مستجده

السلام عليكم ورحمه الله وبركاته يافتيات فراشه الحلوات ..
احم احم احم مستجدات ام غير مستجدات
الازمه تكمن::::
اني ان آ مستجده
ياتسبديه وش ازين
يعني اولا مدري كان قسمي فيه سنه تحضيريه او لا وللمعلوميه انا سجلت جامعه الاميره نوره قسم ترجمه انجليزي ..ولله الحمد على كل حال
بس هذا مدري وشلون احس مصدومه من عمري أنا صرت جامعيه !!!
بالله وشلون تدرسون؟!!!بالمحاضرات والخرابيط ؟؟؟
وشلون تلبسون وشلون تزينون شعوركن؟ شعري طويل وكيرلي + دبدوبه
حالتي صعبه احس مدري متحمسه للحياه الجديده بس مره متوتره وخايفه مدري وش بدبر بعمري بنات تكفون عارفه اني كذا فجأتن طبيت وسولفت عن هذا الشي بس تراني كذا متوتره باقي اسبوع بس
على الجامعه
اي وهل انا اروح اول يوم ولا لا وشلون ؟؟
والجداول وهاالبلاوي ياتسبديه ياحبيلتس يالثنوي اشيل هم وين بقعد وبس
((من جد مستجده خجل))
اعتبروني اختكم الصغيره او اللي تبون قولولي وش ازين
عارفه مكبره الموضوع بس كذا مدري متوتره
والسلام خير الختام