مشكلتي الثانيه والاكبر ما ابي منكم الاالدعاء لي ولاولادي

السلام عليكم ............
مشكلتي الثانيه .........هي ان زوجي قلبه قاسي جدا جدا
علي وع الابناء.....
انا غاسله يدي منه...يعني مو مستحيل اسمع كلمه حلوة ولاغزل منه بس...لا فهو طول الوقت يخاصمني ويهاوش ويصارخ ( متقاعد ماعنده شي)
غير ان فيه السكر وسكره دايم مرتفع...... وعنده افكار ووساوس ... ويقعد بس يفكر ... يعني مثلا لابخرت البيت يقعد يفكر ليش مبخره يمكن احد بيجي .....
وغير انه ما يحب ان يجي احد بالبيت ورب النعمه بيتي مهجور محد يجيني ......
اعيش فيه انا وابنائي وزرج يخاصم ويهاوش ويلعن ......
فهو يكره اخواني واذا احد جا منهم يناقرهم بالكلام يخليهم يكرهون يجون عنده... ويكره امي وابوي لاجو عندي يقول ((( جيعانين جاو يدورون اكل )))
واخواتي محد يجيني من اخلاقه الرديئه ... اختي جتني قبل 5 شهور وسوا حركة وبطلت تجي
تخيلووا ......كان في كيس شبس بالمطبخ وولدها 3 سنوات راح اخذ منها وربي كيس روبيان ابو نص ريال.....
جا سحبه من يده وقال يلا روح مافي شي.......
ووجهي ضاع عند اختي المشكله كانت جايه عشان خاطري لتشقر حواجبي .......والله وجهي راح مويه من الفشيله
ويعامل اولادي كأني جايبتهم من الشارع فولدي الكبير طلع اسمراني شوي زي خاله .......وتعالوا شوفو كيف يعامله
ورب النعمه طول الوقت يخاصمه ( بلى في وجهك... عساك العمى ...تراب في وجهك ... روح عن وجهي ..عساك الحريق بوجهك ...الخ)
والله كلمه وحده حلوه باليوم يادوب يسمع منه...
مسكين كم مره طرده لينام بدون اكل .... مره ماعنده رحمه في قلبه مع ان الولد متفوق وشاطر........بس دايم يعايره يقوله يافاشل ...يا جيزاني واشياء استحي اقوله.....
ومسكين والله عيونه مدمعه عليه .... مسكين ياويله ياويله اذاجاب طااري عيال اخواني او اخواتي
حتا لو بالغلط ... يقوله ياالفاشل انت مصيرك تصير زيهم فاشل....
حتى الولد كم من مره يقول لي ليش تزوجتي بابا .....ليش ماتزوجتي واحد يحبنا
لان الولد لو بس كح ...... ابوه يقوم عليه القيامه.......
هذا والحين بالحر تخيلو.....شدة قساوة قلبه....انه مو مركب مكيف في غرفة العيال
والدنيا فوق حر وهو يطردهم 24 ساعه فوق ماييهم قبال وجهه...
مساكين راحو فيها من الحر تسلخوا
موراضي يركب يقول عشان على طول يكون المكيف شغال وتجي الفاتوره فوق راسي
وهوو قاعد تحت بالمكيف ......7 طن ومشغل مكيف ثاني 5 طن مكيفات مركزيه يبيلك تلبسي شتوي بالحر .......
الله .... يصبر قلبي على عيالي ...هو مايكرهم بس معاملته لهم جافه ...وكأن مو عياله
وهو متزوج من قبلي واكبر عياله مدرس 35 سنه... ودايم يكلمهم ويسولف معهم وانا حرام لو اكلم خواتي
حرام لو اكلم امي
لو قلتله احد بيجي من اخواني او اهلي خلاص على طول يبوز.........
عشن انا ابطل من نفسي...
وهو مستحيل يمشيني مستحيل يطلعنا غير مره بالاسبوع اللي اروح لاهلي فيها هم مايقصرون يمشوني ويطلعوني.......
والحين كل ماله اخلاقه قاعده تصير بالحطيط... ياربي مدري وش اسوي ........
وهو بعض الاحيان يعني 10 بالميه اذا كان رايق ......... يكون طيب معنا ...
عشان ما اظلمه........
والله لسه هذا ماحكيت لكم شي هذه جزء صغير من حياتي ....واللي قاعده اعانيه اكثر من كذا
خلاص فقدت الصبر ...
الحقوق الزوجيه وتنازلنا عنها .....عشان خاطر العيال .....ما اقدر اطلق مستحيل
ما اقدر اعيش بدونهم.......
بالله تدعون لي في جوف الليل ان ربي يحنن قلبه لعيالي ولودي البكر اللي ماخذ نصيبه من متاعب الحياة...........
واذا عندكم حلول عطوني ......ساعدوني في كربتي يفرج الله عليكم يوم القيامه