مشكلتي اريد تعاونكم خوآتي

السلآم عليكم ورحمة الله وبركاته
كيفكم يالغاليآت
فيه موضوع مشغلني كثير ومتعبني في حياتي اللي هو كرشتي
يآكثر المواضيع اللي قريتها عن الكرش ومع هذا مانفع معي ولا تمرين من التمارين المذكورة ومنها تمرين الشفط الدآئم للبطن للداخل لكن ماتغير شي ولو قليل.
هذا الشيء كثيير مأزمني وأنا كرشتي كأنها كرشة وحدة متزوجة ومبين عليها آثار الحمل والولادة
ومن فوق بعد مثل الأطفال الصغار يكون فيهم انتفاخ كذا في منتصف البطن تحت الصدر انا هذا عندي
وانا معاي غازات بس اعرف ناس بعد فيهم غازات ومافيهم كرش نفسي والله كأنها كرشة حامل وكل سنة احسها تزيد اكثر ، يعني عندي بنطلون جينز اشتريته قبل سنة وكان عادي يعني مو ضيق كان مريح وبعد سنة رجعت لبسته والله انه ضيق ومره مافيه مجال البسه احس يخنقني من كثر ماهو ضيق على بطني وخلاص عفته ودايم اشتري بناطيل وتنانير تكون اكبر عشان ماتكون ضيقه على بطني مع اني قصيرة وتطلع علي طويلة مرة وبعد نحيفة من تحت وبكذا مايطلع للبس شكل.
أنا وزني مثالي واكثر من مرة شفته وطلع مثالي يعني ماعندي سمنة والبعض يقولي اني نحيفة
مدري هذي غازات والا دهون حتى لو كانت دهون ماتكون بهذا الشكل وماتأثر بالوزن
خايفة يكون البطن اللي فوق تشوه او شي عشان احس ظهري فيه انحناء للخلف هو طبيعي كذا وكثيير ناس كذا ظهرهم .
الحين ابي منكم الله يوفقكم تمارين يكون لها اثر على التخفيف من الكررش ومجربة كمان
وحتى لو فيه نظام غذائي كمان وابغى حل للكرش اللي فوق ايضاً لأنها مخليه شكلي فضيع والحمد لله على كل حال.
وكل وحده تقول ايش اللي نفع معها للكرش.
دمتم بخير