مشكلتي البسيطه والمعقده بنفس الوقت

وعليكم السلام ورحمة الله وبركااته
الله يعينك يالغلا ويساعدك
اول شيء خلصي أشغالك أول بأول وخلي لك يوم في الأسبوع تنظفي بيتك تنظيف شامل
وأول ماتبدأي تنظفي خلي نيتك إنو تنطفين بيتك إرضاء لزوجك وإنو النظافه من الإيماان
وقولي بسم الله توكلت على الله ولاحول ولاقوة إلا بالله
وإبدأي من الفجر بعد ماتقولي اذكارك خلصي أشغالك كلها ..بورك لأمتي في بكورهاا .
هذا نظامي في تنظيم بيتي
أتمنى إني أفدتك ^_^.. ..
موفقه يارب

هلا حبيبتي
مشكلتك نفس مشكلتي بالضبط بداية زواجي تقريباً اول سنه من زواجي
كنت مهمله بالبيت رغم اني انوي ارتب واكنس واطبخ واسوي كل شي بس سبحان الله احس شي يردني يشغلني ويرووح اليوم وانا ماسويت شي
واحياناً ابدا بترتيب شي معين وفجأه اوقف وانا ماخلصت مادري ليه
لكن الحمدلله الحين حياتي تغيرت صحيح اني مهمله شوي عشان الحمل لكن ارتب قد مااقدر وزوجي ملاحظ هالشي
اقولك وش غيرني
الفتره اللي كنت مهمله فيها كنت بجد اضيق ودي ارتب ويكون بيتي نظيف طول اليوم بس مادري وش اللي يردني
وقتها كنت احلم احلام غريبه وماهي زينه وقلت لزوجي عنها انها تتكرر علي دايم
راح زوجي سأل مفسر احلام وانصدمنا من رده
قال لزوجي زوجتك فيها حسد وعين وتحتاج رقيه شرعيه واللي استغربناه ان المفسر سأل زوجي قال : زوجتك مقصره بشغل البيت قاله زوجي ايوه مقصره
قال هذا من اللي فيها ودها لشيخ يقرا عليها
وفعلا قريت عند شيخ فتره وتعبت مره بعد الرقيه لكن الحمدلله استمريت على الرقيه والحين حالي احسن بكثير والحمدلله حملت بفضل الله بعد الرقيه والاحلام خفت وصرت اهتم كثير بالبيت ونظافته
اعذريني كتبت قصة حياتي
بس حبيت افيدك لاني تذكرت حالتي قبل كنت انحرج حتى من زوجي لما يدخل ويشوف البيت مبهذل وانا لاوظيفه تشغلني ولا اطفال يعني ماعندي عذر
لكن الحمدلله الحين بيتي مرتب وصرت احس بنشاط وودي اشتغل طول اليوم بس الحمل يمنعني اخاف اضر نفسي
اتمنى لك التوفيق حبيبتي
ونصيحه اهتمي في بيتك ترى الرجال مايحب البيت مبهذل حتى لو مابين لك مراعاة لمشاعرك
يحب يدخل يلاقي البيت مرتب وانتي فاضيه وريحة البيت حلوه
الله معك حبيبتي

يااقلبي اولا أذا هالحاال بس بعد الحمل فهوو وضع جداا طبيعي
مع الحمل لازم الكسل
اذا داائم فلازم تحاولين تغيرين من نفسك
انتي لما تشووفين الشغل كثير تستصعبين عمله
قسمي شغلك
اول شي اعرفي انه اذا البيت مو نظييف رااح يسبب لك نفوور زوجك من البيت وانطبااع انك مو نظيفه
وهالشي مو حلو بحقك
فأنتي شووفي اييش الشغل اللي يتكدس وحاولي تخلصيه
مثلا الموااعين
لاتطلعين كل الموااعين والملاعق والصحوون لا
طلعي لك عدد محدد ولاتستخدمي غيره بحيث كل مااتوسخ تضطرين تغسلينه هالشي خليه قااعده
انا والله ارتحت يوم حطيت لي موااعين محدده والبااقي بالدواالايب ماأستخدمه
او ممكن تجيبين غسالة الموااعين عشان تفيدك بالغسيل ومايتتراكم الموااعين
بخصوص تنظييف البييت نظفييه مرره بالاسبووع او استعيني بشغاله بالسااعات تجي تنظفه تنظييف كاامل بماأنك حامل
اما التنظيف اليوومي حاافظي على ترتيب البيت وهذا اهم شي
يعني اذا انحاس شي تربيه بسرعه
والمسح والكنس وتنفيض الغبار خليه مره او مرتين بالأسبووع
وبخري البيت يوميا لأنه البخوور مع الترتيب يعطي احسااس بالنظاافه حتى لو ماامستحيه او كنستيه
لنه الكنس مو شرط يوميا لا والبيت مو يوميا يحتاج مسح
وقفلي المجالس ولاتفتحيها الا للضيووف
بكذا رااح تحاافظي على النظاافه طوول الوقت ومنتي محتااجه تشيلي هم التنظيف وتقولين ابسووي وابسوي
وغسيل الملابس مره بالاسبووع
شفتي كييف سهله
لاتقولي الكلام سل والفعل صعب
انا حاليا حاامل ومسوويه كذا بماأني احس بالكسل غصب
والحمدلله البييت داائما نظيف
لأني ماأعطيه فرصه يتوسخ عشاان اجلس احمل نفسي فوق طااقتها واقول ابسوي اليوم هالشغل
خلاص لما تنظفي وتغسلي اول بأول ماايجي شغل ولاتحسي فييه

واالله يا اختي وانا عندي نسف المشكلة وودي بحل

البنات مااقصرو واهم شي اجلي كل شي "تلفزيون ، نت ، قرايه ، تلفون " لبعد ماتخلصي شغلك
لان الوقت راح يمضي وراح تحسي بالكسل
وخلي شغلك اول باول اريح لك
الله يعينك ويسهلك يارب

فقامت فاطمة الزهراء عليها السلام من ساعتها ، وأتت أباها النبي صلى الله عليه وآله وسلم وطلبت منه خادمة ، فقال لها : يا فاطمة أعطيك ما هو خير لك من خادم وم الدنيا وما فيها .
قالت : وما ذلك يا رسول الله ؟
قال : « تكبّرين الله بعد كل صلاة أربعاً وثلاثين تكبيرة ، وتحمدين الله ثلاثاً وثلاثين تحميدة ، وتسبحين الله ثلاثاً وثلاثين تسبيحة ، ثم تختمين ذلك بلا إله إلاّ الله ، وذلك خير لك من الذي أردت ومن الدنيا وما فيها »
حبيبي جرربيها والله انا كنت زيك وكنت اقول التعب والحمل يشغلوو وقتي وصرت اول ما اصحى اسبح واذكر الله وشووي الاقي نفسي مخللصه مشاءالله
الله يوفقك ويسهل عليكي
تذكريني بالدعاء وتقبلي مروري

انتي اول ماتصحين من النوم سمي الله وخلصي كل شغلك
وبعدين اتفضي للراحه والتلفون
الله يعينك ويهدي سرك

شكرا لكم اخواتي على المرور ... الصراحه انا مستغربه من نفسي لأني اتضايق وانزعج من من قلة الترتيب والنظافة في بيتي ورغم كذا ما اقدر اشتغل فيه، رغم ان بيتي صغير وما يحتاج تعب كثير

قومي الفجر واشتغلي اللهم بارك لامتي في بكورها وشوفي