنديل والصندل ( كشخة طبعاً ) بس حرير أخضر سادة ، واكسسوارها ذهبي مصري ( على شكل هلال ) ...
أتمنى أكون أفدتك اختي
بس دعواتك ...

مشكورين حبايبي بس انا عجبتني فكرت الثوب البحريني بس ضروري يكون في صورة للموديل ياليت الي تقدر تحط لي صور بكون شاكره لها واسال الله ان ييسر امورها ويساعدها مثل ماتساعدني
والله اموت عليكم يافراشات

اعملي بحث في مواقع السياحة البحرينية والكويتية

?????????????????????