مسا حة السراميك

1. قبل تجاوبوني اعلمكم وش جربت :

قبل تجاوبوني اعلمكم وش جربت :

• مساحة سراميك ام شوشه صوف اللي تغمس بسطل مويه بعدين تشطف شويه من المويه وتمسح فيها السراميك عيبها انها ماتنظف زين ولما تتوسخ اغسلها بيدي ماتنظف زين وبالغساله ماقدر احطها لأنها ثابته بالعصا حقها وتطلع ريحه مو حلوه شكلها يسار الصوره.
• مساحة سراميك مسطحه ولها صوف صغير مو طويل وميزتها انها تباع قطع غيار لها عيبها لما تتوسخ واشيلها من العصا حقها وادخلها الغساله ينهري البلاستيك اللي فوقها قيمتها ب15 ريال ومو عمليه وبكذا مايصير اشتري لكل مسحه قطعه جديده حرام شكلها يمين الصوره.
• مساحة سراميك امجوي من يورمارك غاليه مره تأثرت من دعايتهم وندمت اني شريتها لأنها ماتنظف إلا والسراميك يلق مافيه ولا ذرة غبار !! واذا فيه غبار شوي وسخت السراميك كله بدل ماتنظفه ! بكذا مالها قيمه استخدمتها مرتين بس من شريتها والحين تاركتها مالها فايده صراحه تشبه اللي بالصوره هذه بس غير الشركه .
• الحين جلست بدون مساحه احترت وش اشتري فصرت اعبر روحي بفانيلة زوجي القطن قاصتها ولافتها على المساحه العاديه وابلها وامسح بس مارتحت عليها كل شوي تنفك معي واعيد تثبيتها .
• بيتي آجار مو ملك علشان كذا لا أحد يجيب لي طاري المساحه الكهربائيه غاليه وشقتي صغيره ويمكن مستقبلا انقل لشقه ارضيتها مو سراميك وتجلس على قلبي .