مشكلة يا ترى هل بعد الزواج هكذا

1. مرحبا فراشات المنتدى ...

مرحبا فراشات المنتدى ...

دوم اتسائل حتى ان راسي عورني من زود التفكير هل ما بعد الزواج كل مشاكل ؟؟؟ وشلون بعيش مع زوجي ! خصوصا اني شهر 8 بتزوج يعني ما بقى شئ !
المهم بقول لكم القصة... كنا رايحين نختار فستان للزواج ... وكان في المحل ولد اللي يبيع ... كان فيه بنات ومعاهم راعية المحل يعني هم اللي ياخذون القياس والخ بس هذا اليوم بالذات كان متواجد الشاب يمكن عمره 17 يعني بالغ ...
المهم الشاب وقف يمدح بالفساتين ويقول هذولا جدد وما حد لبسهم وتعالي المكتب مشان تشوفي صور للفساتين اللي راح ينزلوا .. فرحت معاه ( وهنا زوجي تحجج وقال انك مشيتي بسرعة وراه وكان زوجي وراي ) وانا اشوف اني بغيت بسررعة اشوف الفساتين واطلع من المحل ... المهم رحت وزوجي معاي وعطاني الصور ... وانا اريد اتخلص من هالشخص وكلامه كل مدح في الفساتين وما يخلص ... فقلت له لا انا ما احب الصور اشوفهم على الطبيعة احسن .... وكان نيتي اني افتك من كلامه واطلع من المحل لان ما عجبني ولا فستان !
هني زوجي انقهر من كلامي ... وعلى طول طلع من المحل واني وراه وهو معصب جدا ... يقول لي ما باقي الا تأشري على جسمك ! وتعرفي ان هذا الشخص بالغ اشلون ترضين تكلمينه والمفروض على طول نطلع من هالمحل لان أي شاب يرضى على روحه ويشتغل في محلات للفساتين او المكياج ما يستحى ولا عنده اخلاق ! طيب هل من الأخلاق اني أول ما ادخل المحل وشفت شاب على طول اطلع كاني شايفة شبح! وانا اشوف اني لازم احترمه واماشيه بكلامه لان ما اقدر اقاطعه ... واخر شئ اقول له اوكي بنشوف أول الفساتين بس هالشاب وايد يتكلم وش اسوي ؟!
ادري ان زوجي تاسف ... بس للعلم ما أحس أبد بأي غلط ! وقلبي ما فيه ولا اي مشاعر تجاهه ! ما ادري ليش واحس اني ما ابي اتزوجه بس ما قلت لأحد ....ما ادري هذا حسد ولا شنو !
كم مرة يتصل بس ما أرد عليه ... وقفلت تلفوني مشان يعرف يتحرمني مرة ثانية ولا يسوي هالشئ .
للحين مو مقتنعة ان اللي سويته غلط !
بغيت اخذ رايكم وبكل صراحة قولو لي ... اخاف اتزوجه وبعدين كل مشاكل معاه ... هل هالشئ من الغيرة يعني ؟!