مشكلة صديقتي زوجها مايصلي ابد

السلام عليكم
مرحبا
شخباركم
اليوم كانت عندي صاحبتي، وهي صديقة طفولة ودراسة، ومع السواليف فضفضة لي عن مشاكلها، لها الان شهر وهي عند اهلها، تقول (طبعا هي متزوجة من سنتين وماعندها اطفال) تقول زوجها اخلاق ومحترم وكريم معها ومايقصر معها بشي ومحبوب من الجميع حتى اهلها واخوانها يحبونه، بس تقول زوجها مايصلي ابدا، ومايصوم والا يزكي والا شي (تقول انها شاكه انه ملحد لان مكتبته كلها كتب الحادية) في بداية الزواج كان يتظاهر انه يصلي وبعد ما حاصرته بالاسئلة ليش ماتصلي قال لها انه مايصلي من 11 سنة و يدخن في البيت وتهاوشت معه كثير بسبب الصلاة، وهي تحبه موت وماتبي تفرط فيه وهو عنيد ورافض انه يصلي لانها تزن عليه، اخر شي قالت له طلقني وقال لها زوجها روحي عند اهلك شهرين وفكري بالموضوع وبعد هالمدة راح اتصل بك اذا لسى عند رايك وتبين الطلاق راح اطلقك، وهي مهمومة ماتدري وش تسوي