مره صرتي خطابه بس غصبن عنك

1. السلام عليكم ورحمة الله وبركاته

السلام عليكم ورحمة الله وبركاته

بنات بقولكم سالفتي انا عندي صديقة من ايام الجامعه وهالانسانه كثير احبها وهي بعد كثير تحبني ، من ايام الجامعه وهي تحكيلي عن اخوها انه وسيم ومنصب و مميزات كثيره ،وسالت وحده من معارفهم معاي في الجامعه عنه قالت فعلا اخوها معروف انه انسان ماعليه كلام ، وصرت اتمنى تخطبني لاخوها ( انا ما حب اخوها لانه عمري ماشفته بس انا اتمناه كزوج ) وحتى البنات اللي معاي توقعوا تخطبني لاخوها من كثر حبها لي ،تخرجنا ومرة السنوات وانا توظفت وصرت تكلمني يمكن مره كل 4 او 5 شهور وتقولي احنا قاعدين ندور لاخوي و كنت اسكت ما اعلق ، من حوالي اسبوعين اتصلت لي في الشغل انا استغربت من اتصالها كلمتي وقالت لي يا فلانه ياريت ادورين حق اخوي انا انصدمت واقول في قلبي ( ليش انا بالذات اخترتيني ) مع انه معارفهم كثيرين ، وقالت انا قلت لك انتي بالذات لاني اثق في اختيارك وذوقك واعرف ماراح تختارين لنا الا احسن الناس واحسن البنات ، حسيت كانه حد كب علي ماي بارد وعلى طول تذكرت وحده اعرفها قلت لها اسمها وعمرها وقالت مناسبه وسالتني حلوه قتلها انا اشوفها وايد حلوه قالت انا متاكده انه ذوقك حلو وقبل ماتسكر قالت ( اذا ما عجبتنا هالبنت راح اخليك ادورين وحده ثانيه وثالثه لين نزوج اخوي على يدك ) ضحكت وقلت لها ان شاء الله يا فلانه ولا يهمك وانا قلبي يحترق، قبل يومين اتصلت علي وقالت لي مشكوره فعلا البنت طلعت حلوه و ابوها واخوانها مناصب في الدوله بس اخوي يقول انتظروا شوي انا ما ابغى اتزوج اللحين ، وبعدين قالت اذا هاذي راحت علينا دوريلنا وحده ثانيه
ليش انا بالذات مع اني انا متاكده ماينقصني شي ولما ذكرت العوايل قالت هالعوايل مانبغي منهم وهالعوايل عادي اناسبهم ماذكرت عايلتي لامع ولا ضد ليش ؟؟؟
لو انحطيتي في موقفي وشو راح تسوين ؟؟؟