مذكرات دبة داجه

استغفر الله واتوب اليه
لي وللمؤمنين والمؤمنات
والمسلمين والمسلمات
الاحياء منهم والاموات
@@@@@@@@@@@@
السلام عليكم ورحمة الله وبركاتة
صبحهم / ظهرهم /
عصرهم / مغربهم / عشيهم
بالخير
انا والله وحدتن دبتن داجه
مدري وش ابي
طبعا ما ابي اسوي قروب تنحيف
المنتدى فيه قروبات قد باقي مواضيعه مرتين
كل من جا فتح قروب و80% تغبر من 2 اسبوع محد يجيها
انا ابي ألق لق وبس
وطبعا
ابي انحف ابي اكشخ ابي اترزز بكل ثقة
كيف
ووين
وليه
ولماذا
ومتى
ووشلون
مدري؟؟؟؟؟؟؟!!!!!!!!!!
من جد
ما بقى قروب ما اشتركت به
مابقى جهاز تنحيف مهب عندي
ما بقى برنامج وما بقى كتاب مهب عندي
الشي الوحيد الي مهب عندي ولا عندكم قارئاتي الداجات الدبات
الاراده والعزيمه والمقاومة <<< كل ذا شي وحيد
والبلا والمصيبه
كل سبت اقول يا سبت
ولا اعرف ابدى وسط اسبوع مستحيل
كلا ولن ونيفر ايفر ونو ونوت ولأة ولاأوأة ولالات
اني ابدى وسط اسبوع
طيب نعنبو ابليسك ابدي السبت
ابدا السبت
طيب ببدا
يجي الجمعه واقول لازم اكل كل الي بخاطري
عشان الدايت السبت
وافطر مرة واتغدى مرتين واتعشى 3مراريت واحلي 4 مراريتات
وابدى السبت
ويجي شي السبت تافه ويصير وقتها عندي شي(ن) عظيم
وعذر قاهر واكسر الدايت
ويجي الاحد
تتوقعون اكمل
لا وكلا ونو ونفس ديباحة فوق اني ما اقدر اكمل
اليوم
يقالك بستعد لدايت السبت
واحوس في هالنت
واشوف خلطات وخربطات
واشوف اعلان عن جهاز جديد
وادق عليهم قالو نجيبه لك
واروح اتميلح عند ابونا
واترزز <<<<<< طيب يا كيم كارديشان البطحا
حبيبي <<<<<<<< يوه ما يلوق
يا عين ابوي اشتر لي هالجهاز
يقولون انه يمسح البطن مسح
والله يخزني بذيك النظرات
الي تفسر انه بيفقع راسي بالريموت الي بيده
بس هون الظاهر خاف على الريموت......اوة سوري اقصد علي
وقمت اتلفت على اجهزتي الي لو اجمع سعرها كان تجيب لي طقم ذهب ب10 الاف بدون مبالغة
واقول يا بنت استحي
وشغليهم بدل لاهم صايرين معاليق ثياب والعاب لهالبزارين
وقررت السبت
تكون بدايتي ان شاء الله
وكل يوم نقول اليوم
ونشوف هالسبت بيكون بدايه
او زي باقي السبتات الي فاتو
ولو اني اشك ان ما راح ابدى الا
في الاسبوع الي فيه 8 ايام
وهذي يومياتي
الي تحب تقراه وتلقلق معي
وتشارككني حياها الله
والي ما تبي الله يحفظها
اشوفكم بكرة ان شاء الله
واقول لكم عن ايامي استعداد ليوم السبت الي قبل الرجيم خ